唔知係唔係咁快就有"假前反常症"
病徵1. 成個星期 "等呀~ 等呀~ 大掃除 一次過啦 hehe^o^
病徵2. 上班時 個腦只係諗緊..... "唔知今年食飯 抽唔抽到獎呢?"
病徵3. 今年放幾多日假 "唔知幾時開始收爐放假呢?"
病徵4. 錢錢錢 "今年可以搵到幾多利是錢呢?"
死未..........................
20Nov2009 (星期五)
"沙牛河" 其實即係"沙爹牛肉炒河" 一到年尾 個人唔知點解會超懶 手腳懶
頭腦懶 乜都唔願郁 >o< 至緊要乜都快靚正 唔多使點做 功夫小 haha~
其實炒河粉呢家野 話難唔難 話易又好似唔係 .........求其啦>o< <-----
我既宗指 haha~ 炒任何粉麵 唔想佢太碎濕濕 只要係"勤力" 左手揸
鑊剷 右手揸筷子 一路炒 一路用筷子挑起d粉麵 咁樣炒出黎 就唔會太
碎.....^o^
河粉底
完成呢 *o* 呢次好似唔多夠汁 下次要加多小小先=口=
18 Nov 2009 (星期三)
呢晚係老闆出席某聚會 而請埋我地員工去食 haha~ 有得食 仲要係"香格理拉"
緊係要"二仔底" 死跟啦 wakakakaka~................ 聽講要成8000蚊一圍...........
硃........................... 試左食物之後 個人真係唔多識欣賞-.-
呢d場合 當然一黎既開場 就係d乜乜東東儀式啦
餓得我cc下 求其影左一兩張 就等食啦 >o<
"餐酒" 不過我呢d笨人 又係唔多識欣賞 /口\
(唔知點解 飲到落底 發現有沉澱物 怪怪~)
祝酒了 hehe 祝酒完 睇怕都有得食啦呱
煎釀三寶? 唉 唔理啦 好肚餓呀................
求鬼其唔理佢係乜 好唔好食都好 頂左肚仔"古古聲" 先算
oh~ 跟住有氣有力 緊係先去解決一d私人既事先啦haha~ washroom是也 @o@
回場後 發現原來有歌仔聽了 先黎既就係...........
你地認唔認得佢呀@@?
"笨笨"都仲未多識用部"笨機" 影得好差 慘~
廖小姐唱完兩隻歌仔之後 就到"官小姐"呢~
其實呢兩位靚女 真人都唔差 不過個人覺得 廖小姐就比較保守 官小姐就nice d啦
因為................個晚我自己睇 官小姐既笑容好好多 而且唔會只係對住大鏡頭笑 對
住我地呢d相機仔 佢都好好笑容 而廖小姐就比較保守左d 只係對住大鏡頭笑 o....
今日係公司見到一個"借鏡"
上司ox太太: (係寫字樓內問上司ox) 你今晚係唔係又去完xx先返呀
上司ox: 走啦你
我地大家都扮聽唔到 睇唔到 因為覺得ox太太好難落台....... 事後...........
想下究竟係男方不對 定係女方不對呢.............. 有左結果 係灰色地帶
ox太太 係唔應該既時間 講左d唔應該講既野
上司ox 不理他人感受
呢件事上面 都唔係想講人地 只係個一刻自己心入面諗緊 我係唔係成日
都犯呢d咁既錯呢.......................hahhaa~
16Nov2009 (星期一)
"咖哩雞"
凍凍地 冇煮意 求求其 樹樹蛋蛋 haha~ 不過發現一樣野 原來咖哩or
茄汁呢d帶飯 都會整到個飯盒轉色 .............. 心想..........閉囉 我日日
咁食 咪食左好多化學野入口 >o<
"蒜容節瓜雞脾菇"
呢個餸 整身係"蒜容節瓜" 但係呢日見到有"雞脾菇" 仲要街市亞姐
肯比我買一隻呢 (因為"人家大少"唔鐘意d菌類=口=) 咁亞姐肯比我買
一隻 haha~ 呢隻"雞脾" 仲唔係我自己咬晒 wakakakkaa~
遲來的 "合皮了耳牙"
祝大家係2010年 每位身體健康 開開心心 事事順利^o^
巧耐都冇寫blog呢 我..................................踏入12月後 身體未好過呢....
先前既感冒個d未清晒 又黎胃痛 好啦 到胃痛好左 又黎周身骨痛同頭痛
發生乜野事呀>o< 攪得我呢個12月請左3日病假 自己都怕左呀 唔制
呀~ 我情願返工啦 我唔要病呀 真係好辛苦呀 今晚"人家大少" 去同事
到食飯 有"大魚大蝦大肉" 笨笨都無福消受 怕夜晚出去再涼一涼 明天
又加重個病呢 嗚嗚嗚.............
病魔先生 求你快d離我而去啦
9Nov2009 (星期一)
仲寫緊2009既野 真係大件事 唔得 ...............要快快出晒佢 再唔係跳鬼左個d唔出
啦~
"鹽焗雞" 呢個餸係笨笨至愛 其實...........呢個餸對我黎講 個汁係至緊要 因為個
鹽焗雞粉+蒸雞汁 撈埋一齊餸飯 一流呀 kakakaa~ 以下係半隻雞份量
用左呢隻鹽焗雞粉1/3包 再加薑 搽係雞面蒸10分鐘
再焗5分鐘(唔好多開個蓋)
跟住"襯熱" 倒返d雞汁出黎 再加入1/3包鹽焗雞粉係汁入面 試下味
隻雞就放涼待斬 ^o^
食得lo =口=
"蒜容炒唐萵" 記得小時 好似除左"白菜仔"之外 真係未食過d乜野"菜仔" 但
係近呢幾年 好似多左好多 菜心仔, 唐萵仔, 芥菜仔 真係多仔仔
=口= 呢日用左唐萵仔 又幾唔錯啵 就算帶飯返公司再叮返 都ok
呢~ 唔使打邊爐 都有得食lo haha~
