頭先買餸又比人呃我錢啦 
點解而家d人咁衰架 小小錢都呃人 呢次仲要係幫襯熟既牛肉檔
本身我係搵開另一位靚姐幫我既 點知佢行開左去買野
咁我見都幫襯左咁多次 照計唔會出事架點 點不知 >"<
比佢亞嫂昆左我10個大洋呀 而家d野都貴到飛起架啦 仲要比人昆多10個大洋
嬲到我呢 本黎諗住買完牛腩就去買野煲湯既 結果...................................
嬲到我買完牛腩就哭喪咁走左
人家明明今朝開條"紅衫魚"食早餐架麻銀包係得返4張20蚊 跟本冇10蚊紙既.......... 我買30蚊牛腩 比兩張20蚊佢
點知佢居然話我比30蚊 我同佢講 咁熟 我點會呃你呀 咁多年都係幫襯你地
佢居然拉開個櫃"3秒" 叫我自己睇下 睇乜春呀 唔係10蚊就係20蚊50/100呢d
唔通我報警驗指紋呀
....................嬲死我啦 嬲死我啦 冇晒mood啦 唉~我知道架啦 以後都唔理佢地熟定唔熟 比錢個時 一定要同佢講 .................
靚仔/姐 (再將自己比佢多錢佢講出黎 等佢自己都打醒精神睇清楚)
呢次真係好滾 各位會去"合益"買餸既blog友仔 去呢檔牛肉檔買野 打醒精神呀
(街市燒臘店側邊個檔牛肉檔 個位亞嫂 係較肥/矮 中年40左右.....)
"梅菜蒸肉餅"
講起梅菜 唔知大家有冇用開"石澳梅菜"呢 ..... 早排係"家興"見到佢價錢好抵買呀
不過笨笨未試過係家興買過 唔知會唔會有唔同?
"什豆炒蝦仁"
呢個係笨笨成日都會整既野 呢次見到屋企d乾蔥都擺左好耐啦
快d用埋佢先 咁就加d乾蔥去爆香一齊炒 又唔錯啵
唔好勞氣, 我諗佢做得街市咁耐, 唔會有心呃你嘅, 係佢睇錯姐(至少咁諗會舒服D)...我去街市找續通常都會加句"呢度X蚊"咁架, 唔係口同鼻拗, 都幾無癮. 什豆炒蝦仁好正, 食多兩隻笑蝦蝦!
回覆刪除算啦 應該都係一時搞錯啫 唔好激親自己呀
回覆刪除唔好激親自己呀 ~~~~
回覆刪除咁煮都唔錯喎！
我都試過呀，真係慶過辣雞
回覆刪除有d人就係咁衰架 ,唔係呃秤就係呃錢 ,唯有自己小心d 喇 !
回覆刪除笨笨~唔好激親自己，咪當豪一次俾佢囉！
回覆刪除以後唔好幫襯佢咪得囉~!
回覆刪除唔好幫襯佢啦....最憎人搵人笨~!!!!!
回覆刪除激一陣好啦
回覆刪除我都試過找少錢 , 她說是看錯一元當五元啊 !
回覆刪除什豆蝦仁看似色彩繽紛 ,增進食慾呀 !
我實唔會幫襯佢, 因為我唔食牛肉既. 石澳梅菜最出名架啦, 但唔知係咪同樣既貨呢.
回覆刪除賣飛佛
回覆刪除錢是次要~最慘是損失後她還話您~白撞~分分鐘同佢亞嫂講~那熟客來......好彩我夠
回覆刪除你既情形我都遇過唔只一次，所以之後每次買o野要找錢時，我都會講聲自己俾幾多錢佢
回覆刪除擺明佢博大霧, 咁唔老實唔好幫襯.
回覆刪除我係你實大佢，報警咪報警囉，佢見你好蝦唔出聲先至攞明搶（＄），警察來到令佢做唔到生意，佢咪仲失米
回覆刪除總之有錢銀往來嘅都要份外留神啦. 我前晚坐的士, 比$50,個c機當我$20. .我即刻出聲同佢講囉. 妳講得好啱,家陣買咩都貴,唔好再扼我哋錢至得架!
回覆刪除兩碟送飯都一流呀!
d乾蔥用來侷叉燒都好正!
回覆刪除