是日開飯前對話
笨: O..... 爭碟菜乍 裝飯先啦 好快得架啦
人家大少: 哦
.............................炒完碟菜出黎 見佢仲未食..........................
笨: 仲唔食既 舊魚凍左唔好食架
人家大少: 相機都未食 我點敢食先呀
笨: 哈哈 算你啦 咁識尊重部相機
事源有一次 好似係整左個臘腸煲仔飯 點知.................
我未影相 佢就夾左條臘腸落碗 仲想放入口 即時比我叫停
人家大少: 條臘腸未熟既咩?
笨: 唔係 係我未影相 快放返條臘腸入去個煲
人家大少: ............. @@~
"麵醬蒸鯇魚"
好似好耐冇食鯇魚 用甜麵醬 魚汁加埋甜麵醬撈飯食 一流 ^O^
"臘腸菠菜"
呢個餸 其實用潤腸切碎炒 會仲好食架 不過"人家大少"唔食潤腸
所以改用臘腸............
呢晚冇煲湯 所以冇湯渣當宵夜 係"吳壁記"外購左D水餃 味道OK
不過我覺得幾貴 下次都係唔好懶 自己包 平好多
好想食 蒸鯇魚呀,無得食好耐喇！
回覆刪除，嚟你度真係好開心架。 大少真係幾幽默喎，要等個相機食先。你話我哋係咪比咗D壓力佢哋呢。
回覆刪除我老公好鍾意食波菜，但我唔鍾意，食完個口怪怪地！
回覆刪除魚好難整 次次唔係太老就未熟 搞到我成日響廚房開餐
回覆刪除麵醬蒸魚好味架
回覆刪除間唔中小妹都會食,但只買鯇魚腩同要配炸菜食,蒸出來好滑好嘢味
回覆刪除一入嚟就搞到我哈哈大笑，睇嚟我要多Ｄ入嚟至得啦，仲要裝定碗飯先。
回覆刪除自從寫BLOG之後, 我都要餵飽部相機先自己食.
回覆刪除me 2 呀，未影相係唔俾食呀！！
回覆刪除不過我同你就係角色調換左........
笨笨，你收到我 E貓嗎？我想約你４月１日喺屯門攞我嘅DIY東東呀！
回覆刪除如果你收唔到，我再E貓過你吖！
呢個情景好熟喎，我屋企都經常性發生o架 ~
回覆刪除除咗咕嚕肉, 阿寶平時都要等我影好晒相先開飯架...
回覆刪除What a nice way to make fish... let me try next time... Thanks for your sharing...
回覆刪除我未影相 ,快放返條臘腸入去個煲 我屋企都經常性發生o
回覆刪除今餐有餸加
回覆刪除人家大少真係攪野呀~~
回覆刪除原來大少咁風趣架
回覆刪除哈哈...大少真好笑...
回覆刪除鯇魚好滑好味呀.
回覆刪除兩個都咁攪笑，妳吔真係天生一對
回覆刪除我屋企調轉呀，係我周不時掛住食，唔記得影相，要阿仔提我先記得。
回覆刪除哎吔，笨笨，唔好客氣喇，我又唔係要交換禮物，你有興趣用環保嘢，我開心都來不切喇！
回覆刪除Btw, 笨笨，我收唔到你E貓喎？
回覆刪除試吓用美味棧炸菜木耳蒸,我前日仲加埋舊梅香咸魚蒸,d汁正到
回覆刪除哈~好搞笑~相機未食佢唔敢食~!!
回覆刪除個水餃好多料, 好好味咁呀.
回覆刪除原來你都係同道中人(相機食先) 我都未試過甜麵醬蒸魚, 我見你呢碟係咪有落豉油架?
回覆刪除麵醬蒸魚好滑又好味！
回覆刪除你個擬人法都好精景喎。
回覆刪除個相機講到好似人，要佢食先，先得。
回覆刪除「相機都未食 我點敢食先呀 」 講得好啱呀！
回覆刪除我成日比大少爺話架=..=' 影完未芽....得未芽...影咁多張.... 真系食遲一陣都唔得咩=..='
回覆刪除