豉汁蒸排骨 & 西蘭花炒螺粒

 

多謝各位對笨笨既關心呢~ 比狗狗咬個樹好返啦 矛樹啦~
 
不過比佢咬完果個星期見到佢都有D驚囉 對面飯堂個廚房佬知道左之後

仲同我講: 緊係咬你啦 你出出入入比塊牛扒佢食丫麻=_=llll 痴線~  

至於點解我唔報警 唔去搵個狗主發佢脾四 要求賠償

1. 隻狗冇咬入肉 (個一刻我諗住會冇事)

2. 到第2日睇完醫生 醫生都話唔大問題既 應該冇事

3. 話晒大家出出入入都見到面 唔想攪大佢囉

4. 報警既話 我驚隻狗會被魚農捉走 如果個間餐廳老闆唔肯認頭
 隻狗一定會被KO~

5. 其實個條路 日日都有好多大人/小朋友/老人家出出入入 我亦問過隔茶餐廳個老闆
佢話未聽過個隻狗咬人 唉~ (咁即係我只可以講係我唔好彩囉 唔知乜野動作惹親隻狗唔開心)

p.s 醫生同我講 原來香港係冇左瘋狗症好多年架啦 佢話近10年都未有過呢類既病 不過外遊
  (中國/泰國/越南)就要小心d囉 "即係東南亞地方" 因為好多瘋狗症都係係個d地方傳入
  只係叫我留意下隻狗係個14日會唔會無啦啦香左 如果隻狗冇事 生龍活虎 咁你就長命百歲啦

哈哈 佢真係咁講架 我即時笑左出黎


"豉汁蒸排骨"
無乜好講 腦閉塞既好餸 不過 家陣我限定自己(唔記得左既就例外啦 哈哈!!)
一個星期 只可以比自己食兩餐"豆豉"煮既野 因為豆豉食得多 對眼睛唔好架 *o*
呢樹排骨盛惠22蚊 牛貴豬貴菜貴 乜都貴 冇陰公呀 >.<

"西蘭花炒螺粒"
螺粒唔係罐頭架 不過....... 都唔係新鮮 係湯渣黎架 即係急凍螺頭囉 
街市成日話什麼美國西蘭花13~15一斤 不過呢 可能笨笨真係唔識食 
我真係唔識分美國/中國 西蘭花 哈哈 兩丁友 買個細既所謂美國 多謝11蚊
個心用去左皮 切埋粒粒一齊煮 不能浪費呀

典解有湯渣? 哈哈 我又廢話啦 有湯就緊係會有湯渣啦