鮑汁魚鬆煮津白 & 蔥菜冬菇蒸肉餅

今日我睇到一件令我自己開始覺得 .........

香港人真係變得好緊要 睇到呢班人既行為 真係

話說今日我中午食飯時 順便要去拎d文件

到達之後 發現好多警車,消防車,救護車

見到消防開左"救生墊" 好明顯 即係有人"想"跳樓啦

記者個d影相 冇人會怪 因為係佢地既工作

但係.....................圍觀既人 居然都影埋一份

亦眼見好多年輕OL, 著西裝既

都拎住部IPHONE係到影 (人地咁既境地 你地係到打咭?)

唉~ 仲要個個圍埋一埋 好似開討論區咁

高談闊論 哈哈大笑 手指指咁研究人地做乜會有咁既行為

呢班究竟係唔係人黎架? 我真係好想行埋去問下佢地

(人地家陣如果真係跳左落黎既話 你地係唔係又打咭 又哈哈笑呢?)

唉~ 點解而家既"香港人" 會變成咁既呢?

返到公司 我即時上網睇新聞

收工返到屋企 又即時睇下今日既即時新聞

好在..............冇呢個CASE


"鮑汁魚鬆煮津白"

上次整鮑魚 提過仲剩左D汁 除左用黎煮多左鮑汁雞翼 & 蕃茄蛋一餐之外

仲有汁剩 笨笨我咁C孤寒 緊係食得唔好浪費

就用剩低個汁 煮埋呢個餸啦~

"蔥菜冬菇蒸肉餅"

好啦 簡簡單單 蒸多個肉餅又一餐啦

不過..........原來"人家大少"話唔鐘意食呢個整法

O..........SORRY~ 你唔早講 都唔係第一次整架啦

(其實佢更唔鐘意我係肉餅入面加"燕麥)

但係冇計啦 呢一點 我係唔會屈服架 哈哈~