某日遊blog 見到blog友包餃子之際......................
突然有一隻手 輕拍我既"香肩"
人: 你好似好耐冇包過雲吞呢d啦啵
笨: 呢個係餃子黎架 唔係雲吞
人: 我係話你好耐都冇包過 雲吞餃子呢d野呀
笨: 係咩 ..................好似唔係呀
人: 你..................去睇返自己d blog囉
笨: (c火 呢次有罪証 冇得拗添=.=)
過左幾日諗起西環~ 駒記 呢支好野 點都要搵d野黎"嗒"下佢架
咁我就徵詢下"人家大少"想食乜 雲吞? 餃子? 水餃? 燒賣?
佢就決定"燒賣"...................... 即係又要撻餐c =口=
呢次用左以下既材料.................... 豬肉唔係自己剁架 (懶)
我同"人家大少"都唔多鐘意"燒賣"入面成隻蝦 (各人喜好不同)
所以我會先打成蝦膠 再同冬菇豬肉呢d撈埋 跟住當佢係生魚咁 "撻"
有相為証架 冇偷懶架 真係起膠架 hahahha~
包左咁多粒 預小左料 多左d皮 (又浪費啦=.=) 其實......................
唔關我事架 我買皮個時 問佢最小要幾多 佢係都要我買咁多
包得靚唔靚仔呀?
呢埋野 兩日就比我地ko晒啦 以下.......就係我既早餐
配埋新買返黎既辣椒油 yummy~
蒸完出黎 入面有肉汁架
有一晚我早訓 "人家大少"自己整黎做宵夜...點知.....................
佢唔記得放小小油係碟 就咁就拎去蒸 食完又唔搵d水浸住隻碟
攪到第二日洗碗個時 要我係咁同隻碟做磨砂 激死 >"<
F
回覆刪除