香辣甜豆雞柳 & 煎白倉

呢排d天氣 真係千變萬化 琴晚仲係又熱又焗

今朝一起身 ...............嘩................點解涼左咁多既

各位都要小心身體呀 ...................................................

講返我既"麻煩"鄰居先~ 琴日見到管理屋苑既負責人

我就提及到呢個問題 點知我一開口講........................

笨             : 蔡小姐 後面屋d細路

屋苑負責人 : 我明白架啦 你唔使講啦

笨              : 明白? 我想講

屋苑負責人 : 得啦 佢地好嘈丫麻 我知架啦 我而家順便去同佢

                   地講 叫佢地搬架啦

笨             : 你又知?

屋苑負責人 : 你地唔係第一個投訴架啦 好多人都同我講過架啦

跟住個負責人走左 我心諗................................(你係先好講呀=.=)

呢兩日 噪音係少左d 都叫做有覺好訓 希望佢地真係乖乖地啦~

 

"香辣甜豆雞柳"

呢個餸 之前我多數都係用xo醬去炒 不過煮之前個笨腦"叮"左一聲

係啵~ blog友們玩左好多混醬 哈哈~ 咁我又去試下混醬先

呢次個混醬 用左(豆板醬+茄汁醬) 我煮個陣 真係"提心吊膽"架

因為"人家大少"係唔鐘意試新味道既人 佢未食過既野/味道

佢會先係抗拒 用住抗拒既心態去試...................

哈哈~ 呢次又比我過到關 佢仲話味道ok 叫我下次可以重手d呢~

呢排都試左幾多之前未整過既醬汁 不過"人家大少"都ok啵

希望佢係出自真心話ok 唔係"應酬"我啦 >o<

 

"香煎白倉"

好耐冇食白倉 個日行過魚檔 老闆係咁sell我話好食

我問佢 會唔會好腥架 我怕腥又怕多骨 佢拍晒心口同我講

包好食 冇問題既 ............... 咁又試下呢~

自上次成功左之後 我以為自己好醒 本身條魚好好地架

不過係差唔多上碟個時 我多多手 走去反佢幾野=.=

斷鬼左支魚鰭 >o< 不過好香脆架 d魚鰭全部好脆 好好味架 ^o^

個c忽點解黑左 ............ 我都唔知呢 =x=

飲埋d隔菜乾湯 又一餐啦 ............