冬菇蠔豉炆腩仔 & 雲腿津白

講早起排真係黑仔 除左壞電腦之外 仲要黑到比狗咬 屎未 >_<

即係咁 因為而家呢間公司個廁所 環境真係可以話比起"公廁"更差

(笨笨工作環境 係d鄉下地方) 咁我就習慣去出面茶餐廳借"洗手間"

點知個日行去洗手間之際 無啦啦隻狗聲都唔聲下走埋黎

(拿拿拿...............呢d咪臭係"無聲狗"囉) 忽然係我後面吠了一聲

OMG.....................C FOOD就比佢咬左用一啖啦 個一刻既反應唔係痛

而係好驚好驚 跟住大叫"救命呀" 然後隔離個廚房師傅第一個跑出黎

問我乜事 我流住眼淚咁話比狗咬(真係醜死呀>.<)

跟住隔離茶餐廳個老闆都聞聲跑至 問我有冇事 ................................

我超樣衰咁用手掩住被咬既部份 FEEL到只係痛 唔覺得有"濕"既感覺 應該冇事掛

咁就"啦啦淋"跑入洗手間睇下 好在 ...... 冇咬入肉呢~

跟住打比"人家大少" 佢話有冇攪錯呀 搵個個狗主剷佢啦(狗狗係另一間茶餐廳既)
 
跟住我諗 唉~ 都冇咬入肉 應該冇事既 放工返屋企睇下點先算

返屋企照鏡睇下個C FOOD先~ 冇入肉 只係仲有牙印同有D瘀血

不過第二日訓醒 OH~ NO~ 坐都住唔到呀 去廁所都係得半邊PATPAT乍

即時請假去睇醫生 好在 醫生睇過之後 話冇咬入肉 唔C洗傷口 應該冇事既

只係咬爆左微絲血管 有瘀血 所以影響到會腫同痛 食藥就OK~

呢D可能就係叫"不幸中既大幸啦" 家陣見到隻狗 都有D怕怕地呢~

"冬菇蠔豉炆腩仔"
好耐冇整炆餸啦~ 而且笨笨應該今年內又要再搬多次啦 所以開始要清存晒屋企D野...
又要搬? 原因係乜? 下次講過各位知^^ 張相影得好差 請見諒!!

"雲腿津白"
切薄片雲腿+薑片+津白 清清地 有小小咸香 正~