今日心情超爆 超唔開心 頂~.................. .................算~ 不過"你要死
我唔比你去死咩 你要孤立自己 關Q我事" HAHA~ 放開放開~ 唔好為左
呢D人死咁多細胞呢 下星期開始凍凍啦 大家要搵定D外套返出黎呀
24Sep09(星期四) "蕃茄傻仔紅衫魚"
其實本黎笨笨係想買"大眼雞"既呢 不過好貴呀 成2蚊一兩呢>.< 咁為有買份C左
都唔知幾耐既"紅衫魚"滾湯呢 15蚊一份 OK啦 睇下個腮@.@ 當然唔會係鮮紅
咁靚啦 不過又未至於去到發黑 15蚊份 可以接受呢 眼仔都幾精靈架 HAHA~
魚湯.....當然係要煎下佢呢 呢次都煎得唔錯 CCCCC~ (好小可架)
配料: 5蚊一份蕃茄 加多2蚊"傻仔"
左滾右滾 滾返佢1/2個鐘 HAHA~ 靚湯 正~
有放薑架 不過矛攝佢入鏡>O<
sorry 呢排真係好忙 因為笨笨既家姐同二哥 返
左香港 所以呢幾日都玩緊"天倫樂"呢 睇返好多野都未寫呀 要趕快寫返先~
報告返比大家知 笨笨既"牙肉發炎" 都仲係咁上下 不過就唔使食止痛藥 ..
但係都冇乜好轉 睇怕.......過多兩日再唔好 都要睇牙醫了
24Sep09(星期四)
蝦仁炒蛋"笨笨至愛" 撈飯一流
西芹雞柳 " haha~ 呢次切得粗左d 冇計啦 趕時間 肚仔餓"
有湯湯架 haha~
呢個星期 冇乜點入blog 唉~ 皆因係笨笨"牙肉發炎" 痛得我食又食唔到
訓又訓唔到 上星期四開始發現口中的"左下大牙至入個位"開始有d痛
點知 星期五就黎料了 早餐食個通粉 都咬唔到 要"原粒"吞 跟住係公司
lunch 整左個杯麵食 一個杯麵"合味道" 我要用左45分鐘時間去食 仲要
加多罐"coke"先可以食晒 同事們見我咁辛苦 叫我快d睇醫生 但係......
笨笨真係怕得要死呀 (見賊都好過見牙醫呢 至怕牙醫打針呀 牙肉冇乜肉
架麻 一見支針 ...............) 跟住放工後 走去藥房 自己配藥試下先..............
其實藥力既功效係ok架"止痛" 開頭呢幾日 就真係冇乜問題 點知 星期一
開始就發現d止痛藥既後遺症啦 消炎藥都可以 但係一食止痛藥 2小時後
笨笨開始覺得胃部不適了 但係..........唔食止痛藥 我又食唔到野
而家就為有"止痛+消炎藥" 係早上同中午食一次 夜晚就只食"消炎" 唔
食止痛.................... 真係乜都放唔到入口呀 ~ 牙痛真係慘過大病呀
23SEP09 (星期三)
呢晚 WA....................都成個月前既事呢~ 希望大家唔好介意>O< 呢晚同公司
同事 去左"屯門和民" 其實我都好耐冇去食過 記得上次去食 都係N年前了 "和
民"比我既感覺 價錢貴 而且都係一般日式店既貨式 但係價錢都幾"貴" 但係呢次
去食 又有點兒改觀了~ 價錢與食物既質素 都可以成正比呢~
呢個好似係..........唔記得左係乜 不過入面係有芝士 所以笨笨冇食
但係聽返同事講 "麻麻地"
HAHA 又唔記得左個名 "SOR" 不過都幾好食
呢個係笨笨至想食既"豆腐" 但超失望 一D都唔滑 入口好似
"中式炸豆腐" 豆腐一D都唔滑 >"<
燒魷桶 又幾香 而且個汁都OK 唔太甜 or 太咸
"刺身" 低讚~ 食得出樣樣都係新鮮既
呢個唔記得係乜鬼"餅" 勁咸
last黎多個"一口牛柳" 有牛肉既鮮味 都可以啦~
LAST~ 其實總括黎講 好唔好食 好難講 但係價錢上 都可以接受呢 呢餐埋單
都係4XX蚊 (比我想像中便宜了 @o@)~
痴左線呀 唔通係我部機有病 上blog 唔係upload唔到 就係回唔到blog
唉~ 冇晒心機呢 好怕整電腦呀 究竟係......................................
1. 條ram有問題?
2. 仲毒?
3. hard disk "腎"左
4. 全城至貴既"NETVIGATOR"有問題?
激死我啦
21SEP09 (星期一)
早排真係乜"煮意"都冇 天氣又熱 公事上又煩 真係人都傻傻地 又瘦
瘦地~ 煮飯小左 煲湯更加小左 人又懶左 C火啦~ 人都本身係
笨架啦 仲要加埋"懶虫上身" 呢舖真係大件事啦 ~~~~~~~~
冇計啦咁...........為有煮返D基本野 求求其 樹樹旦
"咸魚雞粒豆腐" 餸飯真係一流呢~
"乾煎紅衫" 本來係想搵靚魚蒸 但係呢日樣樣都好似好貴 (可能心情問題
點睇都睇唔上眼~_~) 咁就買條"紅衫"煎下呢 都好耐冇食過~
咁細條 都話要16蚊=.=
