元朗~ 來來重慶雞煲

記得舊年 都見blog友講過位於大圍既來來重慶雞煲

係openrice 佢都大鑊好評

雖然好想去試 但係我好小去開個頭 咁就拖拖拖.................

食辣係我至愛 麻辣 香辣 酸辣 總之係辣都鐘意

有日係元朗搵地方食lunch 發現開左一間 來來重慶雞煲

驚佢係流野 用人地名 所以去門口望望 見到係大圍總店開分店黎

咁就拿拿聲搵晚去試 哈哈~ 好開心 終於試到~

呢間野真係利害 可以係短短時間由大排檔 開到而家有3間分店

地方都ok 而且有大枱 可以一大班朋友一齊打邊邊

不過二人枱 好細張 想叫多d野食既話 都幾迫下

黎到 當然係先要試下雞煲啦 半隻先 價錢都唔平 希望真係好食啦

個煲黎到 真係香噴噴 佢基本上係唔會幫你加水 等你食到d雞

差唔多 再叫火鍋料個時 先會幫你加水 有齊色 香 味 而且雞肉

都好滑 真係唔錯唔怪得開到咁多間分店 (不過一定唔係新鮮雞啦)

散叫 叫左個片頭 開頭一黎到 我地嚇左一跳 份量小得可憐

而且賣相好差 好似係雪櫃雪左成個星期咁 不過淥左次後 哈哈

居然有驚喜 好有魚味 唔錯唔錯 比多兩舊就更好啦

再叫多個午餐肉 我呢排愛上左食呢d惹味既火鍋 會叫午餐肉

覺得淥完之後 個塊餐肉索晒d汁 好好味呢~ 又係份量小得可憐=.=

整多個西洋菜 其實叫之前 我都提左"人家大少" 呢d湯底淥菜既話

d香料同辣椒會"痴"晒係d菜到 唔係咁好食 但係佢好想食西洋菜

冇計啦 佢埋單 佢係老細 佢話事

最後食左2xx 飲左3支啤油 價錢都算ok啦

元朗而家都幾多食四川重慶風味既食店 不過我估.......................

可能四川重慶呢d地方好大 各個鄉村同地方既風味都唔同

所以間間都有佢地既特色 總括黎講 呢次冇失望

只係散叫個d野 好似份量小左d.............

佢地仲有好多地道小菜 下次又去試下d小菜先~~