西環~ 駒記

呢次食到去西營盤 哈哈~

呢間食店 係"人家大少"哥哥介紹架 不過............................

原來食店轉左手啦 佢既前身 係叫"波記"

睇返d舊食評 原來呢間食店以前最出名係食"鴨麵"

不過聽聞因為一代傳一代之下 中間引起左d分歧 咁就結束左啦

佢地轉左手之後 只係係個名加左"駒記" 其他裝修同大招牌 都冇變

地點係位於山道 即係石塘咀街市隔離

雖然係轉左手 不過山長水遠黎到 睇下d價錢 唔貴 咁就去試下啦

中午d套餐超抵食呀 係港島區 好難搵到咁平架啦

我同"人家大少"一路食 一路研究個餐牌 都話抵抵抵

開頭一入去 見到裝修 我真係有d後悔呢~ 枱都係得4張6人圓枱

"人家大少" 先點左個燒鴨河 個時我仲諗緊食乜 ................................

其實我係想先睇下"人家大少"個河粉係點樣 先再決定

賣相就麻麻啦(不過價錢平 唔可以計較呢d啦) 我先試左佢個湯底

有d驚喜呀~ 湯底味道 好正~ 我諗佢地應該係有放鴨骨(頭尾個d下欄貨)

放入去淆湯 唔錯唔錯

咁我就叫個咖哩牛腩河 咖哩味道一般啦 不過 牛腩同牛根炆得好稔

見到佢個辣椒油 同平時個d麵店唔同 咁就試下呢~ 一試就愛上啦 哈哈~

我放舊牛腩入去點個時 亞姐仲同我講 好辣架 唔好點咁多呀

我同"人家大少"係愛好辣 由其係香辣 辣又點會難到我地丫

至怕你唔辣乍

就係為左呢隻辣椒油 我地就叫多個"越式春卷" 皮脆 炸得唔肥膩

點春卷既汁就普普通通啦 我先點呢個汁 再點個辣椒油

 

唔知我真係肚餓 定係比個辣椒油吸引左 食極都好似唔飽 wakakkaka

"人家大少"話佢都係 咁我地就整多個雲吞先 一碗有8粒

雖然係平 不過出奇地食到蝦既鮮味呀~ 不過...................好奇怪.......

唔知點解個清湯底 係乜味都冇 不過唔緊要 我地係食雲吞ja~

 

呢餐埋單 真係超抵價呀~ 下次一定要再試埋個廣西雞鴨先

我一路食 一路同"人家大少"講

笨: 你估下個辣椒油 佢賣唔賣丫啦

人: 唔見佢有放一樽樽出黎啵 又唔見佢有貼出黎話賣

笨: 我真係好想買呀 如果佢唔賣比我 咁我點算呀

人: 你問下佢囉 佢如果係唔賣 你都冇計架

笨: 你幫我諗下啦 如果佢唔賣 咁我應該點呀

人: ....... 得 如果佢唔賣 你就一哭二鬧三上吊啦

笨: 你痴線架 xy#*!zyx~

咁係埋單個時 我就問下老闆娘啦 佢同我講 我地唔知原來咁多人鐘意

呢個口味架 無預去賣架(我即時好失望) 不過 佢話得大支裝 50蚊一樽

問我地有冇問題 嘩........真係好大支架 550ml呢~ 我望住"人家大少"

佢就話 ok啦 wkakakakkaa 事後 "人家大少"同我講 你知唔知你問我

買唔買個時 個樣似乜野呀? 似d細路 要扭買玩具個樣 @@~

就係為左嗒"佢" 我黎緊又整左d野黎陪襯佢啦 哈哈哈^o^