黃豆東菇蠔豉豬展湯

呢幾日 我同"人家大少" 都超級唔夠訓

個人勁燥............................ >"<

都唔知後面間屋搬左d乜野人過黎 唔使訓既

晚晚(什至早上 中午)講野超級大聲 好似日日係到開party咁

有一晚 "人家大少"頂唔住 去敲過佢地門 叫佢地細聲d

個晚真係收斂左 不過之後 ................... 又係咁

激死我................. 佢地唔係開音樂個d大聲

而係講野超大聲 大細哈哈笑 大聲講電話 仲之乜都好大聲

聽"人家大少"講 好似係兩piar年輕男女一齊住既

佢地真係好似唔做咁 呢幾日 冇試過未聽過佢地把聲

唉~ 晚晚都係咁 我地真係就黎癲啦 >"<

 

"黃豆東菇蠔豉豬展湯"

梅菜肉餅 & 馬拉盞通菜 個晚煲左個靚湯 呢個湯

我係blog友美若天仙個度學架 大家睇下呢個湯既好處

天然荷爾蒙補充劑 [黃豆金蠔花菇西施骨湯] 

睇個名 都好吸引呢~ 不過"笨笨"家貧 >o< 冇金蠔~

為有用蠔豉頂上 個日見豬展好靚 所以用上左豬展~

呢個湯 又係可以全部湯渣都食返 慳返唔小呢 haha~

食埋d黃豆 夠晒飽肚呀 yummy~

 

笨笨 多謝各位blog友無私既奉獻同分享