豆角炒牛肉 & 香蔥豆腐

下星期 公司開始"斷糧" cut開資之餘 係冇任何補貼

唉~ 點計都計唔出有28蚊粒鐘 (不特止)

家陣仲要扣褔利 真係冇野好講啦 =x=

另一方面去睇 其實帶飯唔係唔好 岩自己胃口之餘 仲有益d

之不過係...............又要頭痛啦................因為好多野"返叮" 係唔好食

 

"豆角炒牛肉"

早排見blog友讚 "牛柳邊"好食 點整都唔un~

咁樣對笨笨呢個"牛克星"黎講 真係一個喜訊 早d去街市搵下呢個

"傳說中既牛柳邊先" 呢次買左20蚊 ................

牛肉可能對我黎講 只要唔"騷" 唔"un" 就ok架啦

至於豆角 真係超貴呀 計返要成1.3蚊1條 嚇死我

一問次下 老闆話 而家d豆角要4x蚊一斤.....佢地返貨 都話要38蚊斤

呢次呢個都唔錯 仲幾重牛味呢 ( 食牛有牛味 食豆有豆味 ) 哈哈~

"香蔥豆腐"

碟咁既豆角牛肉都使左我30銀兩 今晚仲買左野煲湯.....................

嘩 呢日買餸都買窮我呀 平時打埋d斧頭要貼返晒落去 >.<

緊係要諗返個超經濟既黎 平衡返啦 買左舊豆腐返去 4蚊雞ok~~

殺我成8蚊豆角 得個幾條 幾大都問佢拎d蔥使下 ^^"

原本諗住就咁蒸左佢加豉油就算..................不過......................

打開雪櫃 發現有支陳年醬汁被遺棄好耐啦 就係右手邊個支

上次諗住買黎炒牛肉用既 點知....原來呢支"燒肉汁"超甜呀=.=

"人家大少"試左一次 就叫我掉左佢...............好浪費啵 唔得咁樣

打佢入冷宮坐下先啦...... 屋企有支料理酒...... 又試下混醬先~

又係煮個時心驚驚啦 怕"人家大少"又話唔like嘛

呢個餸大家可能覺得賣相唔得 不過出黎既效果真係好好味

用黎撈飯食一流呀 罕見地 "人家大少"呢次仲嚴我煮得小呢 ^o^

所以我要寫返低個食譜 怕自己又"老人痴呆" 下次唔記得左點整

材料: 蔥 ,  豆腐

汁料: 日式料理油1湯匙

        燒肉汁1湯匙 生抽1茶匙 水2湯匙 生粉1茶匙 <----撈埋一堆

煮:    豆腐切件 灑小許鹽 (待5分鐘左右) 放入燒紅既油鑊 煎香後(留用)

         熱油鑊 放蔥 轉慢火 少至轉色 加入日式料理酒 炒香

         下預備好既汁料 煎香既豆腐 慢火煮1分鐘 "攪惦"

係好樣衰架啦 不過真係好好味架 @@~ 

整返個明目老火湯先 青紅蘿蔔日月魚