笨版東波肉 & 西洋菜鯪魚球

以下只係我既個人感受

如大家不認同 請勿xxx我

香港 財政司 昨日講左 派現金6000港元

我真係好奇怪 當初話入強積 個個都反對 媽聲四起

好啦 而家派現金 唔使入強積 又大把人鬧

琴日 "人家大少"打比我 問我知唔知呢年事

笨 : 知丫 不過佢未行出黎講 都唔知係點

"人家大少" : 唔會話派又唔派掛

笨 : 有乜咁出奇 始終個預算案 都未落實 而且 有人出黎反對派錢啦

"人家大少" :  唔係掛 又反對

笨 : 係呀 最好而家一人派一棟層樓

我真係唔明 其實點做都係唔岩 咁想點呀 ................

加重個稅囉 好似其他國家咁 搭車又比稅 買個橙又比稅

咁大家將來咪可以生活好小小囉 ....................................

不過要計下條數啵 個稅收起碼至小都要比多而家既物價指數3成

咁到時 又嘈嘈嘈?

樣樣都話唔好 咁即係想點呢...............=.=

當然 政府有時真係會計錯數 笨笨唔係覺得政府岩晒

佢地呢次 好明顯都係想平息民怒

但係.............某班高官 人地講乜你地都係搵到位攝 去抗議 去鬧........

笨笨讀書唔多 政治呢d野 更加唔識 以上只係我個人見解

大家有不認同的 請各位見諒

 

又黎老人餐

"笨版東波肉"

點解叫笨版? 就係因為我改左個食譜 屋企人唔多 買一大件

返黎整 食好多餐都未必食得晒 基本上呢個東波肉 材料我係

盡量跟足 不過份量就有加多減少 而且我冇用繩去綁 哈哈~ 仲

要自己鐘意食蛋 就加多隻蛋落去...... 肉質鬆化 ok架 不過原來

東波肉整既時間 仲要耐過"扣肉" "人家大少"話 下次都係食返

"扣肉"好食d啵

 

"西洋菜鯪魚球"

話說滾湯或炒 我都會買"手摘西洋菜" 點知今次中晒招 >.<

話就話係手摘 點知返黎洗菜時發現 真係把鬼呀 係鬼手摘

只係切左個頭 滾落個湯 d菜仲老過我呀 嗚嗚(不是鬼妹啦)

仲收我12蚊半斤 激c 唉~ 以後要黎炒或者滾湯 都係買返

普通個d好啦 辛苦d自己摘 嫩既要黎炒or滾湯 其他個d 用黎

第日煲老火湯好過