今日睇報紙頭條 突然比我有一個反思既感覺
呢排為左個預算按 嘈嘈嘈 仲話要財政司落台 又攪到政府冇糧出
我冇睇內容 只係睇左標題 覺得好好笑
個時董先生 你地又要佢落台 而家曾生 財政司 你地又要佢落台
咁佢地走左 下一個上台 你地唔鐘意 或者時勢唔好 咁即係又要落台啦
你地唔like 就要叫人走 邊個上 都係死
反思返自己 打份工 老闆唔好 鬧多兩句又想走
同事唔好 唔夾 唔岩嘴型又想走 個日心情唔好 比人罵兩句 又想唔撈
其實 邊到有人會係十全十美既呢 樣樣野日日都可以like?
真係FACEBBOK入面 按個LIKE就可以咩 哈哈~
SORRY 廢話完了 阻了大家時間 >O<
"清蒸多寶魚"
又唔係休魚期 都唔知點解 家陣D魚仲係咁鬼貴既 呢條多寶 30銀兩
家陣買遊水魚 我要等6:30打後先去買 博佢平D
"清湯牛腩"
牙仔唔舒服個排 冇乜點整過D有心機既餸 樣樣都係求求其 為左扮下野
補償下 咁就試下清湯牛腩 其實咁耐以黎 我都唔敢整"清湯" 因為我好怕
"蘇"味 呢次放左好多薑 仲有放埋花椒八角 出黎效果OK丫 起碼都"人家
大少"都比左個LIKE 哈哈~
"人家大少"鐘意用潮州辣椒油食
煲仔存熱好 加多個炸魚皮去浸食 HEHE~
想請教下大家 點解我影室內既相 背境成日都好似好黑咁既?
多寶魚係咪即係左口魚呀?
回覆刪除影室內既相加閃光燈嘛
6:30打後先至去買，好識精打細算喎
回覆刪除我地夜晚先去買特價麵包!
回覆刪除非常同意，比有鬧，吾比又鬧。其實香港稅收到好少，外囯如丹麥抽73%先有好福利。
回覆刪除我都畀个LIKE字妳
回覆刪除嘩 好正 好味道 我全部都LIKE呀
回覆刪除你間屋有無開燈先?係咪食蠋光晚餐呀? 咁你有無試過日光日白係屋企影相?
回覆刪除開咗鎂光燈影背景會黑d架~
回覆刪除我也認為班政黨, 係為反而反, 爭取餘下少數支持佢的人繼續支持佢o者.
回覆刪除你改錯名，講啲嘢1啲都唔笨喎！呢個時期，邊個上都有人嘈。
回覆刪除唔好開閃光燈，影啲嘢背景就唔會黑㗎啦！
我都覺得財政預算案推出後，成日都嘈來嘈去 ......... 好鬼煩！！都唔知班議員想點！？
回覆刪除嘩~你個牛腩俾我睇中咗~!!請我食吖!~
回覆刪除多寶魚我未食過...呢邊冇㗎！
回覆刪除$30 一條咁平 ，荃灣基本都 $55 以上一條段條買，我那日買那條 $4兩，都要 $52 呀 。妳牙仔痛仲食牛腩，燥熱呀衰鬼 。
回覆刪除還要加魚皮...正呀...
回覆刪除開屋企燈, 唔好用閃光燈, D相唔會黑...多用自然光, 我好好好少會用到閃光燈... 因為人有私心, 佢地自然有咩唔滿意就瀨人...個個走晒, 世界大亂喇...
回覆刪除LIKE
回覆刪除我 like 你依篇呀 ... 同埋條魚呀
回覆刪除* 啲人都唔知想點, 日日都係度嘈嘈嘈, 有用咩??
之前我屋企係用黃光燈又係灰灰暗暗D色又唔令,轉用白光燈就好好多喇
回覆刪除VA多寶魚好大條~可以分三餐又平$2多LB~下次牛腩加粒冰糖~班反對黨日嘈夜嘈~三搗四搗同老毛無分別~最慘教壞班80令仔~帶細路去遊行數這樣那樣~唉
回覆刪除多寶魚的肉質又嫩又滑 , 很好吃啊 ! 你買的那一條只需 $30 這麼便宜 ? 我平時差不多要 $60 才可以買到呀 !
回覆刪除屋企用白光係好d..同埋您您部相機可唔可以較"室內"功能呀..
回覆刪除我轉用左白光燈, 影出黎的相好好多
回覆刪除清湯牛腩 條魚好似好多骨
回覆刪除你條多寶魚唔貴喇，仲要咁大條，我噚日係西貢碼頭d魚艇，見到差唔多大，要賣$80蚊 呀！
回覆刪除你個WB(白平衡)係咪較白光?
回覆刪除你記住呢個WB好重要呀，如果你係黃光底下用白光，一樣黑黝黝架
回覆刪除