香辣屋@元朗

呢間"香辣屋" 就係係洪水橋搬過黎元朗架啦

聽朋友講 原先香辣屋個位 而家變左一間食牛扒同飲酒既pub

其實係洪水橋個陣 都好想去試下架啦 不過"人家大少"話係普通料啵

唔值得專登去食呢  (o車 你懶就懶啦 怕麻煩之麻)

咁佢家陣搬左入黎 方便晒 就去試下lunch先 呵呵

入面d裝修都唔錯 位置都好寬敞 三朋知己良聚 可以食完個lunch

再叫枝啤酒傾下計 當係happy hour 唔錯架

而且店員既服務態度都唔錯呢 有問必答 (唔會黑臉)

大家睇下lunch個餐牌 真係幾抵食架 (元朗家陣食野唔平架 茶餐廳求其食個飯 都要3x蚊架)



咁我地就order左兩個38蚊set lunch 先上個例水

喜出望外呀 個湯唔係水呢 有木瓜同肉味架 而且d正耳仲好淋好滑

各位都知啦 家陣好多地方既例水 真係唔比d湯渣你睇 你都唔知乜野煲出黎既呢
(基本上好可能比埋湯渣你 你都飲唔出係乜東東囉)

"COT"兩杯 一般貨式啦 冇乜要求

小食 "炸蝦餅" 爽+彈呀 入口唔太油 正~

"香葉辣椒肉碎炒飯" 炒得D配料夠香同惹味

"泰式豬頸肉" 呢個都OK爽口 如果佢可以比醮點生蝦既汁我伴食 就一流啦


我既"泰式蝦醬炒飯" 笨笨覺得有微微既蝦醬香味 但係呢..........................

味道就淡左D呢~ 不過都可以接受 (我知 我知我太重口味啦)

本身想試埋個"冬陰公"架 不過個日"人家大少"話冇乜胃口 O.....

唔怕 有下次既 下次再試呢 哈哈哈

(請教下各位 其實泰式炒飯 係唔係比廣東既炒飯比較會係濕D 冇咁乾身既呢?)

金針雲耳燴牛肉 & 清蒸鯇魚 + 芥菜咸蛋肉片湯

呢兩日唔知乜事又凍返呢 今日上午仲超凍呀 又落雨

一起身就開始擔心出門返工實變"落湯笨" 唔係掛=.=

我係笨左d 但係唔唔好拎我黎煲湯丫 飲左會仲笨架>.<

唔好理咁多 煮返個早餐食暖下肚仔 等出門個時感覺唔好咁慘 呵呵~

左邊個兩條 就係之前係大昌入手既魚手指 (味度就麻麻啦 都係以前"船長"個隻好食d)

不過好在 個天今日都對我好好架啦 食飽飽出門 轉左毛毛細雨啦
(起碼唔會"淋"到一褲都係呢 wakakakkaka)

各位blog友 都要注意身體呀 唔好係醫生同藥房個樹買糖糖食呀 cccccc~ 


"金針雲耳燴牛肉"
其實係叫"煀?定係燴"呢? 真係唔係好識分呀 各位至愛唔好笑我呀 >3< 總之唔係蒸啦 哈哈!!
去買牛肉個時 亞靚姐話呢舊係牛脊肉 我唔識分架 信佢囉
"人家大少"仲問我 : 乜金針雲耳唔係用黎蒸雞既咩? 呢個餸咁怪既?
笨笨: 男人夠應該照顧女人啦 又唔見你比晒份糧我 唔該你變通下啦 死未 wakakakakaka
呢個餸我係先爆香左薑 放牛肉灑酒炒至5成熟盛起
跟住再放金汁針雲耳+蠔油+水 炆住2分鐘左右 再將牛肉回鑊架

"清蒸鯇魚"
每諗一餐食乜 我都盡量會去揀一個較惹味 可以伴飯食 而另一個就比較清dd
盡力去平衡返 (盡量啦 wakakakaka) 收工買魚真係抵好多架 呢舊16蚊

"芥菜咸蛋肉片湯"
早排食左d西藥 加上可能係天氣問題 覺得個燥燥地 又熱氣 (食野咬親條脷呀>o<)
清下熱 下下火先 呵~

2012年情人節

上一篇講開敗家 其實呢 對波鞋係過年前 "人家大少"都話叫我換架啦

不過呢 我衰囉 左揀右揀 到頭黎 病鬼埋 乜都冇買

呢對鞋 "人家大少"係諗住送比我既聖誕禮物 唔緊要啦

而家都唔打緊囉 (大家開開心心 身體健康 就係最好既禮物)

呢篇就講下2月14食d乜? 出街食 不會啦...... 又貴 又多人呢

自己試係屋企煮 (識得我耐既blog友都知 笨笨煮既西餐 真係...........X)

"頭盤" 鵝肝多士(笨笨) + 蒜香多士(人家大少 因為佢唔食肝臟)

 加小小海鹽同黑椒再灑上麵粉煎香

個鵝肝就係係"德州"買架 真係好好味 入口即熔 好正 不過..................
我唔會再食啦 真係太殘忍啦 同抽熊膽 分別唔多大囉

"笨式洋蔥湯"

呢次用左4件白洋蔥+1件紫洋蔥 不過衰左 唔記得買"白蘭地"
而且用左"牛味濃湯寶" D味道真係麻麻 

"帶子蝦蝦伴牛柳"
蒜容焗蝦+香煎帶子伴鮮茄意粉

牛柳交比"人家大少"烹調 正

 

被迫敗家 >3<

今年明明睇過唔係犯太歲架 點解年頭就咁鬼多野唔多順架

先黎年初一就病到出唔到去拜年

跟住就壞埋個手提電話 仲要搵唔返晒入面D記錄

咁都未算呀..........有日行街市 行行下 點解右腳腳底好似濕濕地既?

買完餸 上車一睇 OH..........NO >"<

都仲係新正頭啵 唔係一個月內黑成咁呀 >o<

陪我共渡6年日子的"你" 要光榮隱退啦 >3<
(著左6年啦 勁唔勁呢^^ 我新年之前都仲同佢洗完白白架 >.<)

真係好唔捨得架 著開有感情丫麻 hahahahhaa
唔c駁鞋帶 一穿入去就攪惦 而且著得日子有工 內部腳型fit晒

咁星期日 就去左敗家啦 本身係睇中另一個款架 點知搵左好多間

都係斷晒碼.... (仲唔係黑?)  最後 就搵左呢對啦~ 令唔令喔?haha

佢有"電視框"5舊有找架 不過係冇air囉
(多謝"人家大少" 啜啜卜 >3<)

再黎 就係換電話啦 唉............. 真係黑起上黎有條路

本身用開"溫吐飛" 咁就打去個台問下啦

但係我發現原來 打上CS同門市既TEAMS 係有出入既 (點解既?)

咁我就比呀"李生"駁左兩年(約)啦 矛陰公喔

本黎係想出"腥鬆"架 因為佢地個"鴨屎"多好多 好用好多丫麻

但係... 要我用43X月費 呢個月費 我又唔多用得著

咁就得呢個選擇呢~ WP機 用左幾日 都OK啦 只係有D"鴨屎"用唔到囉

不過唔打緊啦 24小時基本上都有10個鐘都係對住電腦

咁咪當係比自己休息下囉 加上好多"鴨屎" 都係唔一定要oneline既

菠蘿生炒骨&青炒菜心苗 + 芫茜魚片皮蛋湯

呢排睇電視新聞 真係好睇過TVV個D電視劇

打開報章 好睇過D乜週物週 劇情除左UPDATE得快

仲一浪接一浪 一波未平 一波又起 集集新鮮集集金呀 @_@

連本身係三線角色個幾位都追到上二線角色 想爭做煮腳?

wakakkaka 係二線個位曾生都唔輸蝕 今日都擺返個位上下A1

呢次就真係"淥史薯手"囉 >O< 明天又唔知有乜料爆呢
 
(唔知我地既國家領導 今次會點邊個燈呢=口=)

"菠蘿生炒骨"
早排睇電視有人整"脆脆骨" 之後又見有BLOG友整  笨笨緊係唔埶得輸啦
不過做法係我用返自己整開既方法 haha~ 點解? 因為我懶囉 其實係我肚餓呀
冇時間同心情容許我去睇多次個一集(friday都c銀情)囉 hahahahah

"青炒菜心苗"
呢排見d菜心苗都好靚呀 呢日11蚊一斤 買返黎洗下就ok 唔使點執
切三片薑 拍多粒蒜就攪惦lo

"芫西魚片皮蛋湯"
買芫西個陣 個位亞姐無丫丫同我講 (亞妹 你記住唔好唔要d根呀 要煲埋呀 香好多同有益架)
下@.@ 笨笨又真係未試過連埋根煲啵 咁呢次就聽下亞姐講 果然真係香好多架
不過浸洗方面 就要比平時洗多幾次啦~  


滾親呢個湯 我跟本係一滴油都冇放 但係次次煲出黎 都一定有d油
魚佬話係魚油黎架啵 ...... 而家個d 九成九都係養魚 咁.........
養得咁肥咁多油 我係唔係應覺得驚呢 =@-@=

小學雞@荃灣路德圍

呢餐我覺得真係勁貼切香港而家既標題 其實呢篇諗住係下星期先出

不過標題真係超正 趕唔到呀 要插水先 ~_~

今朝起身 真係把幾火呀 本身我由今年開始 每日起身 都對住塊鏡笑一下

再同自己講 新的一天 新的開始 要開開心心 不過....巧C唔C

今日居然早左起身 問題都不大丫 食下早餐 上下網囉 點知唔上由自可 一上把幾火

一睇新聞 WA............唔係呀 你地真係當香港人冇腦? 定係當我地係冇知識既呢?

老實講丫"唐先生" 小學生都唔會信你呢D所謂解釋啦 
(其實最後邊個係特首 對笨笨黎講 我都唔覺得有乜分別)

不過呢 咁大個工程 攪左10年時間 唐先生可以話自己乜都唔知?
(咁你既缺失 都真係唔止一次啦)

網上好多人既評論 有一句 我真係覺得冇錯

齊家 治國 平天下

而家唔通變左 齊人 治妻 評紅酒? O.........典算呀?

呢舖唔好話腰骨同膊頭啦 即係乜骨都比人拆晒lo~ 

同"人家大少"經開荃灣 見到呢間炸雞 (開頭我仲以為係係旺角既 真係大鄉里)

咁"人家大少"就話試下好唔好食 (因為之前試過大雞排個間 太厚粉 太重味)

咁就試左個"小學雞杯" 但係 我都唔多明 點解小學 要係雞呢? (真奇怪=_=)

份量都幾多架 小學生除非好大食啦 如果唔係 未必食得晒囉

話時話18蚊 ok抵食啵 (比起d連鎖店) 都有成6-7件雞

而且味道都ok 粉唔太厚 味精唔係太過份 接受到~
 

 

  

白菜豆腐魚尾湯

真係唔好講笑 "人怕出名豬怕肥"呢句說話真係冇錯架

而家每日打開電視/電腦/收音機/報紙 都有好多趣/秘聞

呢排我諗好多小公司/小企業 都要多謝佢地兩位

帶動左呢d公司既經濟 好似今日咁

吊臂車公司租賃&司機 真係笑到收唔到聲呀
(幾難得有咁大單生意呀 哈哈)

遲d又會帶動埋土木/裝修/測量呢d 仲唔真係要多謝晒佢地?
 
話唔定仲可以又帶動埋地產woowoo~

"白菜豆腐魚尾湯"
上一篇出左呢個湯 但係冇講係乜東東黎 行街市見到d白菜好靚
又好耐冇滾滾滾 咁就諗下滾乜先 白菜豆腐+魚 我覺得係最好既配搭 

 本黎想買"大魚頭" 但係收工去到街市見到有平價"鯇魚尾"
咁就試下滾魚尾 呢條魚尾18蚊 煎香佢 放滾水

 
再拍多舊薑放埋白菜豆腐滾幾滾 咁就有啖清甜既靚湯飲啦~

 

蝦醬豆卜蒸豬頸肉 & 魚鬆煮菠菜

早幾日同朋友兩公婆食飯 聽到一單趣聞 爆笑

朋友: 你知唔知聖誕我收到乜野禮物呀
朋友老公: (雙眼看天 左顧右盼)
笨笨: 乜野咁驚喜呀?
朋友: 係呀 真係好驚呀 不過冇喜囉 ......湯煲一個
笨笨: 下@@? 鵝姐果個呀 好多功能架啵 我都想買呀 不過冇位放乍
  (我仲想講之際 朋友stop左我)
朋友: 唔係呀 得兩個功能架乍
笨笨: 唔明啵
朋友: 功能就係煲湯同埋可以放電磁爐囉 咁你明未呀?
笨笨: ..........................................咁即係?
朋友: 即係價值19x蚊 5公升湯煲一個囉
笨笨: (望向朋友老公)
朋友老公: 咁我見屋企之前果個太細丫麻 咁咪買過個比佢囉
朋友: 呢d叫聖誕禮物囉 幾咁有誠意呀
笨笨: (呆左 心諗 咁又好似過份左 =x=)

"蝦醬豆卜蒸豬頸肉"
真係伴飯一流既餸菜 起碼食多半碗飯呀 哈哈

"魚鬆煮菠菜"
好耐冇食過魚鬆 原來用黎配菠菜 都唔錯架
每次買魚鬆返黎 我自己都要再加多d蔥落去 (蔥怪笨)wakakka

送多個湯比大家 下篇再續 ^o^

南乳芋頭炆鴨&白灼蝦+蒜容豆苗

想請教一下各位blog友而家係點樣遊blog既呢?

因為之前我係用舊版(我的blog友)放左去(我的最愛)

咁一直以黎 都係仲用到呢個方法 但係........

係早幾日開始發現入唔返啦 只可以入返新版面

咁係新版入面 係有(我的關注) 不過呢 要下下咁樣click入去

去到你地既blog留言後 我又要返自己blog 再重新做呢個動作

好煩呀-.- 各位 有冇一個快捷方便d既計仔呢?

麻煩各位blog友多多拍教一下笨笨  

我好似講到一舊舊咁 唔知你地明唔明呢

"南乳芋頭炆鴨"
係街市行左個圈 呆下呆下咁 真係諗唔到食乜
咁見到有冰鮮鴨賣 望下佢先 o...我好似好耐冇叫鴨啦啵 哈哈
襯芋頭呢排仲幾靚 乍乍林買半隻試下先
(sor~ 賣相超衰=_=)

"白灼九節蝦"
呢隻蝦 我鐘意食蝦毛 細細隻白灼 超鮮甜 yummy~

"蒜容豆苗"
過左年 豆苗平返d 青青地 炒多個菜又一餐啦呵呵~