我國真係奇趣 以為佢地整A貨叻 點知...................
牛同人既基因溝埋 牛奶變人奶 都比佢地諗到
仲話十年內會研究好 可以推出
將人既基因 放入牛入面 仲話一樣可以提升嬰兒既免疫能力
唔知到時真係推左出黎既話 有冇人夠膽去試呢~
我自己諗 基因呢D野 時時都會變 咁樣飲落去 仲要係比BB飲
都米話唔牙煙 =﹏=
"香煎青根/馬頭魚"
其實"青根"係唔係即係"馬頭"呢~ 我真係唔知
細個個時 媽咪就叫呢種魚"馬頭" 不過................
而家又發現 好多人叫呢D魚"青根" 唔知有冇BLOG知......
究竟係唔係同一樣野黎既呢............@@~~
好想食魚 呢日係街市行左2個圈 都睇唔岩
諗起好耐都冇煎過魚食 咁就去買返條"青根"食下先
好鐘意食呢隻魚 鐘意佢D肉好滑 有D人鐘意用冬菜蒸......
不過我怕腥 所以都係煎穩陣D
好在............咁耐冇煎魚 呢次都冇點失手 唔使做"笨笨中醫"
包斷尾 WAKAKKAKAA.................
"脆肉瓜雲耳炒肉片"
笨笨好鐘意食雲耳 鐘意佢又爽又滑 而且好有益
所以炒勝瓜同脆肉瓜呢D 都鐘意放D落去一齊炒
呢隻雲耳 之前都有提過啦 係舊同事係雲南個邊既親戚寄比佢
同事比左小小我試 一試就愛上 咁就同佢訂左半斤 有排食啦~
細細朵 未浸之前 SIZE好似1亳子咁大個架乍
浸起左 有1蚊咁大隻 而且全朵都食得 唔似得而家雜貨舖賣個D
浸完會個心中間 都會有D硬
呢次買左小小梅頭豬肉去炒 用左乾蔥起鑊 再打個薄薄既蠔油獻
飲埋D隔夜湯 又一餐啦~
煎馬頭魚我都鍾意食架 但呢度又係無嘅
回覆刪除條魚又真係煎得幾靚仔喎
回覆刪除妳唔講我都唔知原來靚嘅雲耳浸完成朵都食得，我仲以為中間硬係正常添
真係煎得好靚呀。
回覆刪除
回覆刪除笨啦啦果然廚藝到家
他日 [基因改造奶] 推出市面後 , 不知有沒有父母願意自己的 BB 身先士卒 , 充當 [白老鼠] 呢 ?
回覆刪除兩款小菜都造得很精緻 ! 營養均衡的一餐 !
他朝有一日我都要煎條魚好似你咁!! 就算係豬奶變人奶, 經過廣告包裝, 加上D人咁"聰明", 一定有人飲囉.... 鹽都搶一餐, 有咩野唔會??
回覆刪除牛同人既基因溝埋 牛奶變人奶---
回覆刪除叫啲國家頭頭嘅細路飲先
條魚又真係煎得幾靚噃,咁大條青根好少有噃!
回覆刪除條魚係煎得好靚喎
回覆刪除用翠玉瓜炒, 好煮意噃, 我多數用勝瓜炒, 下次要試吓
魚煎得好靚呀，碟翠玉瓜雲耳炒肉片好清甜健康呢！讚！
回覆刪除哈哈! 樓下個茂利KK係我相公, 唔記得咗轉返我個blog就走入嚟
回覆刪除哈哈! 我梗係病懵咗, "樓下個茂利KK係我相公, 唔記得咗轉返我個blog就走入嚟" 呢個係我嚟, 原來重未轉
回覆刪除煎魚又香又美味
回覆刪除咁不如直接飲人奶啦=..=' 成日搞埋D咩基因喎,根本都唔天然... 青根同馬頭系有少少分別...青根佢背鰭果樹系青色所以叫青根...而馬頭佢背鰭果樹系粉紅色嘅,而馬頭魚通常都系大條...青根就系細細條...我所G就系呢D...唔G系5系咁
回覆刪除我都好鐘意食雲耳~~
回覆刪除好想食呀
回覆刪除
回覆刪除馬頭魚好食呀﹐如過夠新鮮﹐加冬菜黎蒸都好好食﹐脆肉瓜 + 雲耳﹐一定好爽口喇。
佢地係有頭腦，可惜用係一啲唔好的地方呢?
回覆刪除呢個牛奶變人奶我真係接受唔到...好似好反自然咁呢~
回覆刪除太新嘅嘢，我都係唔多敢試。
回覆刪除煎得好靚呀, 係囉我都搞唔清,但有次個魚佬話青根係條魚身有條黃色線同細條d,馬頭一般比較大條,個頭好大架(我好怕d大大條海鮮,好恐怖唔敢食 ),其他就唔知啦. 雲耳好靚呀,食多d可清腸胃呀.
回覆刪除你煎條魚都煎得好靚呀, 我煎到爛晒架.
回覆刪除煎馬頭魚正呀,呢度無得食！
回覆刪除好鐘意食雲耳 ，但我呢度d雲耳好似木耳咁硬
回覆刪除牛奶變人奶我真係接受唔到囉
回覆刪除我都係飲"隔夜湯"，次次煲親湯都係飲兩日 ........ 但唔知點解，我覺得第二日飲既湯好味d ~~~~ 哈！哈！
回覆刪除真係煎得好靚
回覆刪除我都好鍾意食雲耳和翠肉瓜架, 你炒得好靚呀~~
回覆刪除講開又講 ! 基本上地球人都係飲牛牛嘅奶大架喎! 魚煎得好睇,笨笨好心機!
回覆刪除呢兩味餸我岩丫..
回覆刪除對於魚我好4架，我都有好多雲耳，係時候要清左佢先得。
回覆刪除