2012年情人節

上一篇講開敗家 其實呢 對波鞋係過年前 "人家大少"都話叫我換架啦

不過呢 我衰囉 左揀右揀 到頭黎 病鬼埋 乜都冇買

呢對鞋 "人家大少"係諗住送比我既聖誕禮物 唔緊要啦

而家都唔打緊囉 (大家開開心心 身體健康 就係最好既禮物)

呢篇就講下2月14食d乜? 出街食 不會啦...... 又貴 又多人呢

自己試係屋企煮 (識得我耐既blog友都知 笨笨煮既西餐 真係...........X)

"頭盤" 鵝肝多士(笨笨) + 蒜香多士(人家大少 因為佢唔食肝臟)

 加小小海鹽同黑椒再灑上麵粉煎香

個鵝肝就係係"德州"買架 真係好好味 入口即熔 好正 不過..................
我唔會再食啦 真係太殘忍啦 同抽熊膽 分別唔多大囉

"笨式洋蔥湯"

呢次用左4件白洋蔥+1件紫洋蔥 不過衰左 唔記得買"白蘭地"
而且用左"牛味濃湯寶" D味道真係麻麻 

"帶子蝦蝦伴牛柳"
蒜容焗蝦+香煎帶子伴鮮茄意粉

牛柳交比"人家大少"烹調 正