油菜 & 自家雲吞

緊急 緊急 笨笨要勞煩大家幫幫手呀))))))))))))

因為呢.................笨笨係楓葉國既"愛人"  要結婚了

哈哈................呢位"愛人" 我愛左佢廿幾年啦

"愛人"結婚了........ 終於真係大個仔啦 好想送一份禮物比佢

等佢就算結左婚 都要記得我呢

各位好友 幫幫手諗下計仔 乜野禮物好呢?

不過唔好同我講錢同講金 因為呢................................我負擔唔起

而且呢份禮物 係要寄去/搵朋友帶去楓葉國的 查拾....................................

我真係好想自己親身去 當係送比我呢位"愛人"賀禮"架

可惜 .................. 暫時工作上唔可以請咁耐假..............

好啦 等我同大家講下"我與愛人"的history

其實呢 呢位"愛人" 就係笨笨........................."姪兒"了

哈哈 雖然佢係一個名正言順既"竹星仔" 不過呢...............

佢對屋企人親戚既關愛 一d都唔似"竹星仔"架 對我呢個"細姑姐"

每次返黎香港 佢都會搵我見下面 有時我遇上唔開心/困擾

佢都會聽我講同埋會比意見我 .............. 老實講丫

佢似我細佬多過似姪仔囉 wakakaka

好啦~ 講左咁多 大家可以比d意見我 送d乜野好呢?

佢地結婚就係7月乍 笨笨勞煩各位幫我想想丫 一萬個謝謝+唔該


"自家雲吞"
係呀係呀 又出舊相啦 不過都差不多清晒架啦~ 準備搬個排 真係超煩
所以連煮乜都懶得去諗呢~

真係"鮮蝦雲吞"黎架 真材實料既呢 哈哈!!

加多碟"油菜"少油 yummy~

"全家福頭" 哈哈 食呢d野....... 對笨笨一家黎講 其實個靈魂............

就緊係辣椒油/辣椒醬啦 wakakkakaka

"潮" 潮式腸粉 @ 元朗

激c禾啦 真係比呢隻"病虎"激到我"生蝦咁跳"

本黎諗住係剛剛過既星期六 可以坐定定寫定幾篇啦存貨啦

點知 呢隻病虎 唔係食左人地篇blog 就係食左我d相

算................親佢今晚冇事 快快趣寫返篇先

某一日 行過元朗雞地 發現開左間咁既野
 

笨笨真係咁大個個女 都唔知乜野係潮式腸粉 我呢d咁八掛既......

緊係即時走入去睇下乜東東黎架啦

佢唔係食我地平食"打冷"食開既野架 佢呢d係比較地道既"小吃"
 
而且價錢亦好抵食呀

以下呢個 .............好似係"潮式炒汁" 味道好得易架

麵質"煙un" 材料有芽菜 ,韮菜,扎肉"

唔c我講 各位一睇就知 呢個係"蠔仔粥"呢 味道都頂瓜瓜

唔好睇佢地價錢平就唔足料呀 好足料 而且入面仲有切碎左既

魷魚 唔單止唔腥 而家仲帶出到個鮮味架 哈哈!!

Last黎個佢地既"招牌潮式腸粉" 不過呢.....................

呢個就唔係我同"人家大少"杯茶啦~ 因為入面好多蝦米

味道唔係太啱我地~

呢餐我同"人家大少"兩個食 用左8x蚊 除左以上呢3個餸

仲加多左罐可樂 而家呢個咁既經濟黎講 我講得算係唔錯啦~

其實我地之後都去過一次 試多左個蠔餅 同埋潮式燒肉

個燒肉我覺得幾特別 味道都唔錯 但係蠔餅呢........................

好似乾身左d囉 哈哈!!

咸雞 & 雞油白菜

係之前前個篇既 "新居廚房開張啦~ 豉油雞 & 鮑片生菜 + 鮑魚雞湯"

講起個日去買雞 就激死我啦 >"< 

個位雞檔老兄(一向買新鮮雞 我都係去個檔)

 一見到我 就同我講 呢隻120蚊 ..............

120咁貴? 諗下先.......

點知 "人家大少"好快就咁話 是但啦.............................
(男人買野就係咁既咩?)

都冇問題 ok啦~ 點知 當我比錢個時 佢地即時捉住一隻生雞同我講

"呢隻都得架 即劏.......(下刪數十字 包括粗言=_=)"

我就即刻喊左出黎啦 ...................................

跟住個位老兄仲要走埋黎同我講 我嚇下你架乍 你唔係真係喊呀?

跟住我就一手推開佢 你唔係拎呢d野黎玩呀............ 

我都知 其實我都係好傻 我都係天天食肉 不過呢.............

我唔係去ko佢地呀 唔好因為咁樣 就覺得好好笑啦~


仲有半邊雞脾同雞翼  就用簡單既方法去處理 

先用薑蔥 / 酒 / 鹽 蒸好 一至兩晚
 
留起d汁去煮個返熱d雞  & 菜 

 

清蒸石頭魚 + 香辣肉片脆肉瓜

有冇邊位唔知乜野係"石頭魚"呢?

(我既意識黎講 佢同雞泡魚都一樣  都係咁毒 不過呢...........
  味道又真係好正啵魚肉滑 而且好香魚味 )

記得 笨笨第一次食呢隻魚個時 係西貢個間 x記 嘩...................

都成差不多廿年前既事黎架啦 不過真係一食難忘


某日係街市行過 見到有 而且價錢都可以接受呀 我冇記錯既話

好似都係八蚊一兩 同斑既價錢相約 .......... 思考左好耐好耐

結果打比"人家大少" 問下佢食過未先 不過呢位先生 又老人痴呆上身啦

咁我為有影左佢send比佢睇下啦~ 

跟住"人家大少"就話食過啦 只係唔多記得好唔好食 .................................

咁我就決定買佢返黎 原來有一樣野我係唔知架 魚老闆幫我劏魚個時 問我要唔要皮

......... 我只係知呢隻魚既皮一定係沙皮 不過........魚老闆同我講 其實佢地d皮係有d

"苦味" 真係唔講唔知 我開返佢 我係西貢食過連冇事架啵 跟住............................

(老闆就話 你出去食緊係冇事啦 佢地幫你好似洗鱔咁 洗晒 咁咪乜味都冇囉..................

 =_= 個一刻 唔信佢唔得啦 咁貴買左返去自己衰左 就激死自己啦~)

小石頭要脫了 膽小既唔好睇呀 *o* 















 (呢張相 要唔要放入"18禁"呢? )

返屋企 當我煮落飯 之後就係洗魚魚啦 點知....人家大少話要走入睇下佢係點樣

人家大少: 比我睇下乜野樣丫 ....(呆左兩秒)....嘩.......好肉酸呀

笨笨: (笑到肚痛)..............你唔係呀 你估你去醫院睇人地d baby咩 wkakakakaka
   

魚肉真係超滑 好好味架 可能笨笨口味問題啦 我覺得比起"什麼龍" "什麼斑" 好食好多@.@

"香辣肉片脆肉瓜"
買餸個時 怕呢條魚"人家大少"唔肯食 所以要整個惹味dd既餸

呢餐真係食到我地捧住個肚呀 >o<

新居廚房開張啦~ 豉油雞 & 鮑片生菜 + 鮑魚雞湯

哼~ 為左呢次搬屋 真係好煩好煩呀

不過家陣都算係攪好左八成啦 至於呢....................

睇怕個d都係小問題黎既  家陣我日日都同自己講.................

睇開d 睇開d 如果唔係 做幾多mask 食幾多 都保唔返呀

好啦 呻左咁多篇 笨笨怕呻到你地走鬼晒唷 呢篇唔呻啦
 
先同大家介紹一下 我既"煮食新地帶"

呢張相係第一晚搬黎個時影既 所以好多野都未執好

好啦 講下新居廚房開張先~ (呢一篇 其實係硬插入黎架 舊居都仲有幾篇未出呢)

我諗大家唔會介意掛   先講下個湯 唔好意為笨笨搬左就發左達呀

隻鮑魚係新年前係大昌個時買架 一pack有2隻 我同"人家大少"得個兩丁友

所以可以分兩餐 咁...............話晒呢餐都算係我地既新居宴 咁就煮左佢啦 哈哈

"鮑魚雞湯"
材料之前有諗過用藥材 不過"人家大少"話想飲返瑤柱,冬菇,火腿

個日佢仲講 我要當係佢係"佛跳牆" o.....................no~
早知我買埋素翅同雪耳返黎啦 咁樣食入口 應該會像樣d  
雖然唔係佛跳牆 但係啖湯真係超鮮味 超甜既呢 yummy~

"豉油雞"

即係咁 煲得鮑魚 冇理由用d普通料 所以呢次去左雞檔買新鮮雞
不過呢次買雞有個好激心既事發生左 下次再同大家講 家陣講返隻雞雞先
因位真係好大隻呀 本黎諗住用個殼煲湯 起脾起翼整晒豉油既
但係真係好似好多咁 所以決定分兩餐 呢餐係豉油 下一餐玩第二樣

"鮑片生菜"
呢個真係講多無謂 食得多先係至實際 哈哈

 

















  

北菇綿花雞 & 蝦仁炒蛋 + 白菜豆腐魚尾湯

上一篇講起 笨笨自從搬左之後 就無啦啦多左個管家

呢位管家 正正就是而家個位業主大人啦

一位年約30左右的男士

事件1: 當我未搬入黎之前 佢就多番提點我 叫我地記緊抹好屋先搬入黎
     如果唔係搬入黎之後再抹 就好麻煩啵

事件2: 記住呢到唔好鑽牆呀 仲教我有野要掛 就買3m個隻易拉貼掛

事件3: (而家新居呢邊 因為右邊窗係一個荒地 暫時冇屋直接遮擋 所以有山風
   可以入到 較小開冷氣) 但係佢經過個時 有時都會問我地 你地唔熱既咩?
    係唔係個冷氣有問題呀? 點解唔開呀?

事件4: 因為我住地下 而且呢到係冇門前花園 只係有條約一米闊既行人巷 咁晾衫既話
    好多時d衫會影響到出入既人 咁我地就買個晾衣架 放係屋入面晾 如果日頭既話
就會拉個晾衣架出去晒下d衫 但係.......................................................................
佢就會話我地 咁樣晾衫係唔好架 d衫唔乾會有味架 下刪百字=.=
(我夠知啦 但係唔通d人個個"捐"褲底行過咩 我真係接受唔到囉)

事件5: 屋企既傢私/電器擺放 都有提意比我地 要點樣擺

事件6: 因為仲爭個大門既閘未整好 佢好鐘意私自走入我間屋 呢點 真係忍無可忍啦>.<
咁有一日 "人家大少"就同佢講 下次你要入黎度野 打個電話比我先啦 因為.....
     (我老婆係屋企唔鐘意用bra架 =.=lll) 笨笨又被擺上枱啦 不過咁樣一講 又有d效啵
   
真吹脹>o<   其實仲有好多 不能盡錄 唉....................................................

開頭唔習慣 真係勁唔耐煩囉 不過之後 我就不停咁同自己/人家大少講

算啦~ 佢係出自真心既 不過可能我地唔慣啦 遲下可能會慣架啦


"北菇綿花雞"
我地好鐘意食魚肚架 什麼魚肚羹呀 蒸魚肚呀 上湯浸呀 都好正 索晒d味呢
加上要係搬之前盡快清晒d存貨 搬小一樣得一樣

 
"蝦仁炒蛋"
係呀 又係蛋啦 哈哈 因為係街市見到d蝦又平又靚呢 忍唔住呀^^"
唔緊要啦 呢排早餐冇食蛋 我諗唔會over掛

"白菜魚尾豆腐湯"
滾多個湯 又有菜同豆腐食 呢餐巧豐富架 yummy~

瑤柱蒸水蛋 & 茄子斑腩

時間真係過得快 唔經唔覺 就快過左2012年既半年啦
 
而笨笨亦都搬左兩個幾星期啦

搬屋小記:

第一日搬黎個時 冇乜野可以攪 都係執下個廳同廚房既野

但係都玩左我成3日呀 因為....我真係hea住黎執囉

而且個時好多野都未set好 所以都拖慢黎做 執屋呢幾日

我同"人家大少"既對話 最多個句就係 "xxx放左係邊呀"

哈哈!! 唔知我地係唔係一齊有"老人痴呆"呢

我成日抹抹下野 會唔見左支清潔劑/抹布

而"人家大少"就成日會問 螺絲批去左邊呀 界刀唔見左呀 .........

查實唔係唔見 係成日自己都唔記得擺左去邊 跟住就周圍搵

我就同佢講 唉.....家陣地方只係比之前大左dd 都要搵成咁

有機會住大屋既話 我地真係要搵返個管家返黎

不過其實我屋企而家都多左個管家架 ... 點解? 下次再同大家講

黎緊呢幾篇 如無意外 都應該係出返d舊屋既食post
(因為仲有好多存貨未清呢 omg~ 又係我懶之過啦~)


"瑤柱蒸水蛋"
好耐冇蒸過滑滑既蛋撈飯啦 今日開蛋漿炸魚柳 有蛋汁剩 咁就唔好浪費
蒸多個水蛋撈飯食 各位都知啦 家陣d蛋都好貴呀>"<

 好耐冇蒸過啦 不過都冇失手 哈哈!!

"茄子斑腩"
呢個係"人家大少"下旨要整既 其實呢個旨下左好耐架啦 之不過呢......
我懶得炸野囉 所以都拖左成個月 好在佢冇斬我頭jar
呢次用左豆板醬同小小蠔油較個汁 有d香辣 不過醃魚重手左 我覺得咸左dd