金銀蛋豬骨粥 + 火腿炒麵

我國主席 真係"貴人出門招風雨"啦 一黎香港就"李氏力場"

希望呢個風 唔好造成任何影響啦 祝願一切和平 平安

話說琴日29號 我孖呀"人家大少"去開工 上到"大欖隧道"附近

見到對面線一架車都冇 冇理由架啵 一定係有事所以截晒d車既

"人家大少"就話: 係唔係呀胡生黎呀? 頭先係博愛迴旋處都開車唔比大車入啦~

笨笨: 唔會呀 都未聽過呀胡生會入去石崗軍營

點知講唔夠一陣 就去對面線 先黎係鐵馬5-6架開路 跟住就係警車3-4架

再黎"隱形戰車" 3-4架 ..........再見到 解放軍車 好似係2架 ...............

然後到G4即係"保護要人組" 跟住又黎"飛虎" 嘩......................

好大埋頭呀~ 笨笨真係第一次見到咁樣 大開眼界呢~ 唔知仲以為係押緊"重犯"

係香港 都要攪到咁大 咁呀胡生係國內出門 咪更加大件樹囉


"金銀蛋豬骨粥"
好想食下粥 好似好耐冇煲過啦~ 煲個陣原全唔覺有任何問題 點知一食入口
O............點解好似同之前既唔同左既?......老人痴呆既笨笨..... 原來唔記得放
"蠔豉" 冇左佢既"蠔香味" 清淡左呢~

"火腿炒麵"
家陣真係乜都貴 係凍肉舖買一片"即切"既火腿 都話要最小6蚊 =_=
加D芽菜 蔥段 呢個麵成本都要13大洋..... 不過....都比出街食便宜D
而且 起碼都少油D 健康D ^O^