梅菜肉餅 & 椒絲腐乳炒通菜

今日就係"父親節"啦 祝願各位父親節快樂 永遠都一家人開開心心

講起父親節 今年諗返d野 好似有d傷感

笨笨自從大概兩歲左右 爸爸就離開左呢個世界

其實一向都我黎講 我唔覺得有d乜野遺憾/失落

當然啦 我都好想有一個完美既家 但係個天要咁樣安排

我只好去學懂接受 更要學懂去真惜 並冇抱怨過d乜野 只係.................

近排聽好多人講佢地冇左一個完整既家庭 而變成而家咁樣咁樣......

對我黎講 呢d只係一個比自己既藉口 ...................

某d人會想 如果父/母個時唔離世 唔係離婚 唔係.......................

咁呢個家 佢地自己 就唔會變成咁

(真係聽得我好無奈 有時聽佢地講得多 自己都會去諗 究竟係唔係呢?)

清醒下自己 當然唔係啦 反而我去諗 咁樣可能會變得我更加懂得照顧好自己

珍惜屋企人 好多朋友都話我 係因為爸爸因為太早過身 所以......

對佢冇感情 冇印象 演變成我跟本就"習慣"? 唔會去諗?

事情發生左 我唔可以令自己去入一個夢 去想想爸爸如果唔係我咁細個時不在的話

我會點樣去睇呢件事 會有乜野感受 所以我對佢地咁樣講 都語塞=x=

不過點都好啦~ 世上好多事都唔係自己控制既範圍之內 只係天既安排

也許 呢個就係我地係世界上既其中一個考驗 離世/離去 我地做子女既

都唔可以將呢事變成冇發生過 咁點解唔樂觀一d去睇呢?

任何事如果只懂得抱怨 只懂得"恨" 咁我諗到自己"丁丁埋單"個日

都只有帶著"抱怨"同"恨"一起走吧 !!

sorry呀 各位 係呢個咁開心既日子 笨笨講咁多廢話 希望各位原諒

笨笨再次係到祝各位 父親節快樂 一家人開開心心 身體健康


"梅菜肉餅"
肉餅係"腦閉塞"時 最好既餸菜 好伴飯呢 哈哈!! 而且自從學會係
肉餅入面加入燕麥 可以食得更健康呢 XD~

"椒絲腐乳通菜"

呢個菜 係"人家大少"除左豆苗之外 至鐘意食既菜呢 講起呢個菜 記得小時老人話
食左會"抽根" 其實到而家笨笨都未知 真唔真架? 哈哈!! 小時聽左之後 真係食左
呢個菜果個星期 都唔敢去游水架 (我係唔係好傻呢 )