好耐冇講過屋企既"貓貓"啦
係2010年10月27日 無丫丫貢樣 發現呢個衰豬
本黎我都冇無意 不過隔離屋同我講 無啦啦多左隻耳仔生得好怪貓
我就八八掛 去睇下................... 一見我拎起相機 "扮串" 唔比我影
個時仲未知佢係男定女 叫下佢"靚女 影張相啦" 佢又真係望過黎
引佢行埋D先..........................發現 原來唔係普通既流浪貓 係一隻"卷耳貓"
跟住打比"人家大少" 講左情況比佢知 開佢點好........................
佢就問返我 周圍有冇人貼紙話唔見左隻貓 但係行左成條村都冇發現呀
拉近D鏡頭 ZOON埋去影...............................................
可能佢太肚餓 我再行埋D 佢都係顧住食 我試下摸下佢啦 ....................
佢又真係比我摸啵 仲勁"淋" 再打電話 問"人家大少"點算好
佢就話 如果佢比你摸 帶佢返屋企先啦 再擺上網 睇下搵唔搵到佢主人
個晚 我就打左去"魚農處", "愛護動物協會" 同埋BLOG界既貓友
都係冇消息 再上香港既貓網 論壇 都係冇人唔見貓貓......................
呢次真係頭都痕 屋企本身都有5隻 家陣仲要整多一隻 點算 >"<
一望住佢對耳仔 我就諗起一套好舊既卡通片"仙巴X險記" @@~
最鬼嬲 就係打去"魚護處" 佢地同我講 叫我交隻貓比佢地
笨: 交隻貓比你? 你地又話冇人報失? 咁交隻貓比你做咩呀?
魚: 我地會留意返 有冇人唔見左貓
笨: 咁我留低電話同資料比你 你地有發現 通知我就得啦
魚: 我地唔會去留意呢D野架 除非隻貓係有人打黎問啦
笨: 咁如果 隻貓冇人認 你地會點呀?
魚: (唔出聲).................................................................
笨: 你地會交去邊?
魚: 咁樣 我地會另外處理
笨: 點樣處理?
魚: 交去愛護動物協會
笨: 咁係"愛護動物協會" 即係拎佢去"殺"啦
魚: 呢一方面 唔係我地既範圍 只係職責上 我地會咁樣做
笨: 咁我唔會拎黎囉
魚: 冇問題既 咁你養左隻貓就乜野問題都解決晒啦
笨: (呢一刻 我好火 唔想再同呢D什麼叫做愛動物 保護既人講野)
CUT左佢線
真係好嬲 跟住想問"人家大少" 點好之際 "人家大少"係我未講完之前
其實佢係我同"魚農處"傾個時 佢都已經插左咀
人: 靠呢班"PK" 即係送佢去死 算啦 佢地同我地有緣 養埋佢啦
笨: 真既?
人: 唔通你真係送佢去"愛協"咩?
笨: 我當然唔會啦..................................................... >"<
咁呢隻"死肥仔" 就變左我屋企成員啦 @@~
第二日 即時帶呢隻"肥仔"去BODY CHECK
笨: 醫生 呢隻係貓係係街發現架 你幫我睇下佢有冇精片
WET: (CHECK左) 冇常片呀
笨: 咁佢DESEX未? 幾多歲? 身體健康點樣?
WET: DESEX左啦 大約係1-3歲左右 身體好健康 肺部跳聲好OK
而且冇蚤 ................. 真係執返黎架?
笨: 係呀 琴日係屋企門口發現架
WET: 佢之前一定有人養 貓貓身體好健康 冇問題 CHECK左便便都
OK 冇虫
笨: 不過我上網又搵過 冇人話唔見貓啵
WET: 呢D野 好難講既 ..........................................
就係咁樣 佢就成為左我屋企第六隻貓貓啦 >O<
佢真係好唔知醜架(以下圖片 18禁) @@~
你都好有愛心喎,抵讚 我一早己經幫我隻狗狗植入咗microchip,因為我驚佢走失!
回覆刪除唔記得講,貓貓坐到好似個大爺咁呀
回覆刪除好人有好報架！
回覆刪除咁有愛心真難得, 佢又肯跟妳返屋企喎... 肥得幾可愛. 咁屋企嗰幾隻有無吃醋呀?
回覆刪除多謝你地咁善心夫婦, 呢位小朋友至有咁幸福生活.. 好心有好報願天主保佑你地永遠幸福快樂
回覆刪除蘇 Q
回覆刪除佢應該係有人養開, 所以唔怕陌生人，可能佢主人 e+ 喊都 CC 吓，算吧! 總算緣份一場。
回覆刪除BTW 佢真係好可愛 肥揗揗
你2個好有愛心，如果每個動物主人好好照顧動物，我相信各動物一定生活開心。
回覆刪除或者你係附近車站貼街招，睇下揾唔揾到主人，主人可能係老人家唔識上網尋貓都唔定。
回覆刪除妳哋好有愛心呀 隻貓貓好彩遇著妳哋咋，如果唔係可能做咗流浪貓或者比人殺咗啦
回覆刪除貓貓真好彩呀
回覆刪除佢雙真係幾特別！可能係呢雙耳令人留意倒佢！
回覆刪除肥仔 真係好好彩！俾你哋收養咗！佢擺啲 POSE 好型！超艱度！
回覆刪除無啦啦又要人打個乜鬼驗證碼！唔該 Add 我吖！
貓貓好可愛呀
回覆刪除可能隻貓貓同妳哋有緣, 佢雙耳仔又幾特別喎.
回覆刪除很有愛心..讚
回覆刪除貓貓得你收留，真係好運氣，你同人家大少真係好有愛心呀！
回覆刪除如果人人都好似你地咁有愛心,啲小動物就有福嘞!
回覆刪除昨晚電視新聞話多市有一對小貓咪被人惡意拮盲一隻眼,丟喺垃圾站,被人發現送去獸醫搶救,睇見對可燐小貓,好心痛!點解D人咁變態?
好有愛心……… 隻貓都好令。
回覆刪除我以前有個同事,她養了廿幾隻貓呀!仲同佢哋節育...等,花不少錢呀!
回覆刪除又聽人講D乜物愛護會,真的將冇人要的貓狗殺死的,這便是愛護動物會了,出面,D乜人去殺動物就有罪,但這乜會就合法及有人工...及政府支助...乜世界嚟架~~
眼睛簡直會癹光。
回覆刪除18禁....好攪笑呀
回覆刪除以後要叫你"6B媽" 唔係"笨啦啦"啦
貓貓好靚呀，對耳仔好得意呢~ 佢仲咁乖比你摸，注定同你有緣呢~
回覆刪除依張相真係見到佢好肥好得意呀
回覆刪除隻貓真係好肥嘟嘟喎
回覆刪除佢話要比d 真功夫你睇 佢好得意
回覆刪除你比我好好ga la , 佢又無蝨 , 身體又好 , 我汁個d有D 勁曳 , 勁烏糟 ,5,6十隻蝨 , 又呵勁臭 ga "C" , 印到一屋都係"C" , 一呵"C" , 好似放"沼氣"咁 , 聞左d臭氣,氛迷都彈醒 , 4個幾月後先好d , 我汁個d 佢地都有一個故事(其實無刻意汁, 好似你咁 ),緣份嚟 ....我無係我個blog到講 , 因我屋企人唔鍾意, 佢地會睇我個blog ,......總之幫到就幫
咁靚仔應該有人養開架! 好大機會走失咗呀! 遇到你又肯跟你總算係一個緣份, 有你哋照顧都好嘅, 流浪街頭好慘. 新入屋唔 使隔離咩?
回覆刪除Lala你真好心哋
回覆刪除我識得好多養開貓0既人, 都會愈養愈多隻....... 六隻....朝早唔駛鬧鐘都會知醒啦
回覆刪除肥Tiger有你收養真係好喇, 送佐去愛護動物協會實屎冇生呀
回覆刪除佢同你有緣,
回覆刪除係街會好慘ga,愛恊一樣講錢唔係真心對動物!
你好有愛心呀, 希望貓貓搵得返佢個主人啦.
回覆刪除查十我都好喜歡喵喵架~~可惜我皮膚敏感芽 如果5系我十寄養幾隻系我屋企啫
回覆刪除你都唔好怪魚護署同愛協，要怪就怪遺棄動物o個o的人，因為一時興緻咁買返o黎養，熱度一過就咁掉o左佢o地出街，我屋企後面個公園仔，舊年原本得一隻流浪貓，但係兩個幾月前，發覺另外多o左 3 隻出o黎，真係可憐
回覆刪除好心有好報 佢真係好可愛呀
回覆刪除哈哈..好鬼得意呀~不過如果真係之前有人養而被遺棄
回覆刪除衰d都要講..希望果個人有報應囉~養之前唔係諗清潔既咩
好在貓貓同你有緣~你真係大好人..係啦! 所謂既愛協
其實一d愛心都無囉~無人應領的話~貓貓真係要咩都似囉..
祝你6隻貓地生活愉快~日日開心..有你依個好主人..真係太好了
回覆刪除嘩！佢攪過咩嘢，竟然突咗條.......
好多時係寵物店都聽到啲人話貓b多得意，不過大咗就唔得意lu ，心諗點解養大咗就唔得意 ，希望有咁諗法既人千其唔好養，唔係遲早又多隻棄貓
你真係有愛心啦
回覆刪除嘩 ! 啦啦妳和 [人家大少] 真是愛心爆膨啊 !
回覆刪除家中已經養了 5 隻貓 , 還願意收養埋 [落難貓王] ,
那 每個月的貓糧費用支出可真不少呢 !
實在敬佩你倆啊!
如果世界多一些像您這樣好心地的朋友．．．人同動物們都會幸福得多了．．．
回覆刪除祝願您和貓貓們永遠開心．健康＾＾！
如果世界上多一ｄ好似您咁好心地既人就好啦．．．人同動物都幸福得多．．．＾＾
回覆刪除呢個ｙａｈｏｏ ｂｌｏｇ係我第一次用．（因為此ｂｌｏｇ而開）＾＾．．．
回覆刪除唔知點解．琴日留俾貓貓既說話．我全部都睇唔番．．．＠＠
我睇到啦．．．＾＾
回覆刪除佢真係好靚好靚呀
回覆刪除我諗佢都好開心你做佢主人(或者貓奴)