老番鮮魷+馬拉盞豬頸肉炒芥蘭 & 野葛菜生魚湯

各位至愛 呢排幾日係唔係條氣唔多順?
 
政治既野 笨笨一d都唔懂 不過呢..............

點都好啦 都選左囉 (我唔見得有乜可能性可以改變)

oh no~ 為有大家至愛 "自求多福"

就不如飲個湯先 清熱清肝清煙酒

今日朝早 我係fb收到身在美國既姪仔同我講.................

(姑姐 我地可能冇可能係facebook見架啦 我地以後係唔係要

用返msn / 我要開個QQ a/c呀) 我暈了

乜都好啦 身體唔好 講乜都唔好用既呢 飲啖湯 下下肝火先

"老番鮮魷"

呢個餸 係我早幾日係一間泰國菜館"打包"返黎既外賣呢~

佢本身既味道唔多夠 咁我呢日就自己再加d泰式辣醬(煮冬陰公用的辣醬)

唔好講笑 個汁真係好味好多呢 hahhaha

"馬拉盞豬頸肉炒芥蘭"
因為我好傻 想整一個"笨笨泰國餐" 所以就出左呢個啦 hahha
(馬拉盞係自家制 好香架 ccccc)

就不如飲個湯先 清熱清肝清煙酒 "野葛菜生魚煲豬展"

富臨皇宮@元朗

 

sorry呀各位 又遲左好耐先update個blog啦

早排因為家事同私人事比較忙喔 希望大家見諒一下呢

呢日講下飲茶先 元朗係今年過年前開架 "富臨皇宮"




查實佢地係唔係用同(大廚房)呢? 我唔知道

不過之前係網上見 食評好似幾ok 咁就去試下啦~

睇下有乜食先 ......飲茶價錢 同區黎講 唔算係平 

(以下只係笨笨自己既食評 ^o^)

"荔芋酥" 味道係可以既 不過較油 ~o~

基實入面既料係得架 不過外皮真係好油  ~_~

"咸水角" 呢個都係一樣 入口好油 @o@ (究竟咩事呢=口=)

"牛肉腸粉"

呢個真係唔講唔得 d粉皮又厚 又"削" 發生乜事呀?  牛肉還可接受

"特價小吃@蟹粉小籠包" 做左咁多年人 第一次食咁難食既野
問佢地拎陳醋 答案沒有 就只紅醋 可惜......
真係腥到入唔到口囉=_="

"灌湯餃" ok啦~

"綿花雞" 呢個唔錯 基本上 雞冇"雪味"就可以了

"豉汁鳳爪" 味道都ok

"鮮竹卷" 呢個係至大件樹 入面d蘿蔔係苦架  諗住叫佢地換
"人家大少"就話算啦下次冇幫襯 唔想勞氣~_~ 

羅定雞 & 蒜容油麥菜 + 蓮藕綠豆鱆魚豬骨湯

之前係呢篇blog"南乳芋頭炆鴨&白灼蝦+蒜容豆苗"

笨笨請教過各位blog友 有關快靚正既"巡blog方法"

先要多謝咁多位blog友既意見同埋回覆  

綜合左咁多位至愛既意見 笨笨係呢兩個多星期(sorry 笨人係多d時間去消化)

試左咁多位既意見  得出以下呢個結論 各位有興趣既blog友 可以參考一下

打開自己blog 搵到關注blog友個一欄--> "查看全部" click入去 會開左一個小視窗出黎

在小視窗 你會見到加左既blog友 只要 用你mouse指向你既blog友

右click 會出現一排既字 咁就click去"在新視窗開啟連結" 咁就ok架啦

可以省去之前又開 又關 又要f5 希望可以幫到各位呢


"羅定雞"
其實呢個餸簡單d黎講 係豆豉乾蔥炆雞 哈哈(我個名講到懶係複雜咁hehe)
點解叫"羅定"呢? 因為"豆豉既祖家就係中國既"羅定" 
又係好香好惹味既一個餸菜 呵呵~ 煮多小小飯撈汁呀 wakakkaka

"蒜容炒油麥菜"
我自問自己都唔係一個食得健康 小鹽小油既人 (大家見我煮既野就知啦 haha)
唔知點解 笨笨自從大個左之後 就唔多鐘意食"豆豉鯪魚/回鍋肉/五香肉丁"
呢d罐頭 其實只係好怕一打開個罐頭 就有層厚厚既油係面 (睇到都冇晒胃口)
sorry呀 呢個只係笨笨既個人口味 希望大家不要見怪呀
油麥菜 我鐘意清炒or打邊邊多d 哈哈!! 而且仲有個"羅定雞"既汁可以配埋呢

好似好耐冇煲老火湯啦 見仲有靚靚蓮藕 快d煲返啖湯飲下先

"蓮藕綠豆鱆魚豬骨湯" 入面仲有果皮同蜜棗 不過我永遠都係懶懶
(加上時間問題 冇心機將d綠豆釀入蓮藕先煲  ) 其實放係湯入面煲 應該都係一樣吧...