豆角炒牛肉 & 清蒸金鼓

某日 收到blogger幾篇留言 說我寫食評寫得太差

好似叫全部睇完我blog既人 都唔好去光顧呢間食市

(嘩@o@ 我有咁大影響力就好啦 我仲唔鬼鬼祟祟 自己開間舖咩 haha~)

當然 好與唔好 笨笨都會接受意見 之但係呢...................

我想同各位講 笨笨唔係一個食評家 更加唔係d乜野識得煮野既人

(識得我耐既BLOG友都知啦 我個D 只係普通家常餸菜 出唔到大場面)

我自問 我只係一個大鄉里 我寫既 更加唔係什麼食評...................

(識寫食評 我就唔C打幾千蚊份工 家陣仲要量地度階磚啦 WAKAKA)

我寫任何一樣野 只係講出自己既感受 自己既諗法 自己既口味

絕冇諗過去抵毀人地 而且口味既野 真係人人唔同架麻

有人鐘意咸 有人鐘意淡 有人鐘意甜 ......................................

就算個餐飯幾貴都好 我覺得唔好食 我就會講出自己既口味

最後............我自問我真係唔係一個懂得飲食既人 

有名叫架啦 (笨笨丫麻) 所以如果有任何得罪既話 盼望大家見諒 

 

"豆角炒牛肉"

熱到丫 個腦都好似熔埋咁呀 唉~ 笨笨即係笨笨(個腦同雪糕一樣 好易熔)

街市又熱又焗 求求其 拿拿林 買完就鬆人 呢晚好夜先去買餸 ..................

因為做左"跟車" 本黎"人家大少"話出去食 之但係.....................................

出去茶餐廳 又係食個d 唉~..........7點左右 唔太夜 試下去街市睇下有冇

平夜執先..................wkakakakakka 去到牛肉檔 見佢未收 問下有冇買黎

炒下既先.......... 點知..............得返手切肥牛 要我最小買15蚊 手切肥牛

15就15啦 殺你^o^ 比日頭買 多左1/4 hahaha~ 呢次d牛肉好正呀 點解?

笨: d牛肉好唔好食呀?

人家大少: 好味呀 而且唔un 識你咁耐 呢次炒得最好食架啦

笨: 妖lee個蕃茄apple橙丫

"清蒸金鼓"

哈哈~ 真係唔好意思呀 又係金鼓呀 呢條買個時 差唔多暈架啦

不過仲爭扎緊 老闆話收工價25蚊 比起上次個條大條左呢~ 唔帶佢

返屋企 好似有d對唔住自己呀 sorry~

趕時間 滾返個快靚正湯水勝瓜咸蛋肉片湯