大埔~ BB開心棧

某星期六 中午 工作需要 入開大尾篤個頭

剛好食飯時間 煩惱緊食乜 諗起無線有套"香港有運行"

介紹過呢間野 咁就去試下啦

呢到泊車都幾方便 不過可能係中午關係 夜晚我睇怕都幾難

一入到去 見到......................呢張相個時 個心開始有D不安

因為.................................呢間野 原來又係用"明星效應"

呢個老闆娘都幾利害 真係同好多明星,名人影左好多相

唔知有冇BLOG友知道 呢個老闆既出處呢?

睇D相 佢什至同好多政府官員 都影過相架 曾特首同財爺都有

呢間小店 出名係食"客家菜"

聽講佢地既"黃酒煮雞"好出名 不過呢日趕時間 沒有去品嚐

只係叫左佢地個日"是日午餐" 價錢OK 30蚊 仲有飲品

亦睇過佢地既MEAN 小菜價錢同出面既小廚 大至都係咁上下

唔係太貴 街坊小菜價錢啦~

佢地個SET LUNCH 有鹽焗雞飯 不過我地冇叫

因為................. 呢排真係食左好多雞 有D怕怕啦~

我點左"客家炆豬肉"....................正唔正宗 我真係唔知

呢個豬肉 其實係咸菜炆豬肉+南乳汁 我自己覺得 冇乜特別

腩肉亦炆得唔夠"鬆化" 食得出係................. 求其去煮

呢個餸 我覺得各位愛入廚既BLOG友 都會整得好食過佢

同事叫左個 支竹牛腩 佢既結論係 同一般茶餐廳冇乜分別

唔難食 亦唔可以叫好食

可能我地叫D唔係佢地既小菜掛~ 所以食物一般啦~

自己覺得...............................................................

夜晚好小會專登去個頭搵食 如果再有機會去 都唔會去試呢

呢度附近 有間食炭燒串燒(自己燒) 聽D同事講都唔錯

再去既話 我會去試個間串燒.........................點解?

因為.............個主打係客家菜 但係連個"客家炆豬肉"

到做得冇乜誠意 =.= 不過又唔會BLACKLIST佢既

有機會多D人去食既話 都會試下佢地既小菜

可能貴D 會比返D誠意呢 @@~