笨事 之 原來唔係我最笨.................wahahaha~
又係返大陸...........................
話說早兩個星期上廣州 係香港過關時................
見前面位同胞插入id咭多次都過唔到 咁佢以為部機有問題 行左去第二部機試
咁我排佢後面 即係到我啦 ........ 我又插入id咭 又係過唔到 .....................
都以為係部機壞.......左望右望 見好多人都係過唔到機...........原來.....................
家陣E道 係分開左兩種 =.=lll
一種係"普通E道" 即係我地而家用緊個D
另一種係"特快E道" 要另外再申請既 不過點樣"特快" 我就唔知啦.............
好在呢次唔係我最笨 大把人陪我 如果唔係真係比人笑到面黃呀 HAHAA~
"咸蛋肉餅" 呢次唔玩咸蛋超人 >.< 玩下月球表面 ...................
"XO甜豆帶子" 呢排D甜豆好正 爽口又甜 愛上左佢 HAHA~
再整返碗 "蕃茄 豆豆 大眼雞" YUMMY~
開始入秋啦~ 各位親愛的BLOG友 緊記帶多件外套係身~
天氣呢排變幻莫測 時冷時熱 由其係出入冷氣既地方呢~
"越式牛肉粉專門店"
位於元朗千色店後面 其實我好小行經呢條街 因為覺得冇一間係好食
(SORRY~ 只係笨笨既個人口味) 不過 聽講呢間野 係越南係幾出名......
(我唔知 我末去過越南 只係聽人講.........) 某日 無無聊咁係元朗個WEBSITE
遊遊下 見有人介紹 又未試過 咁就去試下呢...... 其實越南食品我麻麻地 不過
"人家大少"就鐘意(生牛肉河) 但係係元朗搵左好耐 都搵唔都一間出色D........
呢日 就黎試下個下午茶先........... 睇餐牌 呢間比較正宗(好似).............
起碼唔會多國菜式溝埋一埋
A B C 餐分別在於 小食, 粉麵, 半份小食+粉麵
芽菜 金不換 青檸會另上 比你自己加..........MAIN POINT到啦.........
我眼見佢地 係一枱客走左之後 未用完既配料 會REFILL....即係舊既再加新
跟住再比第二枱客 ...... 我覺得要扣分 ........
1) 唔合衛生.... 我點知之前果個人會唔會食食下又搵筷子再夾? OR (打乞痴)
2) 就算係咁 你地都收埋攪丫 比人睇到晒=.=
我同"人家大少"都係揀左 生牛肉河 .............湯底同牛肉都OK 以元朗黎講
佢都算係幾好食 湯底有牛味同埋香料既清香 而且至緊要係D牛肉 嫩滑
配小食"香茅豬扒" 一定有用食粉個D(小動作)架啦 但係味道OK 有香茅味
帶一點甜 笨笨自己覺得幾好食
配小食"豬肉蝦片" 其實都係香茅豬肉+蔥油+蝦片+甘荀絲 ...OK~
不過我自己(係自己鐘情) 加青瓜絲會仲正...... 因為我唔錯意食生蘿蔔 HAHA~
總括黎講 係有下次既 ............. ^^ 不過 我唔會再加佢地個D芽菜 金不換..........
1) 怕怕 2)其實我唔鐘意D芽菜咁樣浸黎食 ...................HAHA~
o........... 呢幾日忙得頭暈眼花~
人老左 真係唔可以唔認 慘ing~
呢幾日 中秋 仲要加上係幾個朋友生日 ........................
wa.......... 玩到"天昏地暗" "早晚不分" 真係 "人都癲"呀~
今日..........開始 要回復正常.....不過可能玩左幾日 時差出現左......
早餐變左下午茶 午飯變左晚餐.......... 宵夜變左早餐..............
有時一天可能食得一餐..................攪到個人....................................(嗚嗚.......)
冇晒胃口 膚色暗淡 毛孔擴大發展..........wa............大鑊啦 >"<
今日開始 要調整返個生理時鐘呢 @o@
如果唔係 比人捉左去"O唇泊" 咪大件事 >O<
"笨雜麵"
冇乜胃口 又唔可以迫自己去食 為有食D清淡D既野 煮返個麵食先.....
不過.....出X一丁 當然唔得啦 ........ 整返個上海麵先
笨笨好鐘意食呢隻麵 好似"中式扁意粉" HAHA~
熱上灼至軟身 即時撈起 過冷河
湯底 只係用"薑片" "冬菇" "大頭菜" 如果大家想濃味一D 可以加"蝦米"
煮起湯底 放入自己想食既料 魚蛋? 肉片? 魚皮餃? 牛丸? 菜?................
想食乜 就放乜 ...................自家既"無味精雜雜麵" 完成 ^^
"人家大少"唔小得既辣椒油~ 不過笨笨都好耐冇食呢隻辣椒油 因為覺得
而家呢隻辣油唔夠香 .........(好似同以前唔同左........=.=)
笨事 之 鄉下妹搭車 ............下集......=.=
繼上一集 笨事 蘿蔔魚鬆 & 隔夜火腩 又黎了~
話說當日 除左上錯車之外...............................>"<
上錯車 都唔緊要 都係去深圳 至多係遲小小or改行程.......
點知............................(爆瘀=.=lll)
去到落馬洲 諗住過關時 ...........................................( >"<)
人家大少: 你張回鄉咭呢?
笨 : (即時摷.........1分鐘)..........冇既?
人家大少: 你搵清楚d
笨 : (努力再搵 褲袋翻轉再搵......) 閉........ 冇既?
人家大少: 你係唔見左 定係唔記得帶呀?
笨 : 唔知呀.............................................
人家大少 : 唉~ 算啦 我地走啦
笨 : 出左閘啦 點返轉頭
人家大少 : 去問下d警察囉
笨 : 咁鬼瘀 我唔去呀 >_<
人家大少 : 唉~ 咁我去囉 (超無奈 不過佢仲係笑.................>"<)
"隔夜飯"...........白粥
家陣乜都貴 柴 米 油 鹽 樣樣都貴 ......... 儲左2日隔夜飯 呢餐煮個冷飯粥食下先
當然 天氣都仲係咁c熱 一家唔會熱食 所以將d冷飯 加d水 煮滾 放涼 就可以了^^
"笨笨亂炒"
肉丁 豆角 菜圃 紅/青椒 豆腐干 再加小許豆辦醬 酒 炒香 .....
餸粥 真係唔錯架 haha~
笨事 之 鄉下妹搭錯車
話說有一個星期日 諗住上深圳飲茶行街....................
搭車出元朗時 仲同"人家大少"傾緊 行邊個關好呢..............
後尾傾傾下 唉~ 因為個時都下午2點啦 咁就不如近近地 去羅湖商業城啦.....
一去到上水火車站 wa......... 聽到有車 ............懶醒咁一支箭"標"左上車.....
跟住..... 仲要懶醒咁 ha~ 有位坐喎 真係好.............點知..................
人家大少: 你究竟知唔知呢架車去邊架?
笨: 緊係去羅湖啦 唔通出尖沙咀咩
人家大少: 唔係去羅湖 亦唔係去尖沙咀
笨: 下......... 咁去邊架? 仲有第二d站既咩
人家大少: (好無奈....) 呢架車係去落馬州 福田架
笨: 下........... 乜唔係分開站既咩? 連埋一齊架?
人家大少: 咁去馬場 同 唔經馬場既 係唔係同一個站呀?
笨: ...............................(低頭無聲)
人家大少: 乜都唔睇清楚就"中"上車架 賣鬼左你都唔知呀
笨: 係香港 我又唔怕呀 哼~
人家大少: 衰左都仲要死撐 .................(下刪數十字)
====================== 有關呢日既事 仲有下一集 =====================
"蘿蔔魚鬆"
煎香既魚鬆 配埋蘿蔔既香甜 正~ 無啦啦手多多走去加老抽 好似黑左d >.<
"薑蔥隔夜火腩"
火腩係之前食剩 由其係過時過節 好多時都會出現d隔夜燒肉 雞 鴨 .............
好多方法都可以將佢變成第二個餸 不過笨笨覺得呢個整法係最方便^^
加薑蔥 炒香 再爆返熱 加小小豉油 老抽 糖 酒 炒香 仲可以去咁d油 yummy~
加多碗魚湯 節瓜滾鰂魚 又一餐lo~
呢次唔係用白鰂 呢條係黑鰂 不過個湯飲落 我覺得冇乜分別............
可能因為我唔識食魚啦 所以覺得黑/白都係一樣 haha~
某日 笨笨發現元朗開左間"古怪拉麵"
點怪?(其實係我自己覺得怪)....... 舖位細細.....堂食得8個位 仲要係L型.......
冷氣.................. 2部冷風機對住每邊4個位...........................
天熱去食 真係會一身汗............ (下次都係外賣好D~)
佢既位置....................我都唔識個係叫乜街 =口=
不過元朗友既話 我估大約會知係邊
"岩手拉麵"
位於 "舊B仔"大坑渠邊 向"正記"方向行 就會見到 前身係一間燒臘店.........
呢日試左2款麵 都唔錯 湯底都OK~ (好食過味X拉麵)
呢款係"岩手拉麵" 有蛋 叉燒 肥牛 豬軟骨 "人家大少"話好食
我自己就叫左個"廣島蠔拉麵" 有D意外 原來D蠔係生架 .......
不過唔腥 新鮮yummy~ 3隻廣島蠔配上鰻魚汁 蛋 .....(湯底仲爭d比我飲晒 ha~)
佢地有個自家制既"沖繩餃子" 我好想試 但耐何真係太熱.........
"人家大少"話 下次買外賣/天氣冇咁熱 先再試...........
仲有好多款既串燒~
爭d唔記得講 營業時間係下午4:00先開始 冇午市
====================多謝收看 報告完畢 haha~=======================
呢排既天氣 真係好可怕......................................................
一晚閃電萬多次 行雷個多小時後 才下雨
聽到行雷 轟轟聲 天花都震埋.....................................
還好 ...... 都是在晚上 如果在日間 真係"鄧"露天工作的工友驚驚呀~
今年風球比較小 但係天氣變化則特別大........
地球叔叔每日都受到生命既威脅
笨: 我地天變地變情不變呀
人家大少: 真既?
笨: 緊係真架啦 你唔信我?
人家大少: 好~ 我地而家換衫 出門口行下
笨: 點解呀?
人家大少: 睇下邊個比雷打中先
笨: 痴線........... (行返入房睇書)
"青豆角肉片"
呢個餸 當我又"老人痴呆"時 就會想起佢 因為好餸飯 而且快 靚 正~
加左麵醬落去炒 好惹味既呢~
"清蒸筍殼"
笨笨好鐘意食"筍殼魚" 鐘意佢肉質滑滑又夠魚味 不過都幾多骨 所以我會揀
比較大條 出街食 好多時都係"油浸筍殼魚" 即係炸 炸左係好食既 因為連骨都
可以食埋 不過笨笨自己本身冇咁既廚藝炸得連骨都脆 而且屋企既煮食爐 都未
必做得出咁既火候 所以我多數都係清蒸.......
笨笨自從搬入元朗後 發現元朗居民 好喜歡排隊...........
可能因為係九龍住既時候 隨左同屋企/親戚飲茶之外
基本上我係唔會因為要食某一樣野而去排隊 仲要係排好耐好耐......
不過 我發現元朗既人 無論食乜 基本上都係要排隊 (隨左大排檔/茶餐廳啦)
好似做成一個陰影 唔使排隊個間就"好極有限"..........
錯~ 其實好多間 排隧都未必係好~
當然..... 食野係好講個人口味~ 所以好多時食評 都未必一定對~
最緊要係自己喜歡呢
元朗田中日本料理
笨笨真係唔多明 呢間野由教育路舖開始超多人排隊 ....................
現在搬到元朗大馬路 都仲係咁多人排隊 @.@
老實講 我就未排過 因為要排成個幾鐘 入去食得個45分鐘............
限時限刻 已經唔多喜歡 而且聽返d元朗友講 唔係真係咁出色........
不過 既然咁多人願意咁樣去等 我估都唔會差得去邊掛.........試下外賣........
先打電話去order 大約30分鐘左右 可以去拎...................
"三文魚刺身" 四個字講晒 (大件夾梅) 三文魚都可以拎去做(梅香)?
"麵豉湯" 唔使多講 唔熱加冇味
"滑蛋豬扒飯" 豬扒"鞋"過我塊面>.< 炒蛋還可以 不過冇放味醂
"薑汁雞柳飯" 雞柳又乾又鞋 薑汁未沒有
我唔知堂食會唔會好d 不過由大馬路舖取外賣回到家 都只係8~10分鐘時間
唔知會唔會係有影響....... 不過都算了 ....... 大把好食過佢 .......冇下次
講起深圳特區成立三十周年.........
又另我諗返起早排上深圳"奇遇"
國內開放 我發現佢地真係講得出 做得到
香港點樣開放 睇怕都追唔上國內..........
個日去到深圳搭地鐵去"老街" 點知................
係之前一個站 我發現坐在我前面 手抱一名約2歲男嬰的女子
突然係佢既手提物品中 取出一個紅色背心袋 跟著................
隔離個位男人 就接住個男嬰 個女人就將個膠袋放係地下........
我當時覺得都唔多妥架啦 立即走開幾步...............
回頭再睇 wa..................車箱內既人 個個彈開.......................
原來小朋友就係車箱內開大大 >o<
唔係呀........ 同胞 你唔知有尿片既咩 .............. 真係離晒大譜呀
"糖醋排骨"
呢排天氣雖然話係開始入秋 不過有時都又熱又焗 乜鬼煮意都諗唔到.....
打開雪櫃 見有支陳醋好似坐左係到好耐 ........腦閉塞 諗黎諗去都唔知點
攪惦呢位"陳小姐" ........... 算了~ 糖醋排骨~ 酸甜香 煮多小小汁撈下飯
下次試下撈上海麵 我諗都會唔錯 haha~
"菜芯苗"
好熱 乜都懶得攪 有肉 求其煮多個菜就ok了~ 近呢1年 比較喜歡食
乜苗物苗.......菜芯苗, 芥菜苗...... 因為家陣人民幣升值 普普通通買
斤菜 都話要成10蚊一斤 有時仲要1x蚊...... 食苗好似好好多 又可以
摘小d 不用太浪費 又不用花太多時間"摘菜" (又係我既心理作用haha~)
今朝晨早流流比對面屋個師奶嘈醒左.....事源..................打仔
唉~ 剛剛先開學第二日 就為左返學衣著同時間問題
鬧到個仔大喊大叫 仲掉埋亞仔個書包出門口.......................
呢日下毛毛雨 地下濕架 咁樣掉佢d野出門口 最後難為既 咪又係自己........
咁燥做乜呢........ 兩母子粗口橫飛 鬧左半個鐘 最後結果.........................
亞媽要死死地氣咁幫佢執返d書 抹返乾.......
亞仔比佢打餐死 咪又係要返學.......
何苦~
"椒鹽豬扒"
係熱氣左d 都係咁話啦 間唔中食下 唔緊要啦 wahhaahaa~ 今次冇放青紅椒
因為本身係想整洋蔥豬扒 點知"人家大少"話要食椒鹽 咁就是但呢~
回鑊後只係加左蒜容 蒜鹽 蔥粒 酒 再炒香 都好好味~
"瑤柱扒玉子豆腐"
餸飯一流 不過玉子豆腐主要成份都係蛋 所以間唔中食下好啦~
"芥菜咸蛋肉片湯"
用黎清熱 不過記住呢個湯要放多一點薑 因為芥菜係好寒涼架
是日係9月1日~ 開學日~
祝各位讀緊書既大朋友 小朋友 學業進步 事事順利
823事件倖存的小朋友 淡忘傷心事 回覆平靜心情 好好繼續學業
早排同人家大少去左呢間野飲茶....."元朗海天花園酒家" BLACK LIST
永遠都不會再光顧...........
睇佢D MEAN講 好似係同屯門三聖個間海天酒家同一個集團
先講點心 價錢唔係平 而且點心選擇唔多 得廿多款 其他都係小炒.....
"咸水角"............ 還可以接受
"菠蘿叉燒酥" 呢個都可以話係懷舊點心 都覺得算係可以 起碼都係熱既
面層係菠蘿包既面做成 中間有叉燒包既料 底層係蛋撻皮
"山竹牛肉" 梳打牛肉 入口即吐..........
"豉汁排骨" 冇豉汁味 都唔緊要啦 連蒜味都冇....? 不過都有一種味 係"雪味"
"鮮蝦腸粉" 你地食過(彈牙腸粉)未? 笨笨又一新嘗試=.=
"拖地叉燒飯" 我諗如果滔滔去試 一定暈低~_~
叉燒既肉質 唔好話係唔係"拖地"個舊啦 連"梅頭"都唔係............似咩呢......
MU....... 似我地平時買黎滾湯個瘦肉一樣=﹏=
唉~ 又一BLACK LIST
