保腰湯水 (杜仲, 巴戟..............)

昨天真係凍到不得之了呀

一起身 打開房門 wa................成身都震..........

晚上 坐在電腦前 下肢凍到僵硬 >﹏<

天氣凍 胃口都好d 昨晚8時食完晚飯

11點 又煮左個雙腸雙蛋出前一丁 haha.....

呢個冬天 再係咁食 仲唔肥死 @_@llll

 

杜仲, 巴戟, ..........湯 (..... 係因為我唔識個d係乜野黎)

話說早排 人家大少因工又整親條腰

成日都叫佢小心d架啦 (仲以為自己後生咩........)

叫佢睇醫生 又唔去 又話o牛o牛下會好...... 點會丫

但係點講都唔聽 咁大個人 唔通綁佢去睇咩 真係冇晒辦法

為有去間相熟既藥材舖 問一下有冇乜野湯水可以幫助下

咁呢藥材伯伯 就寫左以下呢條方比我

其實係對傷 冇任何作用 只係平時當湯水煲黎飲下 有強腰骨作用

不過我都只係比大家參考下 話晒都係藥 唔可以亂食呢 haha~

自己再加左幾粒蜜棗 豬尾骨

其實豬尾全條買黎煲 個湯會更甜 而且有膠質

不過我好怕個條豬尾係煲湯到游黎游去 好似有隻老鼠係入面游緊水咁 =.=

初初都怕會有好大陣藥味 但係煲完出黎 又冇乜啵

而且好好飲 呢次唔使迫"人家大少"飲啦