真係唔知好嬲 定好笑
早幾日 d人發晒矛咁去搶鹽
呢兩日又 發晒癲 咁要求人地退貨
唉~ 個班人算把啦
咪整多幾味 鹽焗雞,腎,魚,..................................
仲有 鹽係有殺菌作用 幼鹽可以開水用黎漱口
粗鹽可以用黎刷牙 只要唔好吞入肚 就包唔會"腎炎"
"馬拉盞"
早幾日遊返d舊blog 見到blog友小菲菲俠 個自家制馬拉盞
其實好想試好耐 不過我老人痴呆 成日都唔記得
星期六下午冇乜野攪 就出去買料返黎試下
制作方法 大家可以去參巧自製峇拉煎醬
提提大家 如果有屋企人唔聞到得蝦醬味度既話 真係唔好係屋企試
(或者等屋企人出晒街 自己先去煮)
超級勁大味 個隻印尼煎塔拉既味道 比起我地用既蝦醬味高出幾陪
初初一打開 我去聞下 嘩....... 自己都爭d頂唔順
參巧小菲菲俠 材料我用左以下呢d
自己手多多 加左d蝦米
呢度係用左半磚煎塔拉
炒個時 真係十級勁大味 一定要閂廚房門 開晒所有抽氣
煮完後 等緊放涼入樽個時 都唔敢打開門 等佢抽左一個鐘
先夠膽開門行入去
跟住試左一下味 其實 炒個時大味 不過煮好左 入口覺得幾香
又唔係好大味乍啵 不過下次要放多幾隻辣椒先 呢次放左4隻
一d都唔辣 入樽 都有大半樽 有排食 哈哈~
入完樽 即時清理現場 洗好晒d野 即刻跑去洗頭沖涼 @@~
好彩你整先，我都想自己整，我個M仔勁鍾意。依家要諗一諗喇。
回覆刪除叻女，唔係人人都可以忍到啲味㗎，但係煮蔬菜或者雞都一流
回覆刪除咁……我整唔整好呢？
回覆刪除你好有心機呀!!!
回覆刪除* 另外係 ~ 食多啲西蘭花咪可以用緊啲鹽去洗菜囉
我今晚又係用峇拉煎醬炒佐椰菜，真係好好味。。。我炒得較散開，因為煮嘅時候我落白醋都落得幾多下，所以好易將佢炒散~~不過凍佐都一樣係結成一舊舊嘅~~哈哈哈，炒完之後就算洗頭都依然會覺得有果種味啊。。。。
回覆刪除好想試，但咁大味，都係要諗吓先......
回覆刪除咁大味....我一定唔會試整，就算真係好想都唔會做， 隔離Ｄ老番唔鍾意咁大味嘅野㗎，所以我連榴櫣都未食過呀！
回覆刪除好掛住你呀 !不過病左成個星期 ,好番冇乜心機去遊 blog ,希望你唔好介意呀
回覆刪除啦啦 : 從妳製造此醬 , 不怕麻煩的舉措 , 就看得出妳對烹飪的熱忱 ; 能夠為身邊至愛烹調美食 , 是很幸福甜蜜的啊 ! [人家大少] 必更加愛妳 ! 預祝妳明天看牙醫一切順利 !!!
回覆刪除啦啦進步左好多呀
回覆刪除好野味咁噃!
回覆刪除最鐘意食 辣野
回覆刪除真係好鬼大味架!
回覆刪除如果咁大味...咁我個領導人仲會5會孖我一齊較豬豬 唔系呱要退貨??唉~~真系...買果時又唔諗下先..而家又....無言
回覆刪除早晨！我怕呢d味,唔敢食！
回覆刪除
回覆刪除等一個鐘先敢行入去 我好鍾意蝦醬味架喎
D 人都唔用腦！我只擔心冇鹽煮餸。
回覆刪除大味野~在海外不是人人接受~等有機會返HK請我食~得唔得~
回覆刪除我對呢個醬真係又愛又恨...
回覆刪除嘩...你自製馬拉醬, 會唔會整到好大陣味?!...我好少煮馬拉盞, 都係買現成的好了...
回覆刪除嘩！連醬油都自己整 ....... 勁呀！！
回覆刪除嘩! 香味撲鼻! 我驚炒嗰陣我會咳!
回覆刪除我好鍾意蝦醬嗰陣味, 蝦醬炒飯好正架. 上次去馬來西亞買咗好多馬拉盞, 有排都未食完, 唔使整住.
回覆刪除笨笨，你真係好心機喇，不過無諗過馬拉盞裡面有花生醬
回覆刪除勁丫, 呢d都識煮.
回覆刪除用黎煮餸好惹味架~~
回覆刪除你好勁呀. 自己都做. 我成日想做來撈檬那個汁. 如果你知點做, 請通知. 謝.
回覆刪除咁大味？！吃馬拉盞出去食算啦
回覆刪除嗰D 人買咁多鹽都唔知食到幾時先食得哂~!
回覆刪除依隻我都買過呀~真係好大味..哈哈
回覆刪除簡直不知所謂，要搶就留返自己用啦，搶多幾包可以食過世咩?
回覆刪除我個煮食爐係戶外，幾時試都得，不過，唔知煮完之後，我班巨獸會唔會變左蝦醬狗呢
回覆刪除