笨啦啦窩居: 1月 2012

2012年1月31日星期二

鮑羅萬有+清蒸米奇 & 鮑魚雞湯

哈哈呢餐係踏入龍年笨笨廚房正正式式既開爐飯呢

話時話丫真係大吉利是笨笨由年初一病到年初三呀陰公>.<

連同"人家媽咪"拜年都缺席呢~

年初一個日唔知攪乜個胃痛到飛起

全日都只係"痴"住張床 (當然除左"針水"同去廁所啦)

就係病所以笨笨連自家開年飯都冇煮到

咁就年初八呢日啦豪一豪佢先 (對我黎講好豪架啦 >3<)

"鮑羅萬有"?

哈哈呢個名係我自圓其說既JAR

之前係大昌入左貨不過成個新年唔係冇時間就係病左

真係大吉利是 ......... OH...............

好啦年頭病左跟住落黎就大吉大利百病不侵 ^O^

(發菜蠔豉鮑魚冬菇瑤柱五花腩 )

"清蒸米奇"

驚唔驚蒸米奇呀 WKAKAKAKAKA

話明係開年飯緊係要豪埋佢啦

(老鼠斑)ccccccc 兩丁友食咁大條斑 @@

冇計啦搵唔到細條呢條算係至細架啦盛謂80丫

(唔通過年 d魚販唔捉魚毛?)

不過物有所值真係好有魚味好滑呵呵~

成條魚食晒架勁唔勁呢哈哈 ................

但係個"鮑羅萬有" 就有餘有剩哈哈

"鮑魚雞湯"

"鮑羅萬有"入面既鮑魚就係呢個湯既鮑魚(湯渣)啦

今年係大昌買但係唔多惦個樣好似我咁衰爛邊既 >.<

記得係早兩年我都煲過呢個湯 "一鮑三吃"

2010當年 1吃=湯 2吃=鮑片生菜 3吃=鮑魚雞粒豆腐

2012今年都係3吃架 1吃=湯 2吃=鮑羅萬有 3吃=?

下一篇開估哈哈

2012年1月30日星期一

生炒糯米飯 & 西洋菜陳腎湯 + 德州入手

農曆年都冇update個blog 咪又係因為忙忙忙+懶懶懶囉

哈哈!! 掛住"豆"利是去溝訓覺 >o<

今日要回復正常啦=口="

"德州入手"

呢次入手係未過年之前既事黎架

呢日跟"人家大少"開工經開大圍入去八下

就八左呢幾樣野啦好在個日得二百幾蚊係身

佢地又冇EPS 如果唔係肯定唔係入手而係敗家啦 @@"

呢PACK特價肉眼剪左綵啦肉質唔錯不過唔係好重牛味覺得抵食丫

鵝肝等唔切啦切左兩片煎黎食哈哈入口溶化架正 >.<

安格斯牛柳呢PACK未試諗住2月14先玩哈哈

"生炒糯米飯"

都話任何事都唔好做開頭架啦開左個頭就麻煩自己架啦=_=

自從整左生炒之後 "人家大少"就唔肯食蒸架啦

又唔知真係人地會炒到手軟 >.<

材料

炒呀炒炒左差唔多半個鐘喔@@ 冇等D蛋凍就切心急左好肉酸=_=

炒得靚唔靚囉讚下自己先 (一定好食過出街果個D 哈哈^O^)

"西洋菜陳腎湯"

加埋呢個湯成餐就FIT晒啦早排係"恆香"見到有陳腎賣

試下得唔得先好似係68半斤有9粒

煲出黎真係香好多呢好過雜貨舖買個D多多聲

2012年1月18日星期三

testing...

OVER OVER

有blog友見到我嗎???

究竟私有左而家會變成點?

關注左會看到? 定係亙動先可以呀?

2012年1月16日星期一

澳門仔@元朗

我發現原來我唔單止係"笨" 仲要係龜速=_=

呢篇blog 係上個星期食架啦點知我而家先出 .............

睇怕我可以由"笨笨"改名去"龜笨or笨龜"鳥 (d'oh)

好啦~ 呢日約左blog友仔去試新野不過........好似衰左=_=

算把啦當係將貨就價咁就ok啦 ..................

多謝blog友"活活"&"Angel"陪我......"貓街邊" wakakkaka

先唔講野食因為收到既伴手禮真係正過呢餐百陪 hehe^o^

多謝Angel既"蘋果批" &"角仔"

"角仔"真係超鬆脆呀我同"人家大少"攪到要爭食 >.<

"蘋果批" 第二晚做左我地既甜品呢

多謝"活活"既名廚表哥既魚蛋真係好彈呀

而且好香呢一打開個袋 "人家大少"都話嘩真係好香啵

我拎機影相個時居然有隻小鬼想抽水.....比我地罵得"落貓流水"呢 haha

當然唔係當晚食啦第二日煮左個清啖餐配彈牙魚蛋

(sorry~ 笨龜要係過兩篇blog 先出到呢碗麵=_=)

講野食啦呢次試左呢間係元朗水邊圍側既"澳門仔" 有串燒同豬骨煲

串燒屬於街坊價錢都係個句啦 "將貨就價"=.=

先黎"豬扒包" 我矛食呀唔多知好唔好食

"烏頭"
剛熟唔錯拔........冇左烏頭既油香

"串燒蒜頭"
真係咁大個女都未試過味道ok啦不過燒多5分鐘會更正 ccccc

"燒洋蔥"
係唔係我唔識食呢? 有"渣"既 ~_~

"蒜容茄子"
賣相味道唔錯不過呢....... 唔通店主諗住一人一條? 沒刀沒叉=.=

"牛仔骨"
有牛脂既香肉質ok 但係開始發現點解樣樣野都係個d味道既@_@?

"蒜容燒蝦"
好在......蝦肉新鮮唔"梅"

"羊架"
我自己冇食呀不過blog友話算係ok 起碼唔"so"

"牛油金菇"
oh..... 冇得表態因為我唔食既 sor >.<

"芝士西蘭花&蒜容西蘭花"
朋友話芝士果個好食d呢

"燒魷魚"
初初我地以為係鮮魷點知原來係"吊片" 我諗應該改改餐牌啦 >o<

呢餐真係唔經唔覺傾到十二點幾呀真係天南地北

乜都傾一餐不過呢我想講句.............................

sorry呀朋友仔呢餐要你地做"白老鼠" 對不起喔>.<

2012年1月15日星期日

菠蘿火腿扒飯 & 生菜魚肉豆腐湯

落足一日雨計畫打亂鳥 (crying)

諗住今日去辦下年貨敗下家

點知.........落足成日雨典算喔 >.<

點解今年農曆年好似樣樣都好趕咁既~_~

家陣乜都貴去到街市真係腦閉塞唔知煮乜好

買餸呢日個人又眼訓又老人痴呆 oh no..........

咁就整返餐"正宗懶人餐" 哈哈!!

返到屋企乍乍淋洗落米煮飯先咁就去換衫洗面

跟住洗埋菜就可以開始開罐頭->預備個汁->滾湯->炒飯

->煎火腿扒->煮菠蘿+汁開飯啦 ^o^

"菠蘿火腿扒飯"
人家大少+底版

笨笨扣底版

" 生菜魚肉豆腐湯"
熱辣辣成煲上

懶人餐惦唔惦呀 hahahah!!

都算係有肉有菜有湯喔話時話丫 (火腿家陣都幾貴呢樹買左16蚊架=.=)
我冇打斧頭架 )))))))))))))))))))))))))

2012年1月13日星期五

沙爹牛肉炒芥蘭 & 豉汁蒸倉魚

早兩日入去一間連鎖店買件"女性用品"jar

行到埋去仲未拎到件貨就比人"鬆踭"................

拎到諗住行去比錢又比人"踩一腳"

排隊比錢個時又比人"鬆多踭"

家陣呢個乜野地方黎 ~_~ (買野好似打仗咁)

國內人跑晒黎香港乜都搶搶都唔緊要呀...............

比返條路黎行外啦唔該 >.< 買完野出門口

十幾人幾十袋野放晒係舖頭門口地下分庄

d貨仲攪笑大至奶粉 -> 尿片->化妝護膚->洗頭水->沐浴露

牙膏->女性個人用品->糖果->餅乾->紙巾->牙刷

不如搬個香港上去啦=_= 其實國內而家都有香港個d大型超市架

價錢我又唔覺同香港有爭幾多啵真係香港個d香d既?

既然我地係"港燦" 點解要去"亞燦"地方入貨呀 ~_~

"沙爹牛肉炒芥蘭"
冬天至愛食呢個餸今次用左"國內手切肥牛" yummy~

"豉汁蒸倉魚"
而家乜都超貴平價魚選擇得返唔多慘/_\

+送是日懶人早餐一份洋蔥滑蛋+多士

2012年1月11日星期三

祝"人家媽咪" 生日快樂 ^o^

今日係"人家媽咪"既生日祝祝祝......

生日快樂身體健康 (love struck)

事事順利小人彈開

每年既壽宴都會係九龍城既"方榮記" (有情意結喔)

sorry~ 冇影相因為個個都好肚餓呀哈哈!!

d湯未滾都開始"666"啦 XD~

今晚飯局好開心呀大家有說有笑呢..............

係出門口個時去信箱望下 E....有封信啵

折開後好開心呢原來係BLOG友

牛牛米米の有個貓天地

寄給我的"米米年曆咭"唷哈哈!!

跟住出黃大仙轉車走入7仔八一八

7仔都可以敗家死未=_=

"馬仔暖蛋" 見佢可以用USB沖電方便同環保D呢

(藉口係自己鐘意JAR-.-lll)

飯局完畢後大家都開始88你條尾個時..........

想不到有驚喜呀居然有禮物收呢 wakakakkakaka

多謝"人家家姐" 入面仲有支"神仙水"呢 ^_<

2012年1月8日星期日

豉油淋雞 & 螺片生菜

呢舖 D&G 真係大煲煲啦

唔知話唔比"港人"影相呢句說話

係"實Q"哥哥自己嗡定係公司叫佢地講既呢

雖然我冇份去"挑機" 不過呢係fb睇返真係勁多人呀

點止cctvb講得個百多人咁少呀~_~

內地孕婦攻陷香港既醫院都攪到一鑊粥咁

呢次擺明係"岐視港人" 哼....................

"豉油淋雞"
用淋既方法可以令雞肉更滑呀不過係會手軟囉=_=lll