係上一篇網誌不一樣的腿蛋治烘底
講起有個小朋友問左我一個問題
小朋友: 姐姐 你估下全世界邊間廠出最多車軚
笨 : 我唔知丫 你講我知丫 (我睇一定唔會係正常答案)
小朋友: 咪係lego廠囉 姐姐 你咁死蠢架 咁都唔識
笨 : (即時O晒嘴) 小朋友 姐姐係唔識 但係 你知唔知話人"死蠢"
係好冇禮貌架
小朋友: (諗左一陣) 乜冇禮貌既咩? 咁點解爸爸媽媽又成人叫我"死蠢"既?
笨 : (呆晒) 下次爸爸媽媽咁樣同你講 你就要同返佢地講 唔可以話人
"死蠢"架 呢個詞語 係冇禮貌架 ....... 你有冇見老師問你問題 你唔
識答 老師話你或者其他同學仔"死蠢"丫?
小朋友: 好似冇
都唔明而家個D父母 知唔知乜野係"身教"/以身作則.................... =.=
"蜜椒雞翼"
其實係黑椒蜜糖雞翼 呢日就咁煎 出黎既效果麻麻地 做唔到脆皮
下次都係唔好貪方便(因為我懶 唔想開焗爐 諗住一餐飯 一隻鑊 煎
完雞翼 就炒菜 快丫麻) 點知 ....... 唔好食 下次都係要用焗
"蒜香油麥菜"
好耐冇食油麥菜啦 呢日見幾靚 最重要係睇價錢8蚊1斤 OK啦
油麥菜 唔多使摘 所以買8兩2個人食 ...... 而家買菜 除左睇靚唔靚
仲要睇埋價錢呀 >.< 唉~ 樣樣都加 真係人工又唔見佢加 >"<
雞翼好餸飯，正！
回覆刪除我都唔明，點解而家啲菜可以貴到咁，十幾蚊一斤芥蘭，摘埋得返大半斤，兩個人都唔夠食...
回覆刪除雞翼真係好正~大小朋友都唔會食厭呢~!
回覆刪除加豆豉或腐乳炒油麥菜,好好食架!
回覆刪除雞翼食極都唔會厭.
回覆刪除簡單又快捷,正,一流
回覆刪除樣樣都加 真係人工又唔見佢加 <-- 就算加都追唔到通脹丫
回覆刪除蜜椒雞翼點醃架??
回覆刪除好耐無食過油麥菜喇,雞翼個個都鍾意食！
回覆刪除雞翼都係乾煎/焗先可以逼到D油出嚟, 我就鍾意焗多D, 連皮都好香...
回覆刪除我重有D油麥菜, 下次試下蒜蓉炒先...
唔知點解我次次煎雞翼都會好"痴"呢?! 就算我用易潔鑊係唔"痴鑊", 擺上碟都會痴碟嫁... 反而用焗爐好似仲乾手淨腳tim....
回覆刪除比個小朋友既對話笑 C ...... 不過另一方面都覺得做父母個身教真係好重要架!!
回覆刪除Ｐ仔又係雞翼精，佢食幾多我會俾佢，但會附加一句：唔好食咁多皮呀！佢現在為咗健康，都會自動自覺唔食皮 ！
回覆刪除你呢個小朋友都唔離譜，我有日見個家長係KFC教個小朋友做功課，講嘢又粗皮，連粗口都出埋，我仲見佢教小朋友抄報紙嘅內容，當係自己寫作tim，你話Ｃ未
開焗爐咪仲方便！又香口D！
回覆刪除孩子是父母的一面鏡子啊 ! 孩子的言行舉止 , 反映出其父母的素質 ; 正所謂有怎樣的父母 , 就調教出怎樣的子女來。
回覆刪除我都發覺 E 加 d 家長好常罵小朋友做"死蠢"
回覆刪除都唔明而家個D父母 知唔知乜野係"身教"/以身作則.................... =.=
回覆刪除真係講得好, 所以而家D細佬真係好難教, 因為有父母撐, 你鬧佢咩, 佢搵阿爸阿媽黎鬧你!
妳又俾到靈感我喇!
回覆刪除d父母鬧人死蠢叫做好口d啦, 我見有d父母係仔女面前咁停咁鬧人pk, 燒人數簿添丫...
回覆刪除用腐乳炒油麥菜我未試過喎！明天跟你用腐乳炒油麥菜先！！
回覆刪除雞翼點樣整都咁受歡迎呀
回覆刪除睇咗答案都唔多明，點解係lego廠？！
回覆刪除洋鬼子有句說話好寫實 (唔啱咖 )....父母教仔女 say : Don't do whai I do , just do what I say.....
回覆刪除雞翼我都係鍾意食炸多啲。
回覆刪除咁o岩呀，我今日都係整蒜香油麥菜
回覆刪除油麥菜好洗肥膩~也是我至愛~廣東話罵人很~刻薄~
回覆刪除雞翼點整都咁好食
回覆刪除呢個雞翼我覺得好得. 一定好食.
回覆刪除