2011年4月1日 我要重新開始 >.<

係2011年3月中 突然有感而來 想去掉呢個唔好既陋習(吸煙)

諗左兩日 上政府既戒煙網頁都睇過好多資料

決定左係2011年4月1日開始實行

大大話話 笨笨吸煙既習慣 都有十多年啦

由初中開始學懂 個時心態都係同D朋友走埋一齊

個個都食 冇所謂啦 家陣諗返.............................

(真白痴 好在唔係人地去吸毒 我又去JAR 哈哈)

朋輩既影響 真係好大 當然 亦要睇下自己啦.......

之後 都戒左一段時間 (因為移民左去CANADA)

小時 反叛心態好大 讀左兩年 太悶啦 .............頂唔順 走人

返左香港之後 .................好快就食返

好多人話 "銅油瓶 就係裝返銅油" 我唔敢話人地錯

自己身邊 不論男男女女既朋友 九成都有吸煙習慣

相對 要戒 係比較困難.................. 但世事係冇絕對既

好多野 都係睇返自己有冇決心................................

= = = = = = = = = = = = = = = = = = = = = = = = = = = = = = = =

好啦~ 講下我既計畫先

聽過有D人講 佢地戒煙 係可以用"一刀切"既方法

哈哈 撞鬼囉 家陣斬叉燒咩 定係剪指甲呀 話切就切....................

我深究過呢個方法 知道自己係一定唔得既

始終我唔可以收埋自己一個 困埋自己幾個月去戒架麻............

咁我就決定去用漸進式既方法 換言之 係每天去減少吸煙

戒煙第一步:

明確為自己定下戒煙原因

原因1: 點解要去戒煙.........................................................

(我既原因 係出年要去CANADA參加一個婚宴 我要開開心心咁

 同屋企人團聚一下 唔住酒店 要同佢地一齊住) 就係咁 所以唔食得煙

原因2: 身體問題........................各位放心 我身體冇大問題 只係因為

之前剝牙後 要鑲返隻牙 用種牙既方法 但係醫生同我講 如果種牙

就一定要戒煙 因為煙油 係會影響到牙齒骨骼既生長同退化

好~.................明確定下第一步^^

戒煙第二步:

同身邊既朋友講 希望獲得更多既支持

我係FB內發表左 4月1日開始戒煙 都得到十多位既朋友支持

當然 自己要戒 唔可以要求身邊既朋友都同你一齊唔好食

但係起碼 比佢地知道呢件事 文字上支持下 都係一個幫助

有D朋友會話我 你戒左先算啦.......(當然 未戒得成 我都唔敢擔保一定得)

但係我會盡力..................亦有朋友留言(如果你戒得到 教下我) 哈哈!!

當然啦 如果我成功既話 一定會幫大家既 ................................

一年唔食煙D錢 夠衝出亞洲 去個旅行啦~

戒煙第三步:

用漸進方法 每日開始減少

我SET左 第一天開始 10支, 盡量拖遲每天吸第一口煙既時間............

 

哈哈~ 其實打緊呢篇BLOG既呢一刻 我都有食緊煙.......................

ANYWAY~ LAST DAY啦

 

祝我自己 可以成功............................

 <---------------