靈芝雞骨草紅蘿蔔豬展湯

hello各位至愛的blog友

大家睇到呢篇blog既時候 我諗我應該係超忙啦~

因為應該係搬緊屋啦~ 新屋個邊因為又係死定定要用"呸CCW"

所以應該最快要5月2日先上到網呀 慘ING~

所以係未搬之前 我DL左幾套劇集黎為呢幾日上唔到網解悶啦~

HAHA~ 呢次係我第一次預設時間出BLOG的 希望大家唔好介意啦~

我會日日都好掛住大家架 當然係仲有你地既美食啦 (諗起都流口水呀)

不過大家放心 我會用我有限的"生茲"上網能力爬上FB搵你地架


"靈芝雞骨草甘筍湯"

湯包係舊年美食展買架 放左咁耐 自己都爭D唔記得呢 知道要搬之後 都盡快去清屋企D野
搬小D丫麻 湯包就係最易清架啦~

呢個湯對護肝一流架 材料有黑靈芝,雞骨草,雲苓,白術,蜜棗

屋企地方細/冇時間既上班一族 呢D湯包 都係幾好既選擇 買多個"有泥紅蘿蔔"
再加豬骨/豬展就OK啦~ 呢次我用左豬展 ^O^

個湯對於捱夜,吸煙/二手煙,飲酒,戶外工作既朋友都好有功效架
如果身體係屬於"寒底" 可以將"蜜棗"轉為"去核紅棗"

各位至愛的BLOG友 ADD我FB啦~ (不過記住係add個時講我知你係邊位啵 ^^)
banana_pig@yahoo.com.hk

蝦醬西芹雞柳 & 清蒸筍穀魚

搵屋/搬屋真係一件超頭痛既事

因為要就可以養貓貓 而"人家大少"就要就泊車

得朋友幫忙 終於係早幾日搵到啦 因為會係呢個星期日搬

希望一切都順順利利啦~ 至於工作方面..............

笨笨冇做啦 ........... 真係知自己頂唔順囉

或者各位會覺得我唔捱得/冇恆心/冇耐心

但係日日咁既時間放工 照顧唔到"人家大少"之餘 ........

更加照顧唔到貓地 而且仲加重左"人家大少"既負擔

因為乍型個日 就放18:45 跟住第二日就放20:00

第三日就放22:15 .........................真係怕怕

算啦~ 安安樂樂搬完屋 再努力搵工工


"蝦醬西芹雞柳"
成日都煮XO醬 咁呢次就試下用蝦醬先 因為第一次咁樣整 所以唔敢咁重手
只係放左1茶匙蝦醬 炒起之後 帶輕輕既蝦醬味 唔錯 Hahahaha~

"清蒸筍殼魚"

個排難得有一晚收到18:45 拿拿聲跑去街市睇下有冇魚賣 真係比我搵到啵
去到街市都成7點10分啦 仲見有"游水筍殼" 28蚊 正~

豉汁排骨&清炒白菜仔 + 荷包蛋

呢排真係煩到暈.....唉.......................

份工已經係令到我吃不了 再黎就係要搬

呢位拾九業主 我住左係呢到差不多八年

養貓都有七年 佢而家先講話因為我養貓 唔租比我

而家樓價租金 升左好多 業主大人 要加幾多 我都冇野講

不過唔好話我有貓貓而要我走囉 佢都唔係今時今日先至知架啦>"<

呢排真係好煩 訓又訓唔到 又好多問題要去諗............

仲要有D麻煩人 驚我唔死得咁 係咁煩我

(表面係想幫我解決問題 不過每次打黎 都係制作我勁大既煩擾)

好啦~ 5月如無意外 應該會係新環境 新地方 希望.........................

新的開始 開開心心 ^O^  不過出面的貓地 希望都有一個新開始啦....


"豉汁蒸排骨"
至愛佢 帶飯叮叮都冇問題 買唔到飛排 用骨排都OK ^^

"清炒小白菜"
加薑片&蒜

"荷包蛋"

識得笨笨既 都知道我係蛋精 呢日"人家大少"話唔多夠食 咁就
煎個荷包蛋撈下飯先 ^O^ 豉油半生熟蛋撈飯 yummy~

荷芹炒臘味 + 豉汁蒸蒸倉魚 & 韮杞豬潤瘦肉湯

呢幾日 真係好DOWN 轉左新工作 諗住有個新開始...

點知.....OMG>"< 有"辛"開始丫喔

朝九晚九? 晚十? 晚十一? 妖 ...............

真係日日都冇收工既時間 ........至大問題 係冇OT錢

不過 ...有一樣野係笨笨好開心 因為................

先要多謝"人家大少"對我既支援/持 同體諒..........
(究竟係唔係因為我返左呢份工 佢就冇啖好食呢)
 
哈哈 當然 我估佢一定唔會係咁樣諗掛

不過呢 我都要多謝佢對我"毛骨悚然"既關懷

笨笨會支持落去既 更加要多謝既就係你地囉))))))

你地呢班成日陪我吹水 又放縱我可以吐出苦悶既BLOG友

其實笨笨既BLOG 冇乜特別 亦冇好野介紹

不過 都有各位對我既支持 真係想死殺"丫烏"都唔得呢


"荷芹炒臘味"

"豉汁蒸倉魚"

"韮杞豬肉瘦肉湯"

巨店 @ 元朗

 

o..... 又係講元朗 冇計啦 笨笨心歸丫麻 wakakkakak

早排天氣又冷....又焗 .....又熱.... 冇晒心情

好啦 就係早幾日凍返 就去打下邊邊先

笨笨唔識食好野 所以都係說一下自己食過既野

呢間店既位置都幾隱密

而家好多地方地sell什麼雞煲...辣煲 .....................
真係得咩? no way~  其實講湯底 呢間都係唔得
(因為唔夠辣唔夠味囉)

不過 其他配料佢地真係處理得好好
魚腐+魚角: 唔好睇佢好似好乾 入湯之後 都保留返魚既感覺 

豬天梯: 其實我本身..... 真係唔知係乜黎架 不過呢 個晚老闆勁讚
好......試下啦 ....  爽口洗得好乾淨

"豬腦"
人地話"臭豆腐"&"榴槤"  唔得
咁笨笨可唔可以話 豬腦接受唔到囉 /_\

清蒸金鼓 & 魚香茄子

今日係街市聽到一段對話 關於一個婆婆(我估應該70歲左右)

當佢行過一檔淡水魚 魚販就同佢講

魚販: 婆婆 今日食乜野魚呀 d鯇魚好靚呀 滾湯同蒸都好好食架

婆婆: 今日唔食呢d啦 屋企d細路話要食咸水魚呀

魚販: 咁你買返去用鹽水浸下佢 咪變咸水魚囉

婆婆: 你當都痴既 你當我傻架 哈! 第日先幫襯你啦

當場聽到個時覺得真係幾好笑 睇佢地兩個既反應
(婆婆應該係佢熟客架啦 好明顯係開下玩笑) 

笨笨鐘意係街市買餸 而小去超市 就係鐘意呢d啦 有d人情味

而且 買既時候傾多兩句 問多兩句 熟絡左之後 起碼都唔會點呃秤

又會比d靚d 新鮮d既你 有時有d乜野唔識唔明 仲可以請教下佢地呢~


"清蒸金鼓"
呢條約手板咁大既金鼓 本黎佢賣緊35蚊 跟住我問佢有冇細小小30蚊左右
佢就話冇 不過就係35蚊個到摷左呢條比我 細細聲係我耳邊講 (熟客計你30啦呢條)
哈哈~ 慳返幾蚊
嗯~ 各位blog友 笨笨就係c9成咁架啦 冇計 家陣乜都貴 慳得一蚊得一蚊

"魚香茄子"
好耐冇整呢個餸啦 "人家大少"好鐘意食茄子 所以要間唔中整下
條茄子都要盛惠4.5 好在買魚個陣慳左小小 拉上補下呢~
呢日處理呢個茄子 係用左炒再加水細火焗淋茄子 之後盛起再起鑊爆炒其他材料
我覺得呢個方法都ok啦

梅菜肉餅 & XO醬甜豆炒帶子 + 蕃茄大豆芽豆腐大眼雞湯

首先笨笨係呢樹祝大家"復活節快樂"

呢個長假 大家有冇出去玩呀? 笨笨就只係做左"宅笨"

無計啦 乜都貴 正所謂"無事出街小破財"呢

以前都話返下國內玩 家陣"人仔"都升到咁

香港而家真係乜都貴 衣食住行乜都加 人工又冇加 典算

近排睇樓 WA....D樓價仲離譜過1997 點供得起呢

元朗而家樓價同九龍真係冇乜分別 我諗大約同九龍樓價 打個九五折到

菜都話要十幾蚊斤 而家究竟乜野世界呀


"梅菜肉餅"
望落冇乜汁 不過其實好多肉汁係肉餅入面架 HAHHA 不過呢次懶懶
買左絞肉 唔係自己剁 講起梅菜 我鐘意用石澳梅菜 當然啦 如果買到
正宗既惠洲梅菜就更好

"XO醬甜豆炒帶子"
好鐘意食呢隻甜豆 不過處理上就要花多小小時間 但係好好味呢~

"蕃茄大豆芽豆腐大眼雞湯"
呢個湯笨笨好鐘意 好益又好飲

清蒸鱲魚 & 黑椒西芹肉眼粒

哈哈 早個多星期 又多左個嗜好 所以成個幾兩個星期冇探大家 sorry喔

先要多謝好友介紹左套劇比我 咁我就係咁煲煲煲

爭d煲到飯都唔想煮呢 wakakkaka 早兩日終於煲完

另我廢寢忘餐 就係呢套國內劇"步步惊心"

一向我都唔睇國內既電影同電視既 不過睇完呢套之後

開始愛上 估唔到國內而家既制作比香港更認真更華麗

睇得香港個d多 來來去去都係個d劇情 悶悶地 家陣轉下口味 感覺唔錯

但我發現一樣野 睇國內劇想學好國語的話會比台灣劇難

因為國內劇都係帶北方口音(卷脷口音) 希望睇多d 我都會學到啦~
 
唔知各位blog友 仲有冇好劇介紹我煲下呢  (台灣/國內)都ok架


"清蒸鱲魚"
笨笨對於魚既認識唔太清楚 所以永遠都係要信魚檔既哥哥同姐姐
佢地話呢隻係鱲魚啵 不過我知鱲魚都分好多種 唔知呢隻係乜鱲呢@@~

條魚有魚春架(我既至愛 haha) 清蒸都可以 冇泥味
不過都冇乜魚味 我估九成九都係養魚

" 黑椒西芹肉眼粒"
上次係"德州"買既肉眼粒 食埋呢餐就清晒啦 抵食 我地兩丁友可以分三餐食

洗米個時 見到屋企仲有咸蛋係到 好耐冇食過啦 蒸返隻撈下飯先