菜心苗炒牛肉 & 清蒸金鼓 + 粉葛蠔鼓豬骨湯

搬屋真係勁煩 一個人可以自己話事

人越多 就越多意見 我同"人家大少"得個兩丁友 但係.............

都變左好多爭拗 小問題都會越嘈越多

呢次搬 我地最後決家左用搬屋公司 花費左1600大元

本身佢地開價係1500+茶錢 最後講價成1300

另外多左個300 係茶錢 佢地其實係4個人黎

不過就3個人搬 個300就係"人家大少"話比佢地既茶錢

其實我覺得係比多左架啦 不過都係人地既辛苦錢 算啦

不過呢個老闆就真係麻麻啦 (我覺得)

因為個日我地都冇散紙係身 諗住叫搬屋公司個位老闆同我地找換

再一人比一佰佢d伙記 點知..... 個位老闆就話 得啦 你比晒我 我分比佢地啦

個一刻我地都冇可奈何 因為我地真係冇一佰蚊紙係身....為有1600比晒個老細

之後佢有冇分返比d伙記 就真係不得而知啦 >o<


搬好左 set好電腦之後 發現原來自己仲有好多存貨係到未出 sorry呀 !!

呢排都要出返d舊菜先 wakkakaka

"菜心苗炒牛肉"
呢排d菜真係貴到飛起呀 而且睇報紙時發現 原來大陸d菜仲貴過肉呀
乜野世界呀!!

"清蒸金鼓"
呢個魚唔c多講啦 有睇開我blog既朋友 都知我係好鐘意食呢隻魚 哈哈!!

"粉葛蠔豉豬骨湯"
呢個湯我都好鐘意 可以下火+去濕 ^o^ 而且仲有好香既蠔豉味 yummy~
材料用左 蠔豉, 粉葛, 豬展骨, 赤小豆, 扁豆, 果皮