早排話5月1日會實施最低工資.......................
唉~ 諗住就算追唔到通脹 都起碼行近小小丫
點知政府呢條唔知乜野法例 又唔知勞工處玩乜野
家陣仲衰左 食飯扣錢 放假冇錢 ...........................
無聊打開勞工處網頁睇 嘩.......仲有5000-6000既工?
返8收6 返足6天 扣除食飯時間 工作9小時
我真係好想知 佢地呢條數係點樣計出黎囉~
"口水雞"
早排氣溫未回落 有幾日好似回南天咁 又焗又濕
真係好怕呢D天氣 攪到個人都冇乜胃口 諗唔到食乜
想整"蒜泥白肉" 但係"人家大少"話要食雞 咁就整雞啦
買左一隻冰鮮雞 分兩餐
隻雞係"人家大少"斬架 我冇咁叻同咁好力 而且.......................
哈哈~ 我其實都而家都仲未識斬雞
今次味道麻麻 因為重手左 落多左花生醬
人家大少: 今次隻雞...........似麻醬雞多D啵 @@~
笨 : 耐冇整丫麻 SORRY囉
人家大少: 你個心掛住睇電視就真啦
笨 : (心諗 又比佢知道左添..... 我要趕住睇"華麗明星賽"丫麻)
哈哈~ 食譜可以參考:笨vs大少 ~ 口水雞 *已加食譜*
呢次我加多左1湯匙花生醬(係錯架) 其實加1茶匙吊下味就可以架啦~
"拍青瓜"
橫惦都刴開蒜容辣椒呢D 整埋個青瓜
一路上網/睇電視 一路拮黎食 爽呀 WAKAKAKAKA
食譜: 青瓜切成 2吋左右 放入保鮮袋 大大力咁同刀"拍"
跟住................按個人喜好加味 eg: 醋(可用陳醋 白醋) 呢次我用左
白醋 加小許鹽 加糖 麻辣醬 蒜容 指天椒 莞西 全部撈埋
跟住放入雪櫃 雪凍拎出黎食~ 呢個汁用黎整"冰震雲耳"都好好味架
好味好味
回覆刪除"人家大少" 真係好幸福呀 ~~~~~~~ (請轉告 )
回覆刪除口水雞你都得呀? 嘩...
回覆刪除你有咩唔識架. 本人斬雞係完全唔識, 所以... 我覺得斬到雞的人都係... 一個字... 就係"勁".
究竟政府點搞架?!....唉....
回覆刪除唔知最低工資有幾幫到D低收入人仕, 但係D商戶就大條道理加價! 連管理費都加! 真係要好靠D雇主自己有良心, 無良心嘅一定會搵到法律嘅灰色地帶! 麻醬雞我鐘意呀~~ 我諗你地最後都係食晒~~ 食唔晒有幫手喎!!
回覆刪除口水雞！我變成口水人啦！口水直流！
回覆刪除最低工資點計,呢個問題要僱主,因為係僱主出糧,而不是政府出糧
回覆刪除今餐好食送,等我自己放假整下,
想問一下, 請問你是不是已經信了主的呢?
回覆刪除無法啦，你要同僱主計，僱主咪軍真d同你計，講真清潔工做12小時都成萬，咁我地d文員，咪重要高d。
回覆刪除咩都唔識做唔願做先係大少．．．佢識斬雞咁叻．．仲係大少？？
回覆刪除人家大少原來識斬雞好叻呀！斬得好呀！
回覆刪除似麻醬雞都好好味
早晨呀！黎開餐喇,好味！
回覆刪除睇到口水流
回覆刪除查十香港政府多數都系幫D商家架啦~~D老闆一聽到最低工資就扣人地D飯錢放假嘅錢...我地D小市民可以典?? 口水雞~~正芽 我要小辣唔該
回覆刪除睇個樣好正呀，引到我都流晒口水啦
回覆刪除揾日我都學吓整口水雞先。
回覆刪除口水雞名符其實 好吸引呀
回覆刪除口水雞! 好味噃 .
回覆刪除我覺得香港真係好刻薄....香港人工係全世界普遍偏低...仲要樓價就超高~d商人只係識得為自己~不知所謂
回覆刪除我同你一様都係唔識斬雞架!!
回覆刪除你 honey 斬到隻雞幾靚噃
回覆刪除華麗明星賽我都有睇o架，真係好精彩
回覆刪除人家大少斬雞好惦呀！
回覆刪除唉, 原本最低工資是為了保障打工仔的, 衰在D老闆都會諗縮數囉！！
回覆刪除啦啦 :
回覆刪除再接再厲 !!! 憑妳的煮食天份 , 汲取今次的經驗 , 下次一定能夠烹調出正宗口味的 [口水雞] 來啊 !
其實果個李卓人，好激進，爭選票無所不用其技，佢要諗吓，有D人六七十無競爭能力，有份工都好啦，而家真係要拎綜援囉。重有呀，我以前公司有幾個d低智相同事，人工係小但一佰一日，而政府又有點津貼，佢都有野做好開心，平就話揾你地，高人工使乜揾你地姐，中五中七都得啦。
回覆刪除總之搵食艱難啦~做生意又話難做~打工又話刻薄~D錢去晒邊~
回覆刪除好勁丫你, 連四川菜都識整, 唔使怕咩最底工資啦, 你做C房菜賺最高利潤啦.
回覆刪除