7月7日 開始徵收膠袋費
相熟既士多買野 同亞姐傾開 問下佢地要唔要收膠袋錢 點知亞姐既反應係
咁就好奇一問 
笨笨 : 你地唔使收 可能生意會反而好左呢
亞姐 : 緊係唔係啦 政府真係多鬼餘呀 如果要收 就一律都要收丫麻 而家一D要收
一D唔使收 我地仲慘呀
笨笨 : 下@@~ 對你地有影響既咩?
亞姐 : 緊係有啦 都仲未正式實行要收 只係星期二"無膠袋"日一日 D人離譜到 係
隔離"超市"買完野 2隻手"捧"住D野 走黎買一包鹽式者小小野 跟住就問我
地攞多2個膠袋呀~
笨笨 : >_< 唔係咁離譜呀~
亞姐 : 你話咁係唔係政府真係多鬼餘丫 一係就統一晒 全部收丫麻
笨笨 : 咁又係~ ........ 亞姐 你下星期貼張紙出黎丫麻 (支持環保 小用膠袋 如要額外
膠袋 多付5毫子1個)
亞姐 : 咁樣得唔得架 會唔會趕客呀 D人好鬼麻煩架
笨笨 : 趕唔趕客 我唔敢講 但係7月7日之後 一定會更多呢D人 唔通你地為左個膠
袋而加價咩? 而家好多舖頭都係咁啦~
亞姐 : 咁又係 膠袋都要錢 而且都係環保既...............
呢個世界真係乜人都有 咁樣走去問人拎多幾個膠袋都有既
8JUN2009 (星期一)
"鮮茄薈肉丸意粉" 又焗又熱 真係熱到"嘔茄" 笨笨一向都只係識講"嘔血" "嘔茄"
呢個名詞 係笨笨公司同事成日講 變左我又轉左"嘔茄" 而小左
"嘔血"~^_^~ 嘔下嘔下~ 咁就諗起呢個餸 呢次用左"豬肉丸"
本黎想用牛肉 但係............收工去到街市 牛肉居然賣晒 亞姐同
我講 得返牛腩~ 唉~ 又唔想再諗第二D餸 咁就"豬肉丸"呢~
呢個意粉整法都好方便 懶人的我 緊係買"豬絞肉"呢 返黎切D
洋蔥碎 再加基本醃料同埋半隻蛋汁 雪佢15-20分鐘 呢段時間
可以用黎烚意粉同埋切蕃茄 將豬肉搓成球 放入鑊用半煎炸方
式 煮至5-6成熟 留用~ 跟住爆香蕃茄洋蔥 加水加糖 煮至汁濃
6成左右 試味 放入肉丸 煮多5分鐘 再加意粉煮多1分鐘左右
OK~
食左先醒起 唔記得放D香草 >.<
整返碗"重手左"既去濕湯 haha~
沒有留言:
張貼留言