今年"人家大少"屋企12月21個晚做冬
講下食左d乜先..................不過冇影相 (怕佢屋企人唔多鐘意=.=)
因為有一次 "人家媽咪" 睇完我部相機 問我做乜全部都係影野食
我話......... 我有寫網誌 分享上去同大家交流下..............................
點知佢話............ 又唔係d乜野咁巴閉 ............
我呆左...... 為有笑笑口咁走開 =_=
雞煲翅, 白切雞, 燒肉(聽講話係唔知d乜野卷換 可能係換既關係 麻麻)
瑤柱豆苗, 白灼蝦, 花生冬菇炆豬手, 果皮蒸泥鯭, 唐芹荷蘭豆炒雞什
其實做節 家家戶戶大多數都係呢d餸 咁一家人食飯 吹水講開................
人家家姐: 呢幾日公司叮飯 又係呢d味
人家姐夫: 乜野味呀?
人家家姐: 咪又係蠔豉東菇呢d味囉.............
笨笨: kakaka 呢d味要聞到年三十呀 ^o^
人家姐夫: 咁屋企唔做節或者冇屋企人係香港個d咪好慘
笨笨: 一d都唔慘 ................
人家姐夫: 點會呀 冇左呢d過節既氣味啵
笨笨: 唔怕 次次過節都一定有好多餸剩 我地大盒大盒咁帶返公司
比佢地食咪得囉 又可以唔使食咁多餐隔夜餸 哈哈~
2010年12月22日 冬至
東江豆腐煲
之前食左一餐大魚大肉 咁呢晚2個人食 清清地呢.................
記得舊同事教過我佢鄉間整鯪魚肉既方法
佢話 係攪個時 唔係加水 而係要加"冰粒" 咁樣攪出黎既肉
就會爽口彈牙 所以呢次我就試下佢呢個方式
我冇加蝦米 如果大家鐘意 可以加埋切碎蝦米
7成魚肉 3成豬肉 加1小粒冰 再加小小鹽同胡椒粉
順時針攪 攪至冰粒全熔後 再加一小匙生粉 攪至起膠
呢個加冰既整法 又真係得得地啵 出黎效果 真係爽口彈牙
釀起後 底面開大火煎香一下 加薑片 加水 煮沸後加生菜
加小許鹽 胡椒粉 調味一下 熱辣辣 又有湯飲
茄汁蝦碌
呢個係我由細時 已經鐘意食 就係因為佢 我先會食蝦呢
我見過有人整呢個餸 會剝左d蝦殼 只留蝦尾
我愛上呢個餸 係因為有蝦殼同蝦頭吸左d汁 所以我一定留殼
只剪去頭的尖刺 蝦腳 蒜香個表面 再加汁入去煮熟 正呀~
啜到我口水都流呀 haha~
沒有留言:
張貼留言