豉汁蒸排骨 + 蒸斑仔 + 炒菜心苗 & 芥菜咸蛋肉片湯

終於上到網啦 激死>"<

星期五個日 無啦啦上唔到網 即刻打電話比"全城收費至貴"

急急check下乜事 個位cs話check左街線無事..................

好啦 咁盡快叫佢搵人黎睇下乜料啦~......呢次都算快啦 安排到係今日(星期一)

今朝3個壯男黎整啦 見佢用d唔知乜東東"惦"下條線

佢就話應該係街線問題 出去攪左15分鐘左右返黎

就同我講 原來之前唔知邊位黎整 將d線搭錯左.............oh.....

所以影響左我上唔到網 仲話過我知 原來呢兩日 我條fax線都係咁

比佢地唔知邊位同事jam錯線 真係火都黎呀 但係唔關佢地幾個事

我又唔可以對住佢地發火 真係一肚氣呀

打比"人家大少"講左個情況 佢就話.............................

拿拿林打電話去投訴 有冇攪錯 錢又收到貴過人 但係而且d服務差到呢 >.<

剛剛搬黎呢到 攪個家居電話都攪左成個月 原因原來又係駁錯線 唉


"豉汁蒸排骨"
天時c熱 要諗d快靚正開胃既餸先 排骨成本要成"個三"一粒 天呀 >o<

"清蒸斑仔"
見到價錢算係ok 身型又啱我地兩丁友食 盛惠30大洋

"炒菜心苗"
蒸左兩碟 炒多個菜就一餐啦~ 唔太靚仔 都要9蚊斤呀 呢樹買左6蚊雞

"芥菜咸蛋肉片湯"
夏天滾個瓜湯菜湯 係一個好選擇 都係個句啦 ....................................
"天時c熱 煮飯至緊要係快 哈哈!!" 可以逃離焗爐廚房啦