我的工作及近況

當大家知道笨笨"升左官"之後 各位blog友既留言呀 真係好窩心

係六月廿九日 果間"公司"(舊公司)打左個電話比我....................................

開頭我有諗過唔聽 不過......我又唔係做左d乜野對唔住人 所以都係聽左

(全程佢既對話都勁nice...... 唔知仲以為同佢好好朋友=.=)

老闆娘: 呢排訓得好晏呀? 早幾日諗住搵你飲茶 你個衰妹做乜唔聽

            電話呀?

笨      : mu........ 呢幾日有d感冒 食左藥 所以訓晏左囉

老闆娘: 點呀 好返d未呀? 休息夠未呀?

笨      : ok啦 多謝關心

老闆娘: 有冇搵工呀?

笨      : 有呀 唔使開飯咩

老闆娘: (靜左幾秒.......) 有冇興趣返黎做呀

笨       : o下? 你講多次...... 我唔係好明

老闆娘: 想睇下你會唔會考慮下返黎做 其實呢公司係請左個人 不過

            ................................(下刪百字....內容都係批評她人)

笨       : 咁............ 我唔會簽個d野 而且 人工方面.............

老闆娘: 你之前既人工 加多你500 不過當係新入職 過試用期既話 會再加比你

             至於之前要你簽個d野 唔會再要你簽

笨       : 比d時間我諗下

老闆娘: 好..... 你要諗幾耐? 公司真係好等人用

笨       : 1個鐘啦 我遲1個鐘打比你啦

老闆娘:  好 咁我等你電話 希望大家可以再合作

跟住 我就打比"人家大少"問佢點睇..............................佢(又係廢話=口=)

你自己揸主意啦....... 不過 人地都肯叫做低聲下氣黎搵返你囉 仲肯加你人工

同埋你諗下....... 搵左成2星期工啦 個市場都唔係真係咁好 之前睇新聞你都

知架啦 最低工資之後 好多老闆既要求都高左............而且你咁樣返去 基本上

佢地應該唔敢咁過份架啦 難聽d講 你可能講句野都可以大聲d (下刪數十字)

ok啦 咁我覆返佢啦 我明白架啦..........................

唉  不過...........................各位blog友唔c為笨笨擔心 因為我明白........

馬死落地行 逆來順受 騎牛搵馬 笨笨好易down 不過都好容易

開心 wkakakka 只要我自己明白之後既路係要點樣去行 我一定捱得過既

呢個世界 冇乜野咁大不了 至緊要係身體健康 有健康既話 條路一定行

到落去既 係唔係?

我冇諗過 會有乜野奇蹟出現 什麼突然發達 .......... 笨笨只求自己及身邊既人,

屋企人,朋友,貓地 都身體健康^^........ 搵幾多 著幾多 好多時都係整定既 哈哈~

放心 我會積極面對任何事 有時間既話 亦會去增值自己