豆角煎蛋 & 蕃茄嘔肉 hahah~

之前同大家提過 笨笨又要搬啦~ 唉~ 呢次搬仲係勁煩超煩呀 皆因...........

有blog友問我係唔係因為貓貓問題 當然唔係啦 ~

呢次係"人家大少"屋企係元朗買左樓 全家一齊搬入黎住 (10人+6貓+3狗)

呢次真係頭都大埋啦 我地習慣左同貓地自自在在咁一齊咁多年

經濟上負擔大左好多 而且突然之間黎個大變陣 你地話係唔係頭都大埋丫

加上佢屋企人"某d"唔係咁鐘意貓/對毛有敏感 煩屎禾啦

笨笨明白 老人家係有可能既情況下當然係想一家人住埋一齊啦

但係我地為左貓地問題 真係頭痛到死呀 "人家大少"亦試過發脾四

我就為有同佢講 到時先算啦 諗咁多盞自己呢排都唔開心

而且第時仲要住埋一齊 唔好攪到大家有心病呢

(查實我自己都好煩 但係唔通大家一齊係樹唔開心咩 都冇用架)


呢日兩個餸 黎個轉身先 哈哈!! 大家睇個名 就知道有乜野材料啦~

其實以往懶諗既我 九成都係豆角牛肉+蕃茄蛋 呢次轉下佢

講過大家知丫 不論係屋企/出街食 我都好小食 茄牛

因為覺得如果d牛肉處理得唔好 就成個餸都會浪費晒呢~

"豆角煎蛋"
樣衰左d 因為我"反"蛋餅既技術真係麻麻 加上放工->買餸->回家->再煮............
好肚餓架啦 趕趕趕時間 wakakkaka 不過好好味架
呢排豆角比之前平返d 呢樹買左4蚊雞 加埋3隻蛋 10蚊 

"蕃茄牛肉"
自從搬左而家呢間屋之後 買餸真係超唔方便 所以而家盡量只會一星期
出街市兩次 家陣買埋餸返屋企 都要19:45啦~ 所以除左諗煮乜 都要諗埋
次序點煮 呢次先炒左豆角粒粒 再炒牛肉 跟住就煮個蕃茄汁底 
煮好就加入之前炒左既牛肉 煮返熱佢ok~ 然後加入豆角煎蛋餅 開餐啦~
呢次呢個"茄嘔" 雖然矛100分不過我&"人家大少"都好滿意呢~

 
P.S 呢篇係"關注blog友"先睇到架 因為係敏感話題 雖然"無事不可對人言" 不過呢........
    算係笨笨向各位無禮的吐吐苦水呢~ 希望呢d話題 係笨笨同大家既心底話