洋蔥豬柳 & 蝦仁炒蛋 + 蕃茄傻仔甘筍鮑魚骨湯

某一日 笨笨同"人家大少"去茶餐廳食野 聽到鄰枱一對較年的男女對話

以下對話 男的用B 女的用G

先來 係侍應送上例湯 記得個日係"紅蘿蔔粟米湯"

G: 嘩 紅蘿蔔粟米 .........不過好熱呀

B: 等多一陣先 凍D先飲啦

G: 但係我好想食紅蘿蔔呀 (含情默默)

B: 叫佢"侍應"拎隻碗仔比你 你放係碗仔 等佢冇咁熱就食啦
(揮手想叫侍應)

G: (高6度聲線 聲量放大2倍)
唔制呀 (成碗湯推向B) 你幫我吹凍佢比我食啦

B: (呆左幾秒)

G: 點呀 快D啦

B: (眼神死魚 嘆出一口氣 用湯匙裝起一件蘿蔔 用口吹了幾下)
食得啦

G: 咁大舊點吞呀 你分開舊蘿蔔啦

跟住 "人家大少"就同笨笨講 如果你係咁 我一定即刻走人 呢D乜野女人黎架......

笨笨就話 可能個女仔牙痛呢 ....."人家大少"就話 佢如果係牙痛 仲叫"咖哩雞飯"?

下刪百字......................... 笨笨只好講 呢D咪叫 "一個願打 一個願捱囉"


"洋蔥豬柳"
好耐冇食過洋蔥煮既野啦 洋蔥其實都係我既至愛呢 出街食個D洋蔥 大多都係太生啦 入口
都好辛辣~ 我鐘意食煮到甜甜 淋淋地既洋蔥  YUMMY~

"蝦仁炒蛋"
其實呢個餸 笨笨好鐘意煮同好鐘意食 撈飯食真係一流 今次加埋個洋蔥汁一齊撈
真係正到呢 .....(哈哈 我又自圓其說啦XD~) 呢個餸 係笨笨既BLOG 都出現左勁多次架啦
中間有BLOGGER同我講 話我滑蛋唔似滑蛋 炒蛋唔似炒蛋 (我唔係大廚師呀 )
笨笨既技術真係好多好多改善既地方 各位見諒 笨笨只係一個"笨C9"

煲返個好似好耐都冇煲過既 "蕃茄薯仔甘筍鮑魚骨骨湯"
煮呢個湯 至愛用"鮑魚骨" 又滑又香 哈哈!!