STOP@@?

SORRY呀~ 咁耐先上黎同大家作個簡單既交代.....

容我講句"對不起"

笨笨呢個BLOG 應該會無限期暫停更新

因為......之前本身出左D問題...再者......................

年尾啦~ 工作上更加忙 加上笨笨好多野都仲係處理中

不過大家放心啦~ 笨笨冇事既 起碼唔會得罪自己個胃口 HAHA~

各位 有機會既話 可以加笨笨既FB

我會繼續努力UPLAOD自己既醜作上去

各位有興趣既話 ADD我啦 上黎傾乜都得架^O^

banana_pig@yahoo.com.hk

我會係呢幾日盡量upload返d野上去.....

希望大家支持 多d上黎傾下計啦~

記得ADD我個時 提提我.....................

親愛的BLOG友(你是誰呢^^")

最後 真心多謝咁多位BLOG友一直既支持同提點......

我會銘記於心的>3<

元朗~ 圓山台式麵料理

哈哈~ 偷懶唔想煮 所以呢餐就出街食

發現係元朗交通廣場 開左呢間台式麵料理

咁就去試下先

元朗~ 圓山台式麵料理

 



打開餐牌睇下 都係一舨既台灣麵食/飯

都有d台式小食同飲品 呢晚唔係太好胃口

所以我揀左個麵食 "台式牛肉麵"



我自己覺得 個湯底好"奇怪" 酸酸地 但係又唔係蕃茄個d酸

不過....牛展炆得夠身 入口都香淋

"人家大少"因為個排要戒口 唔食得佢至愛既牛肉

所以呢d點左"肉燥雞扒飯"

肉燥比較重香料味 而雞扒都算滑 至緊要係冇雪味

但係都幾肥膩下 @o@ 我諗伴麵食會比較好

一個飯/麵+8蚊雞 就有凍飲 台式飲品就要+12蚊

總括黎講 唔太多要高既 都ok食得過..................

而家元朗除左"士林"之外 都冇乜邊間台式食市係好食架啦

連教育路果間"台灣麵" 都變晒質

我諗可能係轉左手=口= 我至愛既紅燒牛肉 唔知幾時先有機會食到啦~

 

蝦醬豆卜蒸豬頸肉 & 冬菇雲耳煮節瓜

家陣D人真係過馬路係唔使理安唔安全 好似真係自己大晒咁

為左自己一己方便面 原全唔需要考慮其他事/人

有交通燈唔行...... 係....因為改路整路 變左可能要多花1-2分鐘

但係果個係一個勁煩忙既十字路口..................................

D人不論係拖住個細路, 抱住細路, 拖住個老人家, 什至係................
 
什至仲離譜到推住個輪椅 都係咁樣過......

我睇到真係把幾火呀 >"< ..................................

喂喂喂 (妖那星) 你地自己想死就好啦 唔好累埋屋企人丫

仲有呀 D司機係無孤架 人地都係搵啖飯食架乍

有乜事咁樣比你地呢班人累到 真係成世架啦="=  

有一次我等過路時 見到個三十多歲的女士抱住個歲幾既BB(我估)

望都唔望 就咁行出馬路 咁岩有架車轉灣 ....

好在司機收得切乍 唔係就真係"大吉利是"

呢個女士還要轉頭喝罵個司機 我當堂火都黎

個時我同"人家大少"講....................

笨: 哎呀 真係有冇攪錯呀 點解一個差人都冇架

人: 係囉 平時好多差人架 

(個位女士聽到後 向我望了一眼)

笨: D人真係離晒譜架 咁樣過馬路 仲要聲大夾惡

返到屋企要寫封信去交通部 叫佢地多D派差人黎留意下先

唔係下次出左咩事先黎後悔, 就自己都唔好過啦........

(我係咁串架啦 明係講比佢聽 仲要講到都幾大聲架.....

 呢D人好聲好氣同佢講 講完佢都當你白痴 咁咪大大聲

 囉 我做一次醜人 好過班"亂過馬路"既人第日後悔呀)

"蝦醬豆卜蒸豬頸肉"

呢餐餸係"人家大少"買架 唉~ 早個排真係忙到餸都唔得閒買

咁就叫左佢幫我買呢...... 點知我一返屋企就有DD後悔啦......

佢同我講 豬頸肉我買左2塊呀 5X蚊......嘩@@~

貴不特止 仲要兩丁友邊食得晒呀 結果有一塊由新鮮變左急凍

因為我唔想連續兩餐LUNCH同DINNER都係食佢=口=

我好鐘意有豆卜/豆腐墊底 吸晒D汁 唔錯架

"冬菇雲耳煮節瓜"

本黎諗住D節瓜就咁用蒜容炒左就算 快靚正丫麻

但係真係年紀大既關係 而家基本上每日煮既野

都想盡量去平衡返D味道同營養...... 冇計啦

鬼叫我地兩條友又唔太食得清淡 又鐘意食埋D古靈精怪既野

咁呢次為左平衡返個蝦醬同豬頸肉 所以就加左雲耳同冬菇去煮



雖然個排係冇乜時間 不過 湯水一定要有 唔係人都老得快D呀

返屋企先洗晒個湯D料 掉晒入去 再攪其他野

咁呢個湯 煮起飯之後就飲得啦 HAHA~

"咸菜涼瓜黃豆排骨湯" 

(各位BLOG友如果對呢個湯有興趣既話 可以係我BLOG內SEARCH返出黎)

之前用複製 再貼上 就可以COPY返條舊LINK出黎

我想問下 點解而家好似唔得既?

 

咸蛋肉餅 & 豉汁蒸倉魚

都唔知話自己懶醒好 定係死蠢

早知Y BLOG咁鬼耐都唔使迫遷 我就晨早都唔搬住啦

攪到個排心情唔好之餘 仲要激想放棄

見好多BLOG友 都話搵唔返D舊BLOG友

就算之前已經係ADD左 如果對方改左名 都可能係睇唔返

大家如果有咁既情況 可以先搵一位未UPDATE既BLOG友

係佢既網誌版面上有 BLOG友 跟住你就會見到BLOG友清單

咁就可以搵返晒之前舊果D BLOG友架啦

不過 如果到佢地真係全面升級既話 到時點搵返呢?

又係一大埋問號囉

今日冇乜特別介紹 因為早排心情真係好差好煩

煮都求鬼奇呢~ 等我快快趣出埋呢堆舊野

就諗多D新野玩先 哈哈~


"咸蛋肉餅"

呢碟野一拎出黎 "人家大少"就問我 ...... 你攪咩呀@.@~

唔記得買菜 屋企仲有D甜豆 蒸完魚爆熟油個陣炒炒佢 (十個懶)

"豉汁蒸黃立倉"

其實成日都用豉汁蒸 真係好鬼悶 但係"人家大少" 又唔鐘意其他 真係冇計

下次都係博下大冒 煮左先算 WAKAKKAKA 

今日寫BLOG同UPLOAD都勁LAG呀 寬恕我吧 我在過程中又.......

"生果杏仁佢隻死蟹"

鮮海底椰雪耳南北杏無花果煲豬骨

先要多謝咁多位BLOG友對笨笨既不離不棄同埋仲記得我呢~

就算我停左冇寫一排 一上黎出返BLOG 真係令我好意外同驚喜

因為好快就收到各位既回應 (感動ING~) 再睇埋各位既留言同支持

真係極之窩心 >3< YAHOO BLOG 真係另我又愛又恨 =_=lll

恨既 當然係佢地既服務同態度啦 愛既 就係因為呢個渠道 而認識左大家

其實早排 真係工作上令到我又煩 又累 又忙 再加上YAHOO升級中出現既問題

我真係有曾經嘗試去放棄 因為自從升級左之後 

寫BLOG出左好多問題 令到我既EQ更加差 \=.=/

但係發現好多BLOG友都仲有繼續寫 真係好唔捨得你地呀 >.< (真架)

咁就諗住 都升級左個幾月啦 應該會比之前有改進.............

但係點知 唉~ YAHOO真係 意見接受 做法照舊=.=(失望ING)

今日回覆各位至愛既留言 我真係有D燥燥地>"<

升級後 一版得10篇回應 好多人都唔係日日有時間去回BLOG

咁儲埋要回 OR 要搵返各位BLOG友既留言 又要慢慢再版版去搵

如果係咁 點解唔整返"頁數找尋"呢~ ?

我真係"鄧"D人氣BLOG友慘 幾百個回應個D 點覆呀=﹏=


"鮮海底椰雪耳南北杏無花果煲豬展"

琴日講果個湯 就係呢個啦~ 其實都係普通家常湯水 

呢次買左下面呢隻海底椰 係有皮架=.=....個亞姐仲同我講 可以連皮煲 

 

搭車返屋企個時諗 ...... 記得好多年前飲過 係白色架啵 邊有皮架
 
都係唔好啦 返屋企 剝晒D皮先 (好在唔係太難攪=.=lll)

FOR:

偷看的人 :  真係好好味架 快D試下啦~

BLOG友: 笨笨出愧啦 HAHA~

叉燒 & 菜遠鯰魚柳

煩擾左自己好耐....... 又唔算係好耐既 一排咁啦

既事終於了結左 所以有一排冇上黎update sorry呀各位好blog友

了結左之前既事 黎緊又要煩惱另一個問題...................

點都好啦 希望可以順順利利呢~

有你地既支持/十卜.......... 我一定會撐住寫落去既

哈哈~ 家陣又要出返幾個星期前既隔夜餸/湯................................

話時話丫 冇寫blog既呢個多月 有煮飯架 不過就冇乜心去影相囉 hehe~


"叉燒"

早排見好多blog友都玩返"叉燒" 笨笨都醒起自己好耐冇整啦

乍乍林買返舊靚"梅頭"玩下先

自己整 起碼都包新解呢.....而且而家出去買呢d燒味

真係又貴又唔好食

燶邊叉燒出爐啦 wakakaka 係就係唔多健康

不過唔係成日食 唔怕啦 (我真係好鬼多藉口比自己既jar)

斬大舊叉燒出場啦 可謂肥瘦好似唔多平衡咁 有一邊瘦左d呢

不過都好好味 老實講 笨笨而家真係什小幫襯"燒味店"啦

當然除左要食乳豬同埋.......................偷懶唔煮要食外賣啦


"菜遠炒鯰魚柳"

大家睇相 可能覺得好怪 點解會有蔥既?

就係因為我見雪櫃條蔥"就快香" 手多多切埋落去cccccc

好耐都冇出過湯水啦好似 醒返碗足料靚湯比大家先

粉領~榮昌士多

呢排發生左好多事..............................

不過都係工作上既問題 唉..........

今日唔想講唔開心既野 .... 我地講下食先~

呢次去左"粉錦公路" 榮昌

之前"亞蘇"話好d豬扒好正 仲要勁讚 =口=

.......拿拿拿 都話左口味 真係"因人而異"架啦

我地先睇下餐牌...... 價錢OK 唔貴 "茶餐廳一般價錢口"

講到豬扒咁正 緊係要試下啦~ "人家大少"叫個豬扒丁

佢既食評: 普通貨 唔難食 不過...... 唔係真係咁出色

好啦.... 到我"笨笨"叫返個招牌豬扒包 ^O^

笨笨食評: 個包真係好脆 豬扒亦唔係太乾 不過呢.................

包包入面係冇任何既汁 但係......洋蔥都係冇味.......................

咁變左 ......... 洋蔥好似只係伴碟咁樣.....~@@~

p.s 笨笨只係個人意見/口味 -.-

京蔥牛肉 & XO醬爆鮮魷 & 清蒸鯇魚

sorry呀~ 呢排笨笨真係勁忙

因為公司做左多年既同事 "突然離職"

仲要只係send一個 E貓 乜都唔講

就放低晒所有野唔理....咁就走左

笨笨就真係"束手無策"

所以......笨笨呢排真係忙到.........................

我都想"請病假" (哭ING)

呢排真係返到屋企 除左要煮飯之外

連開電腦既心機都冇晒 SORRY呀~

各位好友放心  笨笨唔會放棄既

我一定會盡力 >.<


"京蔥牛肉"

可能大家會有問題.........點解咁多汁? 冇計啦 cccccccccccccccccc

識得我既blog友都知 笨笨要有汁汁撈飯 而且帶飯既 比d汁落去

第二日叮叮 會好味好多既呢 (個人喜好)

"XO醬西芹鮮魷"

好耐冇整過啦 因為真係唔太健康 不過......................................................

呃下自己 間唔中食一次啦 WAKKAKAKAK

"清蒸鲩魚"

好耐都冇食魭魚啦~ 而且家陣乜魚都貴 所以....................... HAHAHA~.

.

三文魚 & 咖哩蟹 + 蟹棒

呢排聽d唔識既電話(冇來電顯示or長途電話)

真係要小心d 話說之前有個國內同胞打黎白撞之後

今日我又收到一個加怪電話(可能係打錯掛)

呢個係國內來電顯示 電話傳來的男人聲 口音冇帶鄉音

純正+流利既廣東話

A: 喂~ 係到做緊乜呀?

笨: 你係邊個?

A: 你唔認得我呀?....唔認得我把聲咩?

笨: 唔認得 你邊位呀?

A: 攪錯呀 我你都唔認得 表哥呀

笨: 表哥? 我邊個表哥呀?

當我問完呢句 我唔知對方係覺得自己打錯電話

定係D乜野啦 跟住佢就收左線 亦都冇再打黎

笨笨奇怪既係........點解呢位"自稱係我表哥既人"

原住係對話入面 冇講過我個名 亦都冇提自己個名

真係奇怪.......就算係打錯.....乜家陣D人興..........

打電話比人 對方一定要知你係邊個既咩? "R頭ING"


"三文魚"

呢餐一睇D野食 就知係假期餐啦 HAHAHA~ 呢次D

三文魚係"惠X"買 質數麻麻 呢次只係貪方便 飲完茶 樓下就係佢

"咖哩蟹"

呢日又諗住執平野 點知今次價錢比上次貴左5蚊 仲要冇咁靚

唔緊要 都有好多膏 不過唔係紅色個D咁靚JAR

聽講好似因為係"蟹男"同"蟹女"既分別

咁呢次就整"咖哩"先 屋企有乜就放乜 哈哈~

呢次我又"C花痕" 打左隻蛋花入個咖哩汁到 個汁原來會滑D架

早知買D包包返黎點汁食啦~ 不過我呢次都冇浪費架 我就入用薯仔同蟹腳

都醮晒D汁汁食cccccccc

因為"人家大少"三文魚唔係佢既"飛弗" 所以大部份都係我食晒~

咁就開埋倉底貨"蟹棒"比"人家大少"食  可惜味道麻麻 以後都唔買呢隻啦

 

金銀蛋豬骨粥 & 香煎蝦米腸

我都唔知我住緊呢到 係唔係因為係"貧民區"

所以冇乜人會理 街燈壞左又冇人理

打電話去投訴左成個幾兩個星期 都冇人維修

好在而家夏天 個天冇咁早黑 如果唔係

笨笨真係唔知收左工之後 點行返入村

唉..........唔止街燈咁簡單 連水都係一樣

居然可以一個月爆一次水管 攪乜呀大佬

我有交水費架..................話說今朝我就真係黑到痺呀

一起身去刷牙洗面前 當然要先去開下"大小"先啦

點知一拉廁 =_=lll  "沙煲梨個爛橙" 冇水.....................

拿拿林 拎個水盤 開大個水喉 ................點知.......

妖......仲乾過我荷包 慘啦............

(不過好在我呢舖係開小 開大就更加大件樹啦>.<) 但係.......

我點刷牙洗面呀? 慘啦 即時跑去個水煲到 睇下有冇水先

倒晒出黎 有一水杯 都免強可以刷牙 但係我塊面同.....d眼c

點算呀 最後........ 我係用剩低個杯水刷牙 至於洗面............

我就用雪櫃d凍水整濕條毛巾 當係冷凍mask咁"撻"落去

真係成個人都醒晒呀*o*

點會咁鬼黑架 趕返工個陣黎d咁既野 唉.............................


"金銀蛋豬骨粥"

睇返呢張相 我就知自己"積積埋埋"好多野未寫

大家唔好怪我呀 要怪就怪隻"丫烏"啦

初初升級時 真係勁lag勁唔順 攪到我真係冇晒心機寫

呢餐係早排落雨既時候整架 天氣冇咁熱 而且好耐冇食粥啦~

笨笨同"人家大少"都好鐘意食呢個粥 夠味夠料又下火 哈哈~

"香煎蝦米腸"

呢個............ 係我笨笨偷懶既"杰作" wakakakakaka"

買d現成既蝦米腸返黎 自己煎香佢 "混醬"

豉汁蒸排骨 & 清蒸多寶 + 青瓜炒蝦仁

哈哈 yahoo又黎料啦

大家有冇發現 yahoo mail 又話升級啦

今日笨笨返到公司 一入門口 就見到老闆同老闆娘"R"晒頭

然後就對住我大叫"........你快D黎睇下"

笨: 有大新聞呀?

老: 唔係呀 點解個E-MAIL變成咁架

笨: .............升左級JAR

老: 唔係呀 我點樣搵返D聯絡人呀? 我點樣睇返之前個D

E-MAIL 我點樣開D 附加檔呀? 我點樣..................

笨: 我都係而家先知Y MAIL升左級 你等我一陣我試下先

老: 不如你睇埋可唔可以唔升級丫 真係睇唔慣呀 又唔識用

笨: 佢要升 你都吹佢唔漲 要明白一樣野 SERVER係佢地既
 
佢鐘意點改 點樣"所謂升級" 我地都改變唔到佢 要改變

就只有改變自己去識合返佢 再唔係既 唔好用佢

跟住兩位大人都冇晒聲出 唉...........................................

最後答佢地個句 唔係我串佢地 而我自己都"身同感受"囉


"豉汁蒸排骨"

鐘意D汁撈飯食 所以我會整多汁 哈哈~

"清蒸多寶魚"

好似好耐冇"鮮魚"食 呢晚搵到同事車我 咁就可以去街市"執平野"

因為係佢地臨收工個時去買 起碼都平幾蚊架



"青瓜炒蝦仁"

好耐都冇煮過青瓜啦~ 青瓜生食/熟食 都咁好味呢~

芫西 魚片 皮蛋湯

大熱天時滾個湯就慳水慳力

個湯我冇放油架 d油係鯇魚片入面走出黎架