我真係多得隔離屋個兩PAIR(傻人)
今朝6點幾 我就有早餐食啦 仲要係豐富既"海鮮餐"
"人家大少"親自煮理 死未 WAKAKAKKA~
唔知佢地玩乜 今朝6點幾個時 突然係到大叫"開門呀 哈哈哈"
然後狂拍門 跟住 聽到開門聲 又聽到"o拍"門聲
跟住仲要係到一路大笑 一路爆粗......................................
大係佢地爆粗 唔係鬧交個D 係講笑個D啵
"人家大少"被嘈聲 就開門 (個時我坐左係廳)
佢問我 你頭先聽唔聽到呀 我話 聽到丫
跟住"人家大少"走入房 打開個窗 開始煮理佢既"海鮮餐"
跟住我勸佢 算啦 呢D細路 點會聽你講丫 亦更加唔會怕你@@~
"洋蔥傻仔排骨"
呢個餸我好鐘意食 又係多汁 用黎撈飯食 唔錯~
今次買得D排骨瘦得濟 好"鞋" 我好小會買錯呢D咁既貨
唔通果日我"發雞盲" @@~ 張相仲要影得超級肉酸=X=
"XO醬稔魚柳炒西芹"
之前炒魚柳 我大多數都係用"龍利柳" 自從試過吉吉島呢隻
稔魚柳之後就愛上 而家去親吉吉島 都會買定D存貨返黎
幾時食都得 又方便呢~ 早幾日係"百佳"都見到佢地做特價
本黎想買 但係"人家大少"話 會唔會唔係個隻貨呀@.@
雖然我影D相 一向都係唔靚架啦 不過呢日真係特別差
想執執佢 點知好似劃蛇添足咁 仲更加肉酸.............
對不起呀BLOG友們 希望冇影響你地既胃口啦 >O<
係唔係飲大左呀????
回覆刪除d餸煮得好好呀‥
回覆刪除識煮菜又肯做飯的太太愈來愈難得了!你是極品啦!
回覆刪除啲餸啱晒我口味呀!!
回覆刪除記住買腩排呀...要好食就要食 d 肥膏喇..... 吉吉島 d 魚柳質素好 d.....W果 d 認真麻麻....
回覆刪除煮得好好啊
回覆刪除你係唔係住喺元朗架?!
回覆刪除d餸好ok呀！d相都唔係太差啫...
回覆刪除你個排骨帶有南乳feel噃！
回覆刪除我愛西芹魚柳。
回覆刪除怪唔得你今朝晨咁早去我度留言啦！我樓上都係超衰，佢洗3唔會擎下水，下下 be beba ba 咁晾出街，重成日拉凳、跳、跌嘢咁，喺我個頭頂嘈生哂，好鬼黑人憎。
回覆刪除我好想老伴幫口媽剷樓上，可惜佢從來唔講粗口囉！
你影d相好過我好多呀!我自愧不如!!
回覆刪除有d咁嘅鄰居就真係多得佢唔小呀!
回覆刪除比我報警!
回覆刪除
回覆刪除吉吉島好老實﹐鯰魚柳就真係叫鯰魚柳﹐好多奸商呃人叫龍利柳﹐又叫 Pacific dory ﹐又叫 basa fish ﹐好多靚名﹐其實鯰魚都幾好食﹐好肥美﹐只不過係人工飼養淡水河魚﹐游水既香港人又叫佢河鮮﹐快大產量多﹐賣唔起價錢﹐奸商就囉黎扮其他魚柳﹐我地呢邊都入口好多﹐頂屎晒 D 澳洲魚。
買排骨我有時睇錯,明明覺得佢靚蒸出來但都係鞋架,多數用高速煲炆,但有時過火會太淋呢
回覆刪除稔魚柳真係好食等我又試吓先
回覆刪除晨早流流食海鮮?? 如果真係太嘈, 不如帶對耳塞瞓, 瞓得太少真係會崩潰嫁!! 或者同管理處投訴...
回覆刪除我都係食吉吉島呢隻魚, 又抵食又易整~ 下次試下跟你炒西芹先
回覆刪除兩味都好好送飯呀~
回覆刪除下次襯佢地喺夜晚再嘈，你不如打999，會有警察拍佢門，唔洗人家大少去拍呀！
回覆刪除家陣啲小朋友冇乜家教，你2個善良就等佢睇下甚麼叫報應
回覆刪除呢2個餸睇見已經好好味，好我去醫肚先
好食先最重要
回覆刪除冇得食, 睇吓都係好嘅
回覆刪除好...有人諗埋煮乜, 我今晚都煮呢個西芹魚柳先.
回覆刪除稔魚柳我多數去＂街寶＂買，有時十蚊有兩大塊，平過吉豬島和８街好多架，不過可能產地唔同，但都食得過架 ！
回覆刪除體諒! 因為我影啲相,都係好核突 !
回覆刪除XO醬西芹魚柳呀！唔該！
回覆刪除早晨！我鍾意西芹魚柳。
回覆刪除希望你們可以盡快重享恬靜的生活 !
回覆刪除我喜歡西芹炒魚柳 !
我鍾意妳碟炒魚柳呀
回覆刪除二樣小菜我都鐘意食呀
回覆刪除薯仔ilikeit
回覆刪除影我唔好唔緊要, 最緊要係好味道者..
回覆刪除一早炒蝦拆蟹~最怕嘈呢我~所以我煮得好高~烏蠅都飛唔到上黎~!
回覆刪除啊, 原來煮海鮮即係炒蝦拆蟹...好似得我一個唔明呢.... 哈哈~
回覆刪除我樓上家人又係好嘈, 拉椅子, 小朋友倒玩具, 走來走去, 大聲講話等等都聽得清楚, 仲要半夜兩點幾都係咁, 好煩
回覆刪除哇~~日嘈夜嘈咁唔掂喎...投訴一下丫~~佢地5瞓你地都要瞓架嘛
回覆刪除