笨啦啦窩居: 2012

2012年11月13日星期二

香菇肉碎扒豆腐 & 香煎倉魚

天氣開始涼啦不過呢中午個陣都仲係幾鬼熱呢~

一早一晚涼左好多各位至愛記住要小心身體呀!!

唔好辛苦搵埋去晒醫生個袋呢記住要保重呀 (winking)

個天真係好可愛成日都比好多考驗/Test 比我地呢排笨笨就遇上呢個test啦

希望可以快快通過呢 "樂觀面對處之太然" <--- 我有冇打錯字呀哈哈 (tongue)

"香菇肉碎扒豆腐"
平靚正而家又快又有益又好伴飯 d肉碎係之前買黎蒸蛋個時用左1/3 留返2/3 (laughing)

加1茶匙蠔油煮成撈飯真係好正架 (信不信由你 ^o^)

"香煎倉魚"
呢條倉魚真係平到你唔信唔好話你地唔信我自己買個時都唔多信
盛為13個大洋乍 ~@o@~ 買個時都好驚架不過見係13大洋就試試好啦
但係煎左出黎又真係超出意外勁巧味喔 ^o^

2012年11月6日星期二

肉鬆蒸水蛋 & 菜心炒魚柳

好耐都冇update個blog啦呢排因為真係多左好多"意料之外"既事發生呢~

所以真係提唔起興趣去寫blog 不過"笨笨"都好掛住你地架

各位唔c擔心我笨笨好在真係性格笨唔會亂去諗傻野哈哈 (laughing)

呢排發生左好多唔可以逃避既問題一定要去解決

所以個笨腦用多左你地都知架啦笨笨個腦條ram又行得慢

而且個cpu又唔多update 哈哈!!

好啦負能量爆錶呢~ 唔講唔好既野啦 .................... (blushing)

"肉鬆蒸水蛋"
哈哈好耐冇蒸過蛋啦~ 係唔係好樣衰喔 (confused)

不過好好味好滑架哈哈!!
撈飯食真係一流既呢~

"菜心炒鯰魚柳"
家陣豬牛雞菜乜都貴去到街市見乜野平就買乜野將貨就價好鳥 (tongue)

2012年10月11日星期四

清蒸鯇魚 & 麵醬青豆角肉片

自中秋個晚之後每次打開電腦/電視畫而都係出現負能量

所以連update個blog 都冇乜心機記得中秋個晚都仲玩得好開心呢

同"人家大少"屋企食完飽飯飯之後吹吹水跟住又一齊去"摸下杯底"再吹過

直到深宵我地仲走左去搵"辣蟹"食呢 7隻醉貓食左成1600蚊

哈哈!! 都唔知點食架好在.........(個晚有老細埋單乍 (laughing)

)

可惜個晚醉醉地相都冇影呀(睇怕影左都朦到睇唔到呢 wakakkaka)

十月一日個晚就同"人家大少"+佢個fd 去左"巴拔橋" 但係............

真係估唔到香港既海難就係呢一刻發生唉........... (crying)

另到個人好down呢~ 希望負能量/不好的事快快遠離我們好了 (winking)

"清蒸鯇魚"
好耐都冇食過鯇魚啦呢日收工先去買餸本黎想食鮮魚可惜唔係魚毛
就係過大行過淡水魚太多檔八下幾銀先(家陣鯇魚都唔平架) 但係諗住
咁夜應該會平d掛呢件本身姐姐話要15大洋跟住佢自動降價至12大洋 (laughing)

"麵醬青豆角肉片"
咁夜都仲買到"梅頭" 真係開心不過豬肉就算係臨收檔買都冇得點平
呢樹買左13大洋連埋青豆角唔計料頭汁醬呢榭盛惠18大洋

2012年10月9日星期二

痛

早前連續幾日假期應該係一件大家都開開心心既事點知.......

欲變為悲劇唉......... (sad)

本來開開心心去玩去慶祝點解會變成咁既呢?

唔止係10月1日那一晚之後呢幾日都聽都好多唔好既消息.......

想起那天下半旗想起一幕又一幕的電視/報紙畫面及報導真係好驚好傷痛

灰d去諗做人咁辛苦捱生捱死為乜? 可以勝過天嗎?

笨笨有一晚想起香港上一次下半旗都是開開心心的去玩換來的 .........

唔通真係2012世界未日會真的來了? (surprise)

  笨笨同自己講 .............

妖如果係真既話有人可以控制到嗎? 咁又如果唔係既話係唔係要比自己更大動力

去做好任何身邊既事? 唔通咁就放棄自己? 放棄身邊既所有? 再諗一下 .................

學會更珍惜任何身邊既所有一定係更重要呀   比返d正能量自己努力下去

笨笨沒什麼能力只有默默為各位過世者祝禱

祝願離世者安息生者及家人堅強下去好好活下去

因為在天上看到你們流淚,痛............. 他們會更痛..........

加油 !!~

2012年9月28日星期五

蝦醬蒸豬頸肉 & XO醬西芹帶子

家陣教小朋友係唔係真係真係要用多國語言之餘仲要由未識行就開始教

記得某一日同"人家大少"去一間越式粉麵食D "冇影相冇介紹"

等緊食野個陣聽到後面枱唱英文歌普通話氹小朋友吃東西

再聽到廣東話傾計回頭一看有"叮多"奇怪既感覺

原來係Daddy對住手抱緊(我感覺係1歲左右既小朋友啦)唱緊歌

跟住見一位(我估係婆婆/嫲嫲) 就用國語氹緊個小朋友飲水

至奇怪既係當聽見佢地三個講緊d其他野既係用純正廣東話既 (surprise)

笨笨知道小朋友係細細個開始可以吸收好多野但係呢........

可能我大鄉里啦 (blushing)

我真係好奇怪囉個時諗呢位小朋友

應該只係剛剛開始學講野咁快就塞咁多野入佢到呢招行唔行得通架 (thinking)

"蝦醬蒸豬頸肉"
買新鮮豬頸肉有一個好處就係可以叫肉檔盡量起晒d肥肉呢次夾口唔太油 yummy~

"XO醬西芹帶子"
呢日好似兩樣都好惹味呢!! 爬多碗飯囉 WAKAKAKKAKA!!

笨笨&"人家大少" 祝各位至愛中秋節快樂人月團圓身體健康 (love struck)

2012年9月24日星期一

池記 @ 尖沙咀

大鄉里"笨笨"難得出城 (因為要去"哈巴泄田"和多啦A夢影下寫真)

之前都提過啦本黎諗住一落車就即時去"糖朝"食野 .....點知...........

究竟係我眼大眼過龍丫定係冇左/搬左搵唔到間"糖朝" 咁個邊又冇乜特別想食

唯有去左影相先~ 影完之前就急急跑去搵吃..............真係好肚餓呢~

路過漢口道呢邊間池記睇下價錢 O.......乜原來尖咀家陣仲有呢D價錢架?

不過都諗住再睇下行多一條街唔得啦個肚打晒鼓啦求其啦~

一入去坐左5分鐘左右我同"人家大少"開始你眼望我眼......過多兩分鐘....

笨: 你.........覺得我地而家係邊呀?

人: 去左大陸食飯囉

笨: 原來整個尖咀都被國內淹沒了

人: 算啦食完快D走啦好嘈好煩呀~

笨笨呢次真係好似衰左D 不過呢.......... 口味人人唔同丫麻我唔鐘意食

亦唔可以代表佢係唔好食既對不對 (laughing)

睇晒餐牌之後我決定食湯飯 "人家大少"就揀雲吞麵 ......當落單之後 "人家大少"問我

人: 佢地主打係雲吞麵啵點解你唔食既?

笨: MU......... 佢地D雲吞麵唔太啱我口味囉而且今日我真係好肚餓 (tongue)

(拿拿拿我好老實冇吹水架池記D雲吞麵真係唔係笨笨杯茶囉呢日只係
真係超肚餓乍如果唔係我一定唔會去囉 TST咁多選擇)

其實計地點計環境呢個價錢真係唔貴可以講係便宜添

先黎笨笨既"瑤柱鮑絲蝦球湯飯" 價錢同質量黎講 "讚" 起碼唔會腥而且
D飯唔會太硬/粥仔不過有點奇怪個湯底係雲吞麵湯底咁樣......佢地真係
好聰明 D大地魚既味乜都蓋晒啦哈哈!!

"人家大少"雲吞麵三隻字講晒 "冇特別" 唔好講什麼麥X記應該係..............
就算紅磡"大"酒店區未結業既大光燈" 比較更有風味

小食黎啦 "吉列豬扒" OK~ 炸得香脆肉質都可以接受不過唔知係唔係為左
國內客戶關係黑椒汁既味道好奇怪唔識點樣形容

油菜

飲品 "人家大少"豆漿 " 冷與不冷之間哈哈

笨笨 "薏米水" 都係冷與不冷之間不過呢個飲品有D特別真係好重薑味
如果凍D 應該更好飲呢~

總括黎講價錢同品質係相對既 (batting eyelashes)

2012年9月17日星期一

叮噹->多啦A夢出生前一百歲慶生~ "後話"

講返個日出左海港城"扮"戰地記者本身一落車想搵"糖朝"食野既

但係點解好似唔見左既一路行一路只係見d"笨笨冇本事入去既地方"

o....no~ 咁就為有入左戰場先再醫個肚啦~

真係估佢唔到咁虛冚囉~ 遠睇見有人排隊.... 我呢個大鄉里仲以為有乜野活動

原來........係排緊"隨意門" wa.........個條龍長到呢.....算放棄