話時話丫 真係大吉利是 笨笨由年初一 病到年初三呀 陰公>.<
連同"人家媽咪"拜年 都缺席呢~
年初一個日唔知攪乜 個胃痛到飛起
全日都只係"痴"住張床 (當然除左"針水"同去廁所啦)
就係病 所以笨笨連自家開年飯都冇煮到
咁就年初八呢日啦 豪一豪佢先 (對我黎講好豪架啦 >3<)
"鮑羅萬有"?
哈哈 呢個名係我自圓其說既JAR
之前係大昌入左貨 不過成個新年 唔係冇時間 就係病左
真係大吉利是 ......... OH...............
好啦 年頭病左 跟住落黎就大吉大利 百病不侵 ^O^
(發菜 蠔豉 鮑魚 冬菇 瑤柱 五花腩 )
"清蒸米奇"
驚唔驚 蒸米奇呀 WKAKAKAKAKA
話明係開年飯 緊係要豪埋佢啦
(老鼠斑)ccccccc 兩丁友食咁大條斑 @@
冇計啦 搵唔到細條 呢條算係至細架啦 盛謂80丫
(唔通過年 d魚販唔捉魚毛?)
不過物有所值 真係好有魚味 好滑 呵呵~
成條魚食晒架 勁唔勁呢 哈哈 ................
但係個"鮑羅萬有" 就有餘有剩 哈哈
"鮑魚雞湯"
"鮑羅萬有"入面既鮑魚 就係呢個湯既鮑魚(湯渣)啦
今年係大昌買 但係唔多惦 個樣好似我咁衰 爛邊既 >.<
記得係早兩年 我都煲過呢個湯 "一鮑三吃"
2010當年 1吃=湯 2吃=鮑片生菜 3吃=鮑魚雞粒豆腐
2012今年 都係3吃架 1吃=湯 2吃=鮑羅萬有 3吃=?
下一篇開估 哈哈
嘩～好似個小盤菜咁，好正呀.....祝妳今年事事順順利利，身體健康，心想事成呀.....
回覆刪除Wow好吸引呀！祝笨啦啦萬事勝意，財源滾滾，身體健康！三吃...飽魚雞粒炒飯！
回覆刪除看似酒家餸菜啊 ! 條米奇是否會游水架 ? 我去年到流浮山吃一條二斤多重老鼠斑要$1200呀 !他說很罕有 ! 不過真是好有魚味啊 ! 前幾月在街市見到二斤訓覺米奇都要$ 500 ! 你這條真的好底 ! 鮑魚是否澳洲青邊鮑 ?
回覆刪除鮑魚鴨掌。
回覆刪除隻鮑魚好大隻
回覆刪除nice nice
回覆刪除係喎!~好大隻~不過邊邊爛咗
回覆刪除笨笨...miss u
回覆刪除大製作,勁!!
回覆刪除老鼠斑80元, 都好抵食喎! "鮑魚雞湯" 我至愛啊, 不過自己未煲過
回覆刪除胃痛到黐住張床我都試過呀﹗真係辛苦到無法形容﹗你就去拎水飲﹐我就係去吐~嘩﹐
回覆刪除真係諗起都怕怕~ 我都祝你今年百病不侵﹗第三樣等你開估~
大昌行買應該有得揀格!
回覆刪除隻鮑魚好大呀！
回覆刪除條斑$80好抵喎，我呢樹平時細細條都要$65蚊，嗚嗚
回覆刪除兩碟都咁正, 見到大大隻蠔豉我就流晒口水喇. 我呢邊新年都係揾唔到魚買呀, 全部都好大條.
回覆刪除首先祝你百病不侵，精神爽利！呢餐開年飯好正喎！
回覆刪除嘩! 真係好豐富喎! 條米奇食唔晒同貓咪分甘同味囉!^^
回覆刪除你呢個post啱啱好呀, 我都買咗一隻鮑魚打算煲湯, 抄下你一鮑三吃先!! 不過要等呀媽嚟先整...
回覆刪除笨啦啦小心身體,你呢餐都幾豪下!
回覆刪除豐富...
回覆刪除