椒鹽豬頸肉 & 蕃茄蛋

明天就係四月一日 哈哈WAKKAKA 愚人節

希望大家都開開心心 唔好比人愚啦

記得細個果時讀書好白痴 好鬼鐘意係"愚人節"呢一日

夾埋D同學 整鬼學校D老師............

不過我果個年代 點樣整鬼D老師 都唔會玩得太大

哈哈~ 點都係比較保守 冇家陣D小朋友咁多鬼主意

我個時 多數都好似 周星星套戲咁..................

將個"粉刷" 放係課室門口頂 等老師開門 .................

再唔係就係將刷完黑板個D粉 撥晒係老師張枱 同 椅

唔比佢放低D野 又唔比佢坐 WAKAKAKA~ (真係白痴)

試過有一次 同學真係將D"AA超能膠" 點左幾滴係老師椅子

老師一入黎個時 我地成班同學 個時都好驚.............

不過個時可能我地呢班傻學生 年年都係玩呢D

冇新意啦~ 老師知道我地D白痴野 未"中"過...............

個時我成日都諗 佢地咁樣都知 點會唔知我地點樣"出貓"呀

WAKAKAKAKA~

 

"椒鹽豬頸肉"

我每日去街市 都會好例牌 先問一下"人家大少" 想食D乜

不過佢永遠既答案都係"唔知"呀~ 呢日真係好....................

佢居然同我講 豬頸肉啦~ (唔使我點樣諗餸 係最好 日日要諗

唔同既野 又要就返佢鐘唔鐘意食 想唔想食 真係好煩=.=)

我整呢個餸 係鐘意全塊豬頸肉煎好 再切片回鑊 用蒜容

指天椒 蔥粒 再灑酒爆返香 YUMMY~ 

"蕃茄蛋"

呢個餸 家家戶戶都會整 因為大小朋友 老人家 都鐘意

細個個時 笨笨媽咪鐘意煮好個蕃茄汁 就放蛋汁(即係D蛋唔炒)

其實我都鐘意 OK丫 滑滑撈飯 唔錯 ............... 不過有D人

又話咁樣整 外觀唔好 好似"蕃茄嘔蛋" 哈哈~ 都話食野

好講個人架啦............"人家大少" 就係鐘意要D蛋炒過...........

佢話加蛋汁 真係好似"蛋".................. 炒咪炒囉 對我黎講

呢個餸最緊要係個汁好味 HAHAHHAA~

灑上一點香草 又加多一D唔同既味道 ...............

又係湯呀~ 飲多D湯水.............. 下回再續 @@~