菜心炒牛肉 &清蒸青衣 + 粉葛淡菜湯

 

呢排夜晚成日都訓唔著........又唔多想煲劇

咁就走去煲下TBB既"都市含情" 當然 我只係煲煮食個D啦~ 點知..................

越睇就越唔鐘意個李錦X先生 ............ 發現佢而家講野既態度 越黎越差

由其是如果拍檔係"宋豬玲"小姐既話 講野D態度仲串

可能係大家鄉下唔同 口味唔同囉 我真係唔太覺得佢既食譜有幾出色

老實丫 呢樹大把寫"食"既blog友 出色過佢多多聲

仲要下下"窒"鬼住人 人地唔小心講錯小小野 就借提發揮 "串"

佢教香茅豬扒個集仲攪笑 教人落"梳打"

屋企煮食都落呢D野既話 咁唔使自己煮咁辛苦啦 不如出街食=_=lll


"菜心炒牛肉"
家陣乜都貴 牛肉就更貴 所以我而家買親牛肉 都係同亞靚姐講
(廿蚊丫 唔使多 要靚就ok架啦) 當係小食多滋味囉 順便可以食小d肉 哈哈!!

"清蒸青衣"
呢條魚一d都唔好食 d肉我覺得太散 同埋好似有d"霉" 我係新鮮買返黎架
都要成35個銀兩 可惜唔係我同"人家大少"杯茶 
(要提醒自己 一定冇下次啦)

加多個去濕湯先"粉葛 淡菜 赤小豆 扁豆 果皮 豬展骨"