雲腿浸紹菜 & 笨版三杯雞 (2個都不用鹽=.=)

今朝一開機收E-MAIL 發現6x封未讀郵件

基本上係冇乜可能 因為我記得琴晚訓之前 我係清晒d e mail

click入去一睇 全部都係yahoo blog回應

我心諗 絕對係冇可能既 再click入去細看

火都黎 全部都係個d垃圾回應

如..... 什麼按入去新遊戲..........美女視頻......

呢d人真係咁鬼無聊既 send咁多垃圾過黎 對佢地有乜著數呀 >.<

攪到我花左半個鐘頭去del同埋入黑名單 把幾火呀 >"<

有時諗唔到食乜餸 咁上yahoo飲食烹飪版睇下啦

點知 有八成都係個d垃圾黎 唉~ 咁使乜用分類呢 暈~

普通既討論區 都會分類分得好清楚

如果出現唔係個版既 佢地都會搬走或移除

yahoo咁鬼大 連呢d小小野都攪唔好 簡直係離晒譜........

 

哈哈~ 開始習慣左啦我 終於有骨落地 唔使食老人餐啦 >o<

"雲腿浸紹菜"

整呢個餸 炒菜時我會加多小小水同埋薑

因為我會留返起d菜水 黎煮雲腿個汁

聽講紹菜 津白 娃娃菜呢d都係屬於濕熱 如果有濕疹底既話 最好小食一d

"笨版三杯雞"

上網遊遊下 見到有呢個餸 諗起自己好耐都冇食過

記得對上一次食 都係成十年前係一間叫(台灣欣菜料理)

所以自己去試下 搵下食譜 點知一搵 嘩......... 真係各有各法呀

記得睇過一個食譜 佢話 1杯酒 1杯醬油 1杯麻油

嚇死我呀 唔係呀 成杯麻油@@~ 最後決定自己加加減減

呢次用左一隻大雪藏雞脾 因為..... 都係怕"人家大少"唔接受

不過呢次居然出左意外 仲話好好食 一定有下次 哈哈~

我用左九層塔, 2湯匙醬油膏, 2湯匙九江雙蒸, 一小粒冰, 一茶匙麻油

仲有一粒蒜頭

 

               我呢兩個餸 唔使用鹽架 =口=