諗左成晚 加埋今日 我想同大家講 我開始想放棄呢個blog
不過都仲係思考中 因為 我真係好唔捨得大家 之前 我曾經停過兩次冇寫
原因唔係我放棄個blog 而係個時迷上左fb既game 同埋工作太忙
但係呢次 我真係開始覺得好煩 可能真係啦 一轉新地方(即係升級左之後)
會好唔習慣 唔好話睇既人唔習慣 連自己寫同upload個/回應時 都覺得好煩
好在.........blog友bb33的廚房幫我解決左尋找blog友問題 咁我先入黎你地到留言
接受每一件新既事件/環境 都可以利用時間慢慢去識應 希望我真係可以啦
而且亦希望"丫烏"係呢兩個月既試用期 快快執返好d漏洞
先要處理既 當然係blog名稱號問題啦 之前既blog 跟本大家係冇可能會知道對方既
登入電郵名稱 嘩...........而家全部用晒你登入個時個名 除左跟本分唔出邊個係
邊個之餘 仲好似係任何私隱都冇晒 呢一點暫時黎講 我覺得係最嚴重
至於好多blog友話外觀問題 我諗呢d都要自己慢慢去執啦
我自己升級左之後 有發現過唔係全部都唔好既 有佢既好處既 不過 係麻煩左d囉
我見好多blog友 都話暫時/唔到最後一刻 唔會升級 不過兩個月............後
係唔係都會硬性迫遷架啦~ 不如早一d轉 睇下自己可唔可以習懶啦~
剛剛想寫一篇"笨笨無聊飲食篇" 但係又出事啦 寫左成粒幾鐘
但係都攪唔惦d相 (插入一張相之後 佢就唔比我再打字)
未到七月 撞鬼咩我
有冇升級左既blog友 可以講我知究竟應該點攪好呢?
再有有關升級後既問題 笨笨再同大家傾
p.s 如果笨笨真係放棄"丫烏" 去fb開笨笨群組 or 開新blog 既話..............................
各位仲會唔會黎探下笨笨或者同我吹下水架?
呢一篇 唔講笨笨廢語啦 大家睇下相先
再睇下
呢罐野 大家唔好會錯意 笨笨冇中六合彩 亦冇發左達
更加冇吊到"金龜" 其實呢罐鮑魚 係笨笨之前既老闆送
我都放左佢兩年啦~ (笨笨真係好孤寒架 唔捨得食>o<)
今次 因為........到期啦 唔食唔得呢 咁就同"人家大少"講
祝你生日快樂啦>o< 不過都真係遲左好多日 一罐入面有7隻
笨笨呢d大鄉里 真係唔多識點樣整 為有係上網 摷摷摷.......
不過好在 我呢次都係成功架 真係又淋又入味 仲有呢次煮多d汁汁
咁就可以留返多d鮑魚汁 用黎煮其他餸 哈哈~
又真係睇唔出 一罐入面 塞到7隻鮑魚 仲要隻隻有湯匙咁鬼大隻@@~
好啦 笨笨呻左太多啦~ 整返個"豪d"先 wakakka
一次咁多啦 >o< 屋企唔可以冇肉 煎下豬扒先
今日走左去睇"張達明"棟篤笑talk show
可能係暑假啦 發現好多都係一家大細 帶埋小朋友去睇
不過呢..........而家呢d talk show 我就覺得唔係咁啱小朋友睇啦
成場show 不下10多個單字既"粗口" 可能 佢地都係為左攪下氣氛
但係佢地個show又冇分級別 其實內容好多都係唔啱小朋友聽既..........
我唔知係唔係太耐冇去過紅館呢...........................280蚊既飛
居然都坐到差不多山頂咁濟@@~ 哈哈~ 好在唔C錢既JAR
如果唔係 真係要拎住個鎚仔打自己心口啦~
"咸香藕餅"
之前整客瓜蒸釀豆腐 & 寶石魚 ^o^呢餐個日 剩左D肉碎又唔多
半天吊咁 而且已經撈左咸魚容 咁又要動動腦筋 處理左佢
半夜訓唔著 最鐘意就係諗第二日食乜好................................
(可能就係滿腦子都諗緊食乜 所以攪到成日都失眠 HAHAHA)
諗諗下 諗起較早前既電視節目煮過呢個餸 而自己又未試過
咁又試下先 豬肉唔多 咁加D燕麥落去啦 蓮藕刨絲撈埋一堆
咁就變化左第二個餸啦 煎香左 好鬼香口呢 間唔中熱氣下啦
"節瓜粉絲蝦米"
買多舊節瓜 浸兩隻冬菇同粉絲 加埋d蝦米 煮埋一碟又一餐啦
呢排個人唔知點解好易累 食完晚飯 就飯氣攻心
想即刻跑上床訓 ............ 但係試過一訓著 幾分鐘就醒
跟住就起碼3-4個鐘訓唔返 有時仲會眼光光 望天光呢
真係人都癲呀 究竟係乜樹呢=口=? 好似琴晚"公司請"食飯 食完飯返屋企
唔係太夜 九點幾咋 不過..........返到屋企就好累 好似好眼訓咁
連想同"人家大少"傾下計都冇心機 又想update下個blog
都好似有心無力咁 跟住頂到十點半就C入房訓 結果="=
訓左15分鐘 唔知發乜夢 醒左 就訓唔返 慘
最後係碌左4個鐘 先訓得返呢 今朝起身照鏡梳頭.............................
嘩.....................亞嬸 你邊位呀
"清保涼煲冬瓜"
熱天真係唔想開住個爐咁鬼耐 但係識得我耐既BLOG友都知
笨笨係"湯精"黎 至愛飲湯 (可能真係由細到大比媽咪灌輸既思想啦)
所以點唔願意都好 一個月都要煲返兩三次.............
上星期有幾日都落雨呀 天氣涼返D 可以利用呢個機會煲返啖靚湯飲
之前一篇客瓜蒸釀豆腐 & 寶石魚 ^o^ 出左個冬瓜湯 就係佢啦
個日去掃左塊冬瓜 嘩嘩嘩 大家睇下 幾鬼大舊 而且好厚呀
呢件"大冬瓜" 盛為5蚊 都幾抵食呢~
不過呢樣抵左 其他就貴左 藥材呢D野係國內貨 人仔升值 連佢地都貴
左好多 買左20蚊"清保涼"材料 O........... 小得真係緊要 仲要有D野
唔見左 大家望下..........蜜棗得個一粒 以下大家見既"元肉" 係我既私伙
黎架......... 即係自己加落去架(放左幾粒架=口=) 淮山都係得個3片 @.@
做人 真係唔好回望已往 不過.......每次買餸個時 我都不禁回想
閉啦閉啦 前年話D野貴 舊年話D野比前年貴左好多 至於今年.........
比起舊年仲更加貴 ..............出年 ........點算呀
呢個湯咁簡單既湯 材料都用左45蚊
每次買餸 都要諗下點樣"拉上補下" ........ 唔知幾時要煲下
豬腦/合桃 補下我個笨腦呢 WAKAKKAKA
各位blog友 近排都有睇新聞啦......"大埔小學雞" @@~
好多人都講 個位小朋友好有問題 不過..............
小朋友既野 ..... 笨笨覺得 得個8歲人仔 佢接收既野
都係身邊既人/父母 .......... 所以究竟係邊個唔啱呢?
什麼公子/公主? 究竟係點樣會造成呢? 個d粗口亂飛
橫蠻無理 又係係邊到學返黎既呢? 有冇父母 去諗過自己實有問題?
"寶石魚"
之前係網上聽過人講 但係真係未見過 不過呢日係街市見到 而且又真係唔貴啵
呢條都係23蚊乍 而且魚檔仲講到好有益 至緊要係小骨
d肉真係好滑架 而且真係"得一條骨" 魚腩位 笨笨都食到
上網check過 呢隻魚 仲係好益 而且好香魚味~
"客瓜蒸釀豆腐 "
wkakaka 懶左太耐啦 呢排日日落雨 天氣涼返d 整個"心機餸"先~
"客家煎釀豆腐" 肉碎入面 加左d咸魚容..... 好香呢~
好耐冇煲老火湯 熱天真係怕怕呀~ 不過都要有湯水既.................
整返個湯比大家先 真係唔錯架^o^
呢排睇親新聞 都係d負面既野 睇完真係令人心都傷
不過今日出現左一單睇完會去會心笑同反思既新聞 真係唔錯
唔知有幾多個老闆 會識得去反思下呢?
又有一單既新聞 就係 "最低工資拖累12條綠巴線放棄經營"
真係好矛盾 究竟最低工資 係幫左人 定係害左人呢?
"生蠔"
話說早排 同"人家大少"&佢老友一齊食飯 講起生蠔,三文魚..........
一聽到生蠔 我真係口水都爭d流埋出黎呢 wakakakkaka
跟住佢老友 就話請我食 都真係唔好講笑 開心到我呢~
因為佢朋友 係做海鮮批發 所以識好多人 拎到平 靚 正既野
而且呢次仲話係請我食 (笨笨真係好鬼c貪心架 wakakaka)
呢日拎左5隻比我地 ..........唉.........都話呢個世界冇免費既野架啦
係要出d本既 早就叫左"人家大少"買把開蠔既刀啦 又唔聽.......
呢次仲拎埋我把"陶瓷刀"去開 結果大家都會諗到啦 斷埋=.=
不過見佢極之比心機去開 又真係冇聲出呢=x=
真係好正呀 呢一批蠔 下午4點幾先落機 8點幾就入晒我口啦
開左之後 只係用冷水沖下隻蠔既表面(因為怕有碎殼) 檸汁 乜汁
都唔使放 超鮮甜呀 仲有d海水既咸香 而家諗起 都流口水ing~
"黑椒豬手"
哈哈~ 有頭盤 緊係要有主菜架啦~ 其實呢晚有煮意粉去配埋個豬手架
不過.....................唔記得影相 只係影左碟豬手 sorry呀各位
(食蠔食上腦呀 wakakaka) 早排行吉吉島 "人家大少"買左呢隻豬手
話就話係什麼即食 不過真係一d味都冇架 所以要再加d配料煮下佢
加d青紅椒,洋蔥,蒜容,黑椒碎(冇影)
再加左d蠔油,老抽,糖,水 煮埋個汁 多d汁 撈個意粉食 haha~
呢排睇親新聞 都係d負面既野 睇完真係令人心都傷
不過今日出現左一單睇完會去笑同反思既新聞 真係唔錯
唔知有幾多個老闆 會識得去反思下呢?
話說今日老闆係公司食飯............(食完飯 我習慣上網睇一陣新聞)
一睇到呢單新聞 好自然 我就"嘩"左一聲 同事問我 有乜野大新聞呀?
笨: 家陣咁既時勢 乜都貴 居然有間茶餐廳老闆 肯賣一蚊一個麵包
同事: 一個麵包成本好貴既咩?
笨: 你諗下 又麵粉 又蛋 又奶 唔好講d料同燃料費啦
同事: 咁佢咪一定冇得賺
笨: 緊係啦 仲要間野係開係舊屋村 一定好多公公婆婆
(老老實實 我唔係有心講比d乜野人聽 好自然睇到一單新聞 就會拎出黎
講下) 不過......................我唔知"我老闆"係聽到我講野 定係乜野啦
..........到左下午4點幾 佢走入黎我地房 講完公事 就問我地下星期得唔得閒
老: 下星期 不如搵出去食餐飯丫 好唔好呀? 你地想食d乜野呀?
笨: 我冇要求 緊係出錢果個老闆話事啦...哈哈哈(我諗個時我個樣都笑得幾假)
老: 我打算 搵埋司機個d 全公司食餐飯 食海鮮好唔好呀?
(下刪數十句無聊對話)
哈~ 笨笨心諗 無丫丫請食飯? 唔會係我頭先講既野掛? 如果係既話..........
我要多d留意下 最低工資之後 有幾多間公司比人告 同有幾多老闆
因為強積金又比人告呢 wakakakka
出呢篇blog 其實我係諗住寫埋"笨笨飲食篇" 不過諗諗下 都係保險d好
呢篇都係"鎖左佢" 因為我都有係公司睇下blog 費事出事啦~
下一篇既開場廢話 都會係呢篇開頭既幾行字 各方好blog友
你地可以跳左佢唔睇架啦......... sorry~
呢日真係把幾火 係公司比個唔相干既人激到我忍唔住爆粗
但係呢個唔相干既人 我又要一日同佢聯絡幾次
我真係唔知可以忍到幾時 我怕有一日我真係會直接"剷佢"
都唔明家陣d人 "仲要係果間公司老闆" 可以對d客咁樣既態度
家陣比生意你 仲要受你d無謂既氣 ....................................................
至怕呢d人 句句都要"窒"住晒 仲要"串串貢" 咁鬼大個人
究竟明唔明白 你窒我串完我又點丫? 你咪一樣要做=_=
呢日真係好鬼嬲 買左餸 都冇心機煮 哼>o<
出街食算=.= 心情唔好 有時覺得睇d野都係唔順眼既*o*
不過...............路過7仔 突然發現d野吸引左我
(隔離個本馬仔書 係之前係惠康+1蚊換架 順便影埋比大家睇)
哈哈~ 就係呢隻馬仔保溫杯啦 仲有黑色架 返到屋企拆開睇
e...... 唔係流野黎架啵 制作認真架
入面仲有3粒綿花糖送 呢隻杯 我打算用黎裝湯帶返公司飲 唔錯~
女人真係好怪 心情唔好個陣 求其買到一樣自己鐘意既野(唔一定係貴野)
心情都當堂開心返晒 wakakkaa 咁返屋企 就滾返個湯當消夜先
"蕃茄傻仔牛肉湯"
呢個湯 都好岩趕住返屋企煮飯既blog友架 因為返到屋企 切好晒d野
放入去滾 跟住落米煮飯 再煮餸 開飯個時 岩岩好飲得
材料唔C多講啦 就係 蕃茄+薯仔+牛肉 不過要加多片薑
將D材料切細料D 咁就快D出味 而且用左牛肉 所以唔C滾太耐
我比較鐘意用碎牛滾呢個湯 加D豉油,胡椒粉,黑椒,麻油,生粉
係開飯前5分鐘先放牛肉 ^O^
咁就有啖靚湯飲啦~ HAHAHHA~
飲唔晒 第二日煮個通粉 加埋落去 又可以成為一個有益既早餐呢~
