洋蔥燒汁豬柳 & 清蒸桂花 + 薑蔥炒C肥蟹

哈哈~ 呢餐係復活節假期最last個日煮既...........................

呢日係舊曆三月廿三 即係"天后誕" 其實呢............................

笨笨自從搬左入元朗之後 就超怕呢一日 因為1/2個元朗市既路

都會全部封晒 ................. 由朝早7點幾 至 下午3點幾

天后誕呢一日 如果想出元朗 基本上除左行路 係冇其他方法架啦

今年都仲好d 剛剛係假期 如果要返工就真係好麻煩

記得笨笨試過幾年 要同公司講 呢日可能會遲到 .............

試過有一年 係星期六 放半日 結果呢..............我係要行路行45分鐘

返屋企 (暈@@~) 所以今年既呢一日 我一定唔會係4點前出門口 >.<

lunch係屋企左搵右搵 係咁摷 就炒左呢個飯做我同"人家大少"既午餐

屋企冇菜 不過唔緊要 有包什豆看門口 加埋緊餘既蔥 炒個時再加左

d馬拉盞 好香呀~

五點 出門口去買餸 不過都仲好塞車呀 >_<

"洋蔥燒汁豬柳"

呢個豬柳係之前幾日醃左 準備帶飯用架啦 個汁用左日本料理酒+

日式燒汁 唔錯唔錯 因為呢餐冇菜 成個洋蔥放落去整 當菜食 wkaakkaa

"清蒸桂花魚"

好想食新鮮魚 好似好耐冇食 不過呢日街市好多都早收呀

可能係好多檔主都係新界原居民啦 變左呢一日 好多都唔開/收早

去慶祝天后誕......................... 所以睇岩價錢 就求其啦 呢條魚23蚊

"薑蔥炒死肥蟹"

wakakaka~ 查實冇諗過食蟹架 只係行過見到 35蚊一隻............

計下條數 買2隻 都要70 拳頭咁大乍 笨笨呢d孤寒婆 點捨得丫.....

係街市魚檔遊左兩個圈 見有人係到揀蟹 我又八八掛睇下............

突然間 見海鮮檔亞姐係到執執執(搵死蟹) 跟住揀蟹果個就比錢

我都諗住走啦....... 點知亞姐收完錢之後 細細聲問我 20蚊 你要唔要....

我望下 ...... 有4隻啵 20蚊? 呆一下咁望下亞姐 ............................

亞姐: 超抵價比你架 點呀 要唔要

笨   : 佢地香左好耐啦 腳都甩埋

亞姐: 信我一次 20蚊jar 包你話抵食 仲有呀 唔係香左好耐架乍

笨    :  好啦 20蚊 殺你....................

亞姐:  (一路入袋一路講)...... 好似免強你要咁 食完好食既 唔好返黎

          搵我話要再買呀

笨    : 有冇咁誇呀

大家點睇 @@~

 

比錢個時 我仲係到諗 算啦~ 咁鬼耐冇食過蟹 就算比佢老點 都係20蚊

點知............返屋企劏開個時 真係"嘩"左一聲 幾鬼多膏呀

我同"人家大少"講 呢到買左20蚊 佢都唔信呀...............................

靚就係靚啦 真係頂角膏添 不過點都係"甩腳蟹" 冇期望啦...........

真係唔好講笑 自己都唔信呀 超好味呀 真係有蟹既鮮味 而且d

肉一d都唔"梅" 唔係自己親自去買 都唔信係"C蟹"呀~

"人家大少"仲話 係唔係亞姐傻左呀 20蚊賣比你.......................

笨: 車......... 慘得過亞姐可憐我呢個窮困既"小妹妹"呀

人: 妖................ 你唔知醜架

 

 

 

咖哩牛腩 & 清炒菜心

今日睇新聞 真係發現家陣"世風日下 道德淪亡"

得個19歲 仲要係女仔 更什既 係去"扯皮條" ..................

都不特止.................. 仲要呃埋個16歲小妹妹既皮肉錢...........

嘩...............講緊係三十幾萬呀...................好恐怖.......................

但係點都更加估唔到既 佢地只係係網上認識 就攪成咁 =口=

網上騙案 層出不窮 但係呢次 真係太得人驚啦 而且發生係

九十後身上 罪案仲係嚴重成咁................... 究竟 係互聯網既錯

定係屋企既錯呢.........................................................(心痛)

 

"咖哩牛腩"

哈哈~ 係呀係呀 又食辣啦 又食辣啦 haha~ 因為好似好耐冇煮

咖哩啦 好鬼掛住呢~ 問問"人家大少" 咖哩乜野好呢?..............

"牛腩"啦 好耐冇食....................... 咁就火速跑去搵牛腩先............

而家d野真係貴到有冇朋友呀 呢舊咁既野 就用左45個銀兩啦

不過 食落係值得既 新鮮牛腩 就算用咖哩炆完都好 味道都仲好有

牛肉既鮮味 而且入口鬆化架 wakakkakaa~ 又唔係日日落重本

間唔C 一次半次 當係氹下自己同"人家大少"啦..............................

(我又幫自己搵籍口啦 >.<) 買完全部餸之後上車..............................

笨: (外表呆滯)

人: 做乜野呀你

笨: 冇事呀 (擺出一個欲哭無淚既樣)

人: 街市有人呃你錢呀?

笨: 唔係 冇呀 不過個心好似有D唔舒服 有野頂住咁.................

人: 點解呀 要唔要同你睇醫生呀

笨: 唉~ 唔使啦 醫生幫唔到我架 .......(又整多聲 唉~)

人: 咁即係乜事呀................................

笨: 算啦 都係冇野啦 ........................

人: (開始醒水) 你買左好多野咩? 買左D乜野呀?

笨: 牛腩囉 薯仔囉 洋蔥囉..................... 咩囉 咩囉 咩囉

人: 買左幾多錢呀

笨: (聲波調高8度) 你睇下丫 而家D野幾鬼貴丫 呢舊咁既牛腩呀

      買左我45蚊呀 你話丫 你話丫 而家D野幾鬼貴呀................

      (再擺出"唐老鴨"的嘴)

人: (抽出銀包 拎出1條紅衫魚) 比返你啦.........夠唔夠呀

笨: 夠買呢餐餸囉

人: (抽出一張5百大元) 呢張呢 咁夠唔夠呀..........................

笨: (伸手就搶......哈哈) 夠啦夠啦 夠買埋呢個禮拜既餸啦 WAKAKKA

 

"清炒菜心" 

即係咁樣 笨笨呢D鄉下妹基層 成5X蚊煮個餸 點會咁捨得丫 緊係

要係第二度慳返D啦 ................ 發現5蚊斤菜心 望落個樣都OK啵

我諗食我唔死掛 至多煮熟D 洗多兩次水(洗菜水可以用黎沖紙坑用)

點解咁平我唔知 只係"擇"菜 要花多小小時間 因為好鬼多花 不過

食落係OK架 冇渣 菜有菜味咁囉 HAHAHHAA~

點解呢餐餸會買左隻舊水? 我冇打斧頭架 仲有湯飲架 食左兩餐

咁鬼惹味既野 緊係要求其整返個湯飲下啦 蕃茄傻仔紅蘿蔔

 

 

 

 

元朗~ 一品紅

之前聽blog友講 元朗原來係另一邊 仲有一間食川菜既

話時話 真係冇留意過呢間野呀 唔係blog友講 都真係唔知呢

可能因為係位置問題 好小會過去個邊搵食 而且 呢間店係被另外兩間

食店夾住 而且招牌唔多顯眼 所以就算行過 都未必望到

襯天氣仲唔係太熱 仲有d風 可以坐下大排檔 就去試下啦

 

家陣大排檔 仲貴過酒樓呀 *o*

 

我見周圍好多客人都叫"啤酒鴨煲"同其他小菜 不過.....................

笨笨同"人家大少"黎食 都係為左試川菜先呢~ 小炒個d 我估應該都

唔錯 見佢地拎出黎經過個時"索到" wakakaka............

我地叫左3個餸 先黎一個清炒萵筍 味道ok啦

 

蒜泥白肉 呢個味道都唔錯 個汁夠辣夠香 食個時個心係到諗.........

如果整個粗麵黎撈下呢個汁 真係唔錯架 哈哈~

 

刀功黎講 都算切得夠薄 不過....... 唔係好明點解 豬皮果個位 會"un"既?

應該係全件都爽口架麻 佢個皮就"unun"地

再黎多個水煮牛肉.................一上枱時 聞到真係好香 而且個湯底

yummy~ 之但係牛肉呢.................OH NO!!!!!! 勁"UN"呀................

早知食水煮魚啦 都係同價錢 唉~ 失望 >.<

而且88蚊一窩黎講 牛肉份量真係 ..................... 我地好比心機去摷D牛肉

點知摷左D咁既野出黎........................大家估下係乜? 比個貼士大家..........

呢樣野咁樣煮 笨笨呢個大鄉里真係第一次試 呢舊野入口 好似一舊肥豬膏

口感似 但係冇豬油味 大家望望@@~

有冇BLOG友知係乜野黎呢??

.

.

.

.

.

再比D貼士大家 呢舊野 唔係肉類黎既=口=

.

.

.

.

.

.

我真係好好好好"好奇"係乜 因為係呢窩野入面 佢既份量一定係

多過D牛肉........ 咁我就搵個侍應請教一下係乜.................

笨: 侍應哥哥

侍應哥哥: 係....... 想要D咩呀

笨: 我想請教下呢 呢舊係乜野黎架

侍應哥哥: 苟蒻

笨: (反應有D"呆") o下 你話乜野話

侍應哥哥: 苟蒻黎架 你放心食啦 唔係肥豬肉

佢咁樣講 "笨笨"即時覺得自己唔係"大鄉里"啦 wakakkakaka~

咁快答得我 唔係肥豬肉 即係之前都好多人問過呢舊野係乜東東@@~

 

 

 

粉葛赤小豆扁豆蠔豉湯

話咁快就最後一日假期啦 唔知大家呢幾日有冇去玩呢?

星期五 笨笨只係陪左"人家大少"開工 坐足一日

星期六 我就係屋企hea足一日 cccccc~

星期日 本黎係諗住去長洲 但係又訓到成點鐘先起身

出得門口黎都兩點啦 入到去都天黑啦 ...............結果又取消.....

最後 只係去左屯門吉吉島行  因為要入返d儲備丫.............

但係最想搵既"越式春卷皮"就搵唔到...................返而發現

原來吉吉島都仲有好多日本既生果同埋蔬菜賣呢~

不過.............................笨笨暫時黎講 都冇膽去試啦......

買完野 返到入元朗 發現好多日式食市都仲係大排長龍...............

個時"搶鹽"又咁驚? 但係食日本野就冇事? 真係矛盾.....................

不過家陣都真係唔驚得咁多 唔係幅射問題 ........而係.....................

就算唔食日本既野 國內出品 可能仲大件事 唔知大家有冇睇新聞呢?

有個北京既小朋友 食左炸雞 就中毒死左啦 唉....................................

http://hk.news.yahoo.com/article/110424/4/nyur.html

係北京一個咁繁榮既城市 都會發生呢d事 你地話幾咁得人驚 >﹏<

 

"粉葛赤小豆扁豆蠔豉湯"

什豆蝦仁玉子豆腐 & 泡椒豬頸肉 講左個"下火去濕湯水"

就係呢個啦~ 早幾日又焗又濕而且中午都幾熱下 好多時個人

因為濕氣重 訓幾多好會好似好累 訓極都唔多夠 -u- 煲呢個湯黎飲下先

而家d野好鬼貴 呢次買粉葛 一舊仔都要12蚊

呢次用左既材料有 骨筒, 粉葛, 蠔豉

仲有蜜棗, 赤小豆, 扁豆  大家喜歡既話 可以加埋"果皮" 不過呢日因為

笨笨屋企用晒 唔記得買 所以我冇放

呢個湯煲出黎 有蠔豉既香 又係另一番味道 而且好甜 唔錯架^^

 

 

 

什豆蝦仁玉子豆腐 & 泡椒豬頸肉

本身笨笨 都幾鐘意返國內食野 因為比起香港便宜

而且好多中國地道菜都可以試到......................不過.............

家陣真係怕怕 人民幣升值不特止 仲要d野假到嚇C人呀 @"@

記得上年講完什麼"一滴香" 比味精更恐怖 加一滴化學物

豬骨湯底 要幾好味 有幾好味.......................(但係一D豬骨都唔使用)

再黎..............................豬肉變牛肉 ...............................@@~

貓肉變羊肉.............................嚇C人咩>"< .................................

真係連自己食左D乜野入肚 自己都唔知呀 好得人驚="=

 

"什豆蝦仁玉子豆腐"

笨笨係一個蛋精 超級鐘意食雞蛋 (哈哈 好在唔係讀緊書呢=口=)

但係帶飯 蒸蛋炒蛋呢D 一定係麻麻架啦 所以用下"玉子豆腐"

滿足下自己對蛋既掛念呢 HAHAHA~ 呢個餸 帶飯OK架

D蝦叮完 都好好味呢 而且都好爽口~

"泡椒豬頸肉"

大家知唔知乜野係"泡椒"? 如果鐘意食川菜既話 一定會知........

就係以下呢隻啦 味道好香 但係我同"人家大少" 覺得唔夠辣

辣味一般................... 不過真係要多謝BLOG友Pansy介紹

因為我係個一間店 發現好多好野呀 以後我唔使為左呢D野

專程跑上深圳買啦

呢次用黎炒豬頸肉 好好味呀 帶飯叮完都好正 YUMMY~

整多個靚湯先 ............... 呢排真係好忙呀 不過"湯水"一定要有

呢個係下火去濕湯 下回再講 ^O^

 

 

 

元朗~ 麗聲冰室

一到假期 基本上笨笨就唔會有早餐食...............哈哈....

因為我日日都訓到"日上三竿"既呢 ~^o^~ 今日居然早起有早餐食

就去搵呢間"冰室" 其實佢開左差唔多一年架啦 笨笨都去食左好多次

唔太特別好食 亦唔難食 所以冇諗住講..................不過......................

有一日遊blog 見到blog友講 話呢間冰室既"老闆娘"一見人影相

就會黑晒臉 態度勁差...................哈哈 我呢個八厭笨笨 緊係會挑戰下啦

呢間冰室 係元朗"教育路" 舖面同入面既裝修 都裝成舊式冰室

個日笨笨唔見老闆娘係到 所以係咁影 都冇人理我 只係見店員

"喁喁絲語" 我真係彩佢都傻 haha~

呢間冰室我第一次黎個時 試左佢地個

炒蛋....... 仲要話係滑蛋 ..................妖.....老點既>"< 一D都唔滑

炒蛋白仲大鑊 慘過完湯既板豆腐

講下個早餐A先  ............... 個湯底係得既  好香 似係..X忌廉龜湯

 

煙肉 太陽蛋 係我至愛 不過呢D係行貨 冇特別

"人家大少"黎個鮮牛肉意  牛肉OK 冇食粉 不過味道就麻麻

配多個炒蛋多士............... 冇野講 大家都見到個炒"老"蛋啦

朋友A 黎左 整多個肉丁麵

配菠蘿包 ..........廿幾蚊個早餐 小小誠意都冇 個包超硬 牛油係唔會溶

即係唔問佢拎把刀搽牛油 你就要成舊咬 @@~ 

 

 

 

 

 

椰菜豬肉餃

各位親愛既blog友 笨笨先係呢到祝大家

黎緊四日長假 如果有大假可以拎埋 就去到5月3日

黎個long trip都仲得呀 哈哈~ 諗起都爽呀 wakakkaka...............

可惜.......................我冇錢又冇假 不過有4日放 總好過冇得放啦~

呢排都好忙呀 日日都要成8點幾收工 餸都買唔到...............所以

係星期日會買定d肉類放係雪櫃 朝早返工個時就買蔬菜個d 至於

想食魚新鮮魚 就真係冇乜機會啦............... >o<

 

"椰菜豬肉餃"

哈哈~ 其實呢個餃子佢好可憐架 因為佢並唔係主腳 .............

ccc... 我又係為左西環~ 駒記 呢支辣椒油 所以先整佢出黎架....

之前整左"燒賣"黎陪襯佢 所以又玩下餃子先 係街市 買菜個時

諗緊用邊隻菜........ 唉~ 樣樣都貴......... 椰菜價錢算ok 而且保存時

間都比一般既菜放得耐 所以就用左椰菜啦~ 呢次用左半個黎包餃子

剩低個半個 就係上一餐用左黎整"鮮茄椰菜"

豬絞肉 超懶既我 都係買現成既 =口=

上網遊blog 見好多blog友手勢都好好呀 用圓型皮包得好靚

笨笨又忽發"痴夢" 諗住自己試下 =.=

又係先黎一個"混合喪撻" 撻到佢痴肺 撻到起膠^^

 

大家係唔係見到有d黑色既野呢? 唔係冬菇黎架 呢次加左木耳

菜肉餃/包呢d 都要7成菜3成肉 咁先會好食d架 .........................

你地睇下 笨笨又自以為事啦  包得好肉酸呀 /口\

左下角個隻 大家係唔係覺得個型狀好怪呢.........哈哈...............

就係我包到最後 見咁C肉酸 冇晒心機 所以求求其 算啦 >.<

我的早餐@@~ 只係用水灼熟 再加美味既辣椒油 YUMMY~

係樣衰左D 不過味道OK架 (大家唔好介意 笨笨又唔知個"醜"字啦)

 

 

 

豉油雞 & 鮮茄椰菜

之前有blog友問 乜野係"日月魚" 同埋 "奶油麵"

呢次我冇偷懶亦冇老人痴呆啦 (因為驚自己唔記得)

所以即刻拎佢地出黎 影低佢先 @@~

先講奶油麵 即係上一篇網誌講既 HKD5.2 有交易

健康得黎 又超抵食呀~ 鐘意可以煮起後 再加D肉回鑊炒

再唔係既 將D隔夜餸"返熱" 撈落去食 都得得地架

另外 "日月魚" 就係以下呢張啦 不過.............................

各位真係唔好係街邊買 因為好多都係"流"野黎 我就多數都係

係D比較有名既店買....................(東方熊, 惠原糖, 啟太............

或者係各位相熟既海味店啦) 呢隻"日月魚" 對眼仔好好架..........

而家個個都成日唔係對電腦 就係電視 或者工作上需要 好似"人家大少"

揸車搵食 真係要留神同埋"掹大眼 睇路"咁樣 @@~

 

"豉油雞"

食雞有仇好耐啦 所以呢日整返半隻食下先~ 各係會覺得.......

"人家大少"斬雞真係好有進步 好似斬得好靚......其實..............

佢一路斬雞 我一路拎住部相機係側邊等 就係一大鼓勵啦 哈哈~

因為我一路等 一路講 (好多BLOG友都讚你斬雞好靚呀) WAKAKAKA

呢隻雞好滑架 之前MARK過食譜 大家有時間/興趣

可以去參考下呢 豉油雞 vs 生菜鯪魚豆腐煲

"鮮茄椰菜"

呢個餸 其實係雪櫃餘下既物資 ^O^ 蕃茄仲有3隻係雪櫃

至於椰菜呢 我為左配合我美味既新辣油又整左D野黎玩

所以剩左D椰菜 呢次一齊炒埋佢先............................................

仲加左2片煙肉 因為.....................呢餐係第一日要帶飯呀 >"<

怕唔夠餸食 ^O^/~~

早排同大家提過 因為"麻煩鄰居"既關係 日日唔名訓

真係好鬼燥 所以煲返個"人家大少" 頭號 "克星" 之 花旗參煲豬展

下一下火呢  呢次輕手左啦 放小左"花旗參" 因為...............

唔想好似迫"人家大少"飲毒藥咁囉 /O\

呢次個雪耳好鬼真呀 不過係貴左小小囉 3吋左右一舊 9蚊雞 @@~