莎樂美餐廳 @ 荃灣

呢晚上左賊船 跟鬼左"人家大少"車 無丫丫出左九龍

攪惦晒d野 都成8點幾鐘啦 咁就決定係"荃灣"食

食黎食去都係路德圍個埋 食到勁悶呀.................

最後 諗到呢間餐廳未同"人家大少"撐過佢既枱腳 哈哈

去到8點15分 當然 例牌係要等位啦~ 不過都係等左10分鐘左右 ok啦~

先上餐包 上枱個陣唔係太夠熱 不過都軟熟 唔錯~

笨笨例牌"紅湯" 味道同料都好夠 覺得偏酸左小小啦

"人家大少"例牌"白湯" 佢話味道唔錯 like~

太耐冇黎食 怕會變左質 所以"笨笨"唔敢叫牛扒 就叫左呢個好似係......
"豬仔扒大蝦" 唔錯啵 蝦肉好爽唔會又鞋又冇蝦味 而個豬仔扒都ok
煎得皮脆肉滑 而且份量好大呀 有兩大件豬仔扒 結果我呢................
打包左一件返屋企做第二日既早餐 >o<

"人家大少"既黑椒牛柳 佢話重牛味 一定唔啱我食啵 份量都好大份架

仲要眼闊肚窄 哈哈 +7蚊+多個意粉 呢晚食到佢飽到唔想郁 !o!

例牌餐飲冇特別......
(題外話 各位有冇發現家陣出去飲既COT 點篤都係冇乜檸味呢?)

有甜品送 不過呢.........真係太飽啦 就連我至愛既豬力力雪糕
食左一半 我都要放棄啦~

至於價錢方面 可以接受啦 呢餐好似係17X埋單